Tillaga sem nálgast lausn

Því miður fyrir íslenska skuldara gerði ríkisstjórnin leynilegt samkomulag við erlenda kröfuhafa bankanna um að afskrifa ekki kerfisbundið og að nota ekki afskriftir sem almenna aðgerð.

Segjum nú sem svo að önnur ríkisstjórn tæki við. Væri hún bundin af sama samkomulagi? Hver veit.

Hvað sem því líður, þá nálgast þessar tillögur þingmanna Sjálfstæðisflokksins eitthvað sem gæti virkað til að vinda ofan af skuldaklafa íslensks almennings. 

Betri tillaga hefur samt komið fram, í grein frá Gunnlaugi Jónssyni, framkvæmdastjóra (birtist í Morgunblaðinu 7. október 2010). Þá grein má lesa í mynd viðhengdri þessari færslu.

Skattarnir lækki

Skrár tengdar þessari bloggfærslu:

• Hugmynd að lausn á skuldavanda heimilanna

Athugasemdir

[Bjarni Leifsson (IP-tala skráð) 19.10.2011 kl. 07:51]

Ríkisstjórn hefur reyndar ekki leyfi til að skuldbinda fram í tíman, sem nemur annari ríkisstjórn...

[Hjalti Elíasson, 19.10.2011 kl. 07:57]

Þetta er ekki rétt Bjarni. Þessi ríkisstjórn sem  nú er við völd er að framfylgja stefnu og vinnur eftir ákvörðun r

íkisstjórnar Geirs og Sollu. Samningur við Alþj gjaldeyrissjóðin bindur hendur þessarar ríkisstjórnar.

[Geir Ágústsson, 19.10.2011 kl. 08:09]

Reyndar hefur núverandi ríkisstjórn vikið TÖLUVERT af þeirri leið sem ríkisstjórn GHH og ISG lagði upp með t.d. í Icesave-málinu. 

Ein ríkisstjórn bindur ekki aðra.

Núverandi ríkisstjórn hefði geta endað samstarfið við AGS.

Nokkrir þingmenn annars stjórnarflokksins vilja t.d. að lagt verði í þjóðaratkvæðagreiðslu um aðild Íslands að NATO. 

Í Skotlandi er viðbúið að stjórnmálasambandið við Englendinga verði klippt.

Að gera eitthvað eða ekki er undir þeim komið sem situr við stjórnvölinn. Öllum samningum má rifta, þótt stundum sé það bundið ákveðnum skilyrðum.

[Stefán Júlíusson (IP-tala skráð) 19.10.2011 kl. 08:37]

Ég held að enginn kröfuhafi myndi hafa sætt sig við það af einhverri góðmennsku að afskrifa skuldir.

Reyndar eru kröfuhafar í Landsbanka Íslands að kæra neyðarlögin einmitt vegna þess að þeir vilja ekki gefa eftir af kröfum sínum og leyfa einstaklingum og félagasamtökum að fá forgang í eignir bankans.

Ný ríkisstjórn myndi ekki ná neinum árangri, en ef hún vildi gera það fyrir myndavélarnar til að lýta vel út, þá gæti það borið árangur.  Popúlismi.

[Geir Ágústsson, 19.10.2011 kl. 08:54]

Ein veigamestu rökin fyrir því að taka inn eins mikið af eignum og hægt er upp í skuldirnar, og afskrifa restina, eru þau að þannig sé hægt að byggja upp til lengri tíma.

Þetta er vitaskuld undir bönkunum komið.

Ég geri mér ekki grein fyrir því hverju bankarnir ráða og hverju löggjafinn og hið opinbera ræður þegar kemur að viðræðum við hvern og einn viðskiptavin. Svo virðist sem tugmilljarða afskriftir séu í lagi þegar um er að ræða gjaldþrota fyrirtæki, en að önnur lögmál gildi gagnvart einstaklingum. Hvernig stendur á því? Sumir hafa sínar kenningar. 

[Stefán Júlíusson (IP-tala skráð) 19.10.2011 kl. 09:10]

Einstaklingar eru betri skuldarar.

Öll þeirra lán eru með veði í einhverju.  Einstaklingar greiða því eins og þeir geta af lánum sínum, því annars missa þeir sínar eignir.

Fyrirtæki geta alltaf selt eignir út úr fyrirtækjum og sett svo gamla fyrirtækið á hausin.  

Fyrirtæki geta stundað kennitöluflakk á Íslandi, en ekki einstaklingar.

Þetta er því í raun mjög einfalt, kalt mat lánastofnana sem stunda rekstur. 

[Geir Ágústsson, 19.10.2011 kl. 09:32]

Láttu mig þekkja það. Ég er íbúðareigandi sem skulda meira en ég get fengið fyrir eignina. Bankinn gefur ekki þumlung eftir.

En á einhverjum tímapunkti stóðu yfirvöld frammi fyrir ákvörðun: Láta þrotabú bankanna taka tímabundinn skell til að vinda ofan af skuldaklafanum, eða ekki. Bankarnir voru þjóðnýttir, og við yfirfærslu í hina "nýju" banka voru miklar afskriftir gerðar, og pólitísk ákvörðun að ákveða framhaldið. Sú ákvörðun sem var tekin hefur svo getið af sér ýmsar kenningar (sjá líka hér).

Kannski eru kurlin öll að komast til grafar smátt og smátt, og ástandið eins og það er. Kannski þarf næsta ríkisstjórn að gera eitthvað róttækt, t.d. lempa gjaldþrotalög vegna gjaldþrota einstaklinga, til að grafa skuldaklafann ofan af hagkerfinu.

Sjáum hvað setur.