Tímasóun lögreglunnar

Ég sárvorkenni lögreglumönnum sem eru neyddir til að eyða tíma og orku í að elta uppi landabruggara. Sennilega eru lögreglumenn neyddir til að forgangsraða þessari tilgangslausu landaleit hátt af æðri stjórnendum sem hafa fyrst og fremst í huga að búa til flottar fyrirsagnir sem sýna fram á "virkni" lögreglunnar.

Lögreglan handtekur fólk sem beitir engu ofbeldi, þvingar enga til neins og framleiðir varning sem fólk kaupir af fúsum og frjálsum vilja. Af hverju? Lögreglan gerir 1000 lítra upptæka og tekur þá af landamarkaði. Verð á landa fer örlítið upp, hvatinn til að selja landa eykst lítillega, nýir aðilar fara inn á markaðinn, verð lækkar aðeins, fleiri kaupa, hagnaður eykst, lögreglan gerir upptækt, og svona heldur hrinrásin áfram þar til löglegt áfengi fæst aftur á boðlegu verði (að mati áfengiskaupenda). Ekki fyrr.

Ofbeldi og þjófnaðir eru einu verkefnin sem lögreglan ætti að skipta sér af. Allt annað (eða svo gott sem) er tíma- og peningasóun. 

1200 lítrar af heimabruggi

Athugasemdir

[Örn (IP-tala skráð) 1.12.2010 kl. 11:16]

Hjartanlega sammála og hef lengi verið á þeirri skoðan og jafnframt róttkækari aðgerðum. Svo sem :

Færa áfenga drykki undir 6% í almennar verslanir (sést hefur sem dæmi í Finnlandi að neysla á sterku áfengi minnkar)
Lækkun aldurstakmarks á sölu áfengis í 18 ára (það eru nú einföld réttindi sjálfráða fullorðins einstaklings)
Og svo náttúrulega að lækka skatta þar sem þegar hefur verið sýnt fram á að minna fæst í kassann eftir hækkun.

[Kjartan (IP-tala skráð) 1.12.2010 kl. 11:20]

Hann var stórtækur þessi, hefði átt að sækja um framleiðsluleyfi og selja landa í ríkinu á viðráðanlegu verði.

[Geir Ágústsson, 1.12.2010 kl. 11:38]

Í Danmörku (þar sem ég hef dvalið lengi vel) er hægt að kaupa allar tegundir af áfengi í hverri einustu búð og sjoppu. Áfengi má líka auglýsa. Lögreglan þar hefur svo eftirlit með því að verslanir fylgi lögum (áfengiskaupaaldur í Danmörku er 16 ár).

Ég efast um að margir Danir bruggi landa í bílskúrnum sínum, í vafasömum gæðum, og reyni að selja ungmennum, sem um leið taka áhættuna, hætta t.d. á að kaupa tréspíra og verða blindir. 

Er Danmörk svona hrikaleg fyrirmynd? Af hverju að apa bara upp það versta frá Norðurlöndum en skilja hið "skemmtilega" eftir?

[Merkúr (IP-tala skráð) 1.12.2010 kl. 11:41]

Svona heimabrugg getur verið stórhættulegt þannig að ég lít nú ekki á það sem tínasóun að reyna að spyrna við fótum. Þessi varningur er oft framleiddur af einhverjum sem ekki kann til verka og við sóðalegar aðstæður. En ég er á því að áfengi sé allt of dýrt og það er virkilega ömurlegt að geta ekki keypt sér eina bjórkippu og eina léttvín svona einu sinni í mánuði!

[Ólinn (IP-tala skráð) 1.12.2010 kl. 11:52]

Jajá... Blátt M&M er líka hættulegt

[corvus corax, 1.12.2010 kl. 12:50]

Hættan við heimabruggið og landann er dauðans alvara. Ef illa er staðið að framleiðslunni og hreinlæti ábótavant getur orðið lífshættulega hátt hlutfall af tréspíra í afurðinni og þá erum við að tala um lífshættu en í besta falli varanleg örkuml neytenda. Sennilega er illræmdasta dæmið um slíka framleiðslu með háu tréspírahlutfalli svokallað Bathtub Gin sem drap og stórskaðaði fólk í London um miðja 18. öldina en þar var um að ræða fljótgerða áfengisframleiðslu þar sem hreinlæti og vandvirkni voru yfirleitt víðsfjarri. Við skulum þess vegna ekki taka aðgerðum lögreglunnar gegn framleiðslu og sölu landa með léttúð.

