Aumingjans aðrir háskólanemar

Nemendur Háskóla Íslands líta óþarflega mikið niður á aðra háskólanemendur á Íslandi, eða umorðað: Líta stórt á sjálfa sig. Flaggskip þjóðarinnar já? Af hverju á að skerða fjárframlög til annarra háskólastofnana á Íslandi svo Háskóli Íslands geti fengið enn meira af fé landsmanna án sérstaks leyfis þeirra? Á kannski að hækka skatta til að mæta fjárþorsta stúdenta við Háskóla Íslands? Hvað þýðir það þá fyrir þann launaávinning sem margir háskólanemar, t.d. annarra háskóla á Íslandi, hafa reiknað með að fá út á háskólanámið? Hann hverfur fljótlega í skattahækkanahítina ef stúdenta Háskóla Íslands fá að ráða.

Er ekki nýbúið að gera risastóran samning ("tímamótasamningurinn") sem stóreykur fjáraustur úr vösum launþega í menntun stúdenta við Háskóla Íslands (umfram aðra háskóla)? Er til einhver upphæð sem þaggar niður í heimtufrekju stúdenta við Háskóla Íslands?

Stúdentaráð vill að menntamál verði kosningamál

Athugasemdir

[Fjóla stúdentaráðsliði með fleiru.... (IP-tala skráð) 14.4.2007 kl. 21:50]

Þjóðskóli minn kæri sem er fjársveltur, við í stjórn stúdentaráðs lítum já með stolti á skólann okkar og viljum gera hann að enn betri stað til þess að nema við! Ég myndi ekki kalla okkur fjárþyrsta stúdenta með heimtufrekju, það er löngu tímabært að auka framlög við skólann........

[Þórir Hrafn Gunnarsson, 15.4.2007 kl. 18:38]

heill og sæll,

Það yrði gaman ef þú gætir bent mér á kaflann í stefnuskrá SHÍ þar sem að farið er fram á það að framlög til annarra háskóla en HÍ verði lækkuð?

Kveðjur :)

[Geir Ágústsson, 15.4.2007 kl. 18:58]

Það er óbeint innifalið í því að vilja aukið skattfé að annaðhvort,

1) Aðrir fái minna

2) Skattar hækki

Ég nefni báða kosti en sé ekki hvorn þeirra SHÍ kýs frekar.

Ég sé heldur enga þörf á því að gera HÍ að betri stað til að nema við. Er hann ekki yfirfullur eins og er? Ef eitthvað ætti að gera erfiðara fyrir fólk að nema við HÍ. Til dæmis man ég hvernig aðbúnaði við stærðfræðikennslu var stórlega ábótavant á mínu fyrsta ári í verkfræði, sem gerði að bara þeir allra viljugustu héldu áfram í náminu, sem aftur tryggði að aðbúnaður var með besta móti strax á öðru ári. Það er nefninlega þannig að ekki geta allir lært allt (t.d. gæti ég ekki staðist lögfræðipróf sama hvað ég mundi reyna!).

[Þórir Hrafn Gunnarsson, 15.4.2007 kl. 19:15]

Það er reyndar beinlínis sagt í stefnuskrá SHÍ að stúdentar vilja hækkun á framlaginu til Háskólans þannig að þeirri spurningu hefur verið svarað.

Hins vegar  er rétt að benda þér á að vel er hægt að hækka framlögin til Háskólans án þess að skera niður til annarra háskóla eða hækka skatta, það er hægt að skera niður annarsstaðar, ég nefni lanbúnaðarkerfið sem príma dæmi.

Annars verð ég að segja að það eru mun betri leiðir til þess að skera úr um hverjir eru virkilega viljugir í námi heldur en að halda háskólanámi í fjársvelti. Benta má á t.d. svona Almennu próf eins og stunduð eru í lögfræði og sálfræði.

Kveðjur :)