Kaupmannahafnarborg gæti gefið bin Laden hús

Norðmenn og Svisslendingar sem vilja "viðræður" við hryðjuverkasamtök Osama bin Laden (ef hann er þá ennþá á lífi) ættu að læra af reynslu Kaupmannahafnarborgar. Hér í borg eyddu hin svokölluðu "ungmenni" mörgum mánuðum í að eyðileggja götur og eignir borgarbúa og verslunareigenda með íkveikjum, veggjakroti og götustríðum við lögregluna til að sannfæra Kaupmannahafnarborg um að "gefa" þeim eins og eitt hús, án þess samt að vilja að borgin eða borgarbúar gætu haft eitthvað um starfsemi í slíku húsi að segja.

Borgaryfirvöld gáfu eftir og brenndu væna hrúgu af fé skattgreiðenda til að verða við kröfum skemmdarvarganna. Ekki að "ungmennin" hafi skort fé - þeir sem sýndu málstað þeirra samúð voru fyrir löngu búnir að safna saman mörgum milljónum danskra króna til að kaupa eins og eitt stykki hús, en það vildu "ungmennin" ekki. Húsið varð að vera greitt af skattgreiðendum af algjörum hugsjónaástæðum, og á endanum beygðu veikgeðja sveitastjórnarmenn sig í duftið og neyddu alla til að greiða fyrir áhugamál og vistarverur fárra.

Norðmenn og Svisslendingar geta e.t.v. boðið bin Laden aðstöðu í nágrenni hins nýja ungmennahúss í Norð-vestur hverfi Kaupmannahafnar, íbúum svæðisins til ama og ótta, en skítt með þá (þeir mótmæla bara friðsamlega og slíkt telst ekki með lengur). 

Norðmenn reiðubúnir til viðræðna við bin Laden

Athugasemdir

[óli (IP-tala skráð) 27.8.2008 kl. 16:39]

Bin Laden. Já hann minnir mig nú alltaf svoldið á Jesú svona á myndum! Ég er farin að halda smá með honum líka,gaman að sjá mesta herveldi heimssögunar leita að einum höltum gömlum manni í 8 ár án nokkurs árungurs!

[Geir Ágústsson, 27.8.2008 kl. 20:22]

Óli,

Er hann lifandi? Hvernig veistu? (Forvitni hjá mér.)

Annars gleymdir þú að nefna að á meðan einn her (sá bandaríski, í bandalagi við eins og tvo til þrjá tugi aðra heri) leitar að manninum þá eru vinir þínir í td Sýrlandi, Íran, Pakistan og Palestínu meira en tilbúnir að veita honum skjól (og bera við fullveldi/sjálfstæði til að halda hinum illu bandarísku, íslensku, þýsku, frönsku, sænsku, dönsku osfrv. friðargæsluliðum frá).

Svo feluleikurinn er ekki alveg beinlínis á milli vinar þíns Osama bin Laden og óvina þinna í Bandaríkjunum, Japan, Danmörku, Ástralíu, Íslandi og fleiri löndum. Þú ert kannski að skrifa undir aðeins meira en bara tilhlökkun yfir óförum eins lands sem þú hefur óbeit á af ótilgreindum ástæðum.