Svarti markaðurinn sýnir klærnar

Þjófarnir höfðu 150 karton af sígarettum og eitthvað af smámynt upp úr krafsinu.

Fréttir af þessu tagi eru að verða sífellt algengari. Ég skrifaði nokkur orð um keimlíka frétt fyrir nokkrum vikum og endurtek nokkur þeirra núna:

Fáránlega háar opinberar álögur á tóbak hafa ýtt mörgum tonnum af íslenskri sígarettusölu út á hinn svarta markað. Sígarettum er smyglað til landsins í stórum stíl, en líka stolið úr löglegum verslunum og seldar til venjulegs fólks á mun lægra verði en gengur og gerist. 

...

Venjulegt fólk finnur sig í auknum mæli knúið til að skipta við lögbrjóta til að verða sér úti um neysluvarning, t.d. tóbak og áfengi en einnig ýmislegt annað (kjöt, fatnaður og svona má lengi telja).

Vítahringurinn sem yfirvöld eru í er vel þekktur í sögubókunum. Fyrst er eitthvað skattlagt upp í rjáfur, síðan tekur svarti markaðurinn við, venjulegt fólk byrjar í auknum mæli að versla við glæpamenn og gera sjálft sig að lögbrjótum í leiðinni, yfirvöld herða refsingar og stinga sífellt fleirum í steininn, og svona vindur þetta upp á sig þar til menn sjá að fangelsi eru yfirfull af venjulegu fólki sem engu ofbeldi hefur beitt og var einfaldlega að reyna bjarga sér í umhverfi vaxandi ríkisvalds og óhóflegrar álagningar.

Þetta byrjar á "syndsamlegum" varningi eins og tóbaki og áfengi, en breiðir sig smátt og smátt (eða hratt og örugglega) út til matvæla, fatnaðar og allskyns annars varnings, svo ekki sé talað um þjónustu sem nú þegar er veitt í ríkulegum mæli "undir borðið" (utan skattkerfisins).

Eina leiðin út úr þessum vítahring er sú að vinda ofan á fjárþorsta ríkisvaldsins með því að minnka það niður í mýflugumynd af núverandi stærð. 

Stálu 150 sígarettukartonum

Athugasemdir

[Páll (IP-tala skráð) 8.2.2011 kl. 09:35]

Eitthvað finnst mér nú gruggugt við þessa uppgefnu tölu af stolnum sígarettukartonum hjá eiganda söluturnsins. Þetta eru 1500 pakkar og þarf að selja 50 pakka á dag ef þetta er mánaðarskammtur. Ég vann á einni af annamestu bensínstöð höfuðborgarsvæðisins og þar slagaði sígarettusalan ekki nálægt þessu. Þetta lyktar aðeins af tryggingasvikum.

[Gunnar Þórólfsson (IP-tala skráð) 8.2.2011 kl. 10:11]

fynnst þér 5 karton af sígarettum á dag mikið? hagkaup á akureyri eru að selja um 10-15 á dag á venjulegum degi.

ég myndi nú frekar halda að þetta séu nú bara 2-4 aðilar sem ætluðu að ná sér í ókeipis sígarettur, þetta er ekki það mikið magn, varla ársskammtur

[Geir Ágústsson, 8.2.2011 kl. 11:13]

Hvort sem þjófarnir ætluðu sér að selja þýfið eða reykja það sjálfir er aukaatriði. Ef tóbak væri ekki svona hrikalega skattlagt og þar með verðlagt þá mundi enginn nenna að stela því.

Hið sama gildir um áfengi: Ef það væri ekki svona hrikalega skattlagt og þar með verðlagt þá mundi enginn nenna að stela því og mun færri mundu nenna að brugga það í bílskúrnum heima hjá sér.

[Páll (IP-tala skráð) 8.2.2011 kl. 12:08]

Þetta er sjoppa í grafarvogi, ekki Hagkaup á Akureyri. Mér finnst þetta mikið já.

[Gunnar Þórólfsson (IP-tala skráð) 8.2.2011 kl. 16:29]

ég veit vel að þetta er sjoppa í grafarvogi, mér fannst bara eins og þú værir að mikla þessa tölu sem er í raun varla til að tala um, ársskammtur handa einum einstaklingi eða svo að segja, ég hef keipt meira en 15 karton í einu handa sjálfum mér til að eiga.

en það er rétt geir, þessari skattageðveiki á tóbaki og áfengi verður að linna, að eiða peningum í að taka menn líka fyrir að brugga heima hjá sér, fyrir sjálfa sig er svo fáránlegt að það hálfa væri hellingur. fynnst obboslega asnalegt að mega brugga uppað 14% (var það ekki 14 örugglega?) en allt yfir það er ólöglegt. breita þessu að menn megi brugga eins og þeir vilji en ef það sannast að þeir selji bruggið þá megi kæra. hafa bara meiri fræðslu um heimabruggun því það er ekkert mál að brugga góðan landa með litlum tilkostnaði

sama með sígarettur, fyndist að það ætti að mega rækta tóbaksplöntu heima hjá sér en mig minnir að hún sé á bannlista hjá ríkinu þó ég ætli ekki að fullyrða það