[Geir Ágústsson, 1.12.2010 kl. 13:41]

Corvus,

Satt og rétt, heimabrugg getur verið stórhættulegt.

Hins vegar virðist verð á löglegu áfengi vera of hátt, svo fleiri og fleiri leita nú á náðir svarta markaðarins.

Til að minnka skaðann af hættum ólöglegs heimabruggs væri sennilega gott fyrir lögregluna að halda sig frá aðgerðum gegn því. Á þann hátt fá heimabruggarar tíma og næði til að fínpússa framleiðslu sína og byggja upp orðspor meðal neytenda fyrir gæði. Heimabruggarar á eilífum flótta þurfa að flýta sér til að ná að koma framleiðslu sinni út áður en lögreglan ber að dyrum.

[corvus corax, 1.12.2010 kl. 14:18]

Sammála Geir, en skynsamlegast væri auðvitað að afnema lögin sem banna öðrum en útvöldum leyfishöfum að framleiða áfengi. Það vita það allir sem vilja að áfengi er framleitt á heimilum landsins til heimilisnota í stórum stíl með svokölluðu bjór- og víngerðarefni sem fæst löglega keypt í verslunum þrátt fyrir að það sé bannað með öllu að framleiða áfengi sterkara en 2,25% af rúmmáli.

[Óskar Guðmundsson (IP-tala skráð) 1.12.2010 kl. 15:42]

Reyndu að boða þetta á Siðlindrahælinu (áður Alþingi)Þar er sko stefnan að taka upp stefnu Noregs og Sádi-Arabíu... Höft, bönn og aftur bönn!

[Kjartan (IP-tala skráð) 1.12.2010 kl. 15:47]

Mæli með að einn af ykkur bloggurunum komið með leiðbeiningar, eða uppskrift, af landagerð fyrir hina óreyndu landagerðamenn sem þurfa að fylla í skarðið fyrir þann sem var handtekin.

[Arngrímur Eiríksson (IP-tala skráð) 1.12.2010 kl. 16:43]

Á lögreglan semsagt ekki að skipta sér af kynferðisbrotum og öðrum auðgunarbrotum nema þjófnuðum? Snilld. Og beindu gagnrýni þinni að réttum aðila, ALÞINGI, sem setur lögin sem lögreglan er að vinna eftir. Ég get líka gefið þér crash kúrs í íslenskri stjórnskipan ef þú vilt.

AE

[Pétur (IP-tala skráð) 1.12.2010 kl. 16:59]

Lögreglan handtekur fólk sem beitir engu ofbeldi, þvingar enga til neins og framleiðir varning sem fólk kaupir af fúsum og frjálsum vilja.

Fólk kaupir líka kókaín af fúsum og frjálsum vilja. Eigum við þá ekki að sleppa kókinu í gegnum tollinn??

[bpm (IP-tala skráð) 1.12.2010 kl. 17:40]

Lagast ekki svona firra fyrr enn sett er í stjórnarskrána að gjöld fari aðeins í kosnað vegna verkefnis eins og áfengisgjald fari aðeins í samband við áfengisneyslu og forvarnir ekki sem skattur skatta skulu gerðir á alþingi gjöld skulu ekki safna sjóði sjóður bíður upp á spillingu .og engin veit hvað skatt þörfin er .

[Geir Ágústsson, 1.12.2010 kl. 19:13]

Arngrímur,

Þú sást að ég nefndi ofbeldi sem eitt af viðfangsefnum lögreglunnar, er það ekki? Hvað eru auðgunarbrot annað en þjófnaður? Hvernig aðgreinir þú þetta tvennt? (Ég geri lítinn greinarmun á einni tegund þjófnaðar og annarri.)

Pétur,

Það væri til bóta. Þegar kókaín og önnur "hörð" fíkniefni voru lögleg (sem var víðast hvar í hinum vestræna heimi a.m.k. fyrir seinni heimsstyrjöld) þá voru þau mjög vægt "vandamál" miðað við hinn harða heim fíkniefna sem er búið að ala okkur upp í að sætta okkur við.

bpm,

Hugsanlega. En það er til tvenns konar meðferð: Sú sem er greidd af þeim sem fara í hana, og sú sem er greidd af öðrum. Sú fyrrnefndari er bæði réttlátari og skilvirkari. Ég gref með ánægju upp skýrslur og rannsóknir sem rökstyðja það.