Meira svona, takk!

Gjaldtaka er yfirleitt góð hugmynd og hefur marga kosti, svo sem:

 

• Gjaldtaka flytur kostnað yfir á þann sem nýtir og notar, og frá þeim sem gerir hvorugt.
• Gjaldtaka gerir það mjög sýnilegt fyrir rekstraraðilann fyrir hverju er eftirspurn og hverju ekki.
• Gjaldtaka takmarkar átroðning og tryggir að þeir sem vilja mest fái aðgang, en aðrir bíða (t.d. eftir lægra gjaldi á minni annatíma).
• Gjaldtaka gerir rekstraraðila kleift að hagnast á því að bjóða aðgang. Kannski opnast aðgangur á fleira fyrir vikið?
• Gjaldtaka setur peninga í vasa rekstraraðila sem má nýta til að bæta aðstöðu og laða fleiri að.

 

Gjaldtöku mætti nota mun víðar en á ferðamannastaði, t.d. í skóla, sjúkrastofnanir og vegaaðgang.  Gjaldtakan héldi öllum kostum sínum við það.

En hvað með þá sem hafa ekki efni á gjaldinu en þurfa aðganginn? Þeir gætu reynt að höfða til samborgara sína, sem dytti jafnvel í hug að styrkja málefnið ef rökin eru góð. Velferðarkerfið útrýmdi á sínum tíma heilum hafsjó af frjálsum félagasamtökum sem styrktu allt frá læknisheimsóknum fátækra til verndar náttúruperla. Kannski er lag núna að búa til frjóan jarðveg fyrir slíka starfsemi á ný og koma ríkisvaldinu frá? 

Stefnt að gjaldtöku á morgun

Athugasemdir

[Einar (IP-tala skráð) 13.3.2014 kl. 20:26]

Já endilega, búum aftur til þá "heldri" og þá sem þjóna þeim.  Snilldarhugmynd, þú mættir þá til "vinnu" hjá mér á morgun, færð 500 krónur á viku fyrir eingöngu 18 tíma vinnu á dag 7 daga vikunnar.  Eða hafðir þú hugsað þér að tilheyra "heldri" hópnum.

Og af því að ég kíkti aðeins á síðuna hjá þér þá vantar aðeins hér inní

"Hægrimaður: Einstaklingur sem tortryggir ríkisrekstur og skattlagningu, en lítur jákvæðum augum á frjáls viðskipti á frjálsum markaði. Hægrimaðurinn fagnar og styður útvíkkun hins frjálsa markaðar á kostnað ríkisumsvifanna ásamt því að styðja arðrán svo lengi sem það er gert undir formerkjum frjálsa viðskipta" 

[Kristján Bjarni Guðmundsson, 13.3.2014 kl. 21:28]

Heldurðu virkilega að meirihutinn af þessum peningum fari í að bæta aðstöðuna? Af hverju höfnuðu landeigeindur tugi miljóna sem ríkistjórnin var tilbúin að setja í að bæta aðstöðuna? Vertu ekki svona einfaldur, auðvitað fer þetta mest allt beint í vasa landeiganda. Það eru engin lög eða kröfur sem segja að þeir verði að setja þetta í eitt eða neitt.

[Geir Ágústsson, 14.3.2014 kl. 07:20]

Megi eigendur lands og húsnæðis njóta þess sem mest að fá tekjur fyrir að bjóða skítugum skóm aðgang að einhverju sem enginn þvingar neinn til að skoða eða heimsækja.

[Geir Ágústsson, 14.3.2014 kl. 07:23]

Ef þið, Einar og Kristján, skrifið mér póst ([e-mail]) með heimilisfangi og fullu nafni sendi ég ykkur, með ánægju, og á minn reikning, eintak af bókinni Hagfræði í hnotskurn (http://www.forlagid.is/?p=580007). Hún svarar vangaveltum ykkar.

Þið getið einnig skilið þessar upplýsingar eftir hérna.