Femínista skortir umburðarlyndi gagnvart helvítis, heimsku hórunum

Femínistar (í rauðum skilningi hugtaksins) sýna það og sanna trekk í trekk að þeir hafa ekki vott af umburðarlyndi í sér. Þeim nægir ekki að hafa ákveðna hugmyndafræði og fylgja henni eftir í orði og verki í eigin lífi. Nei, þeir vilja að ríkisvaldið framfylgi hugmyndafræði sinni og þvingi hana ofan í kokið á öllum með lögregluvaldi og skyldaðri sálfræðimeðferð, sama hvað tautar og raular.

Í Kastljósi í gærkvöldi tókust á tveir kvenmenn í umræðum um vændi og löggjöf; frjálshyggjukonan Heiðrún Lind Marteinsdóttir og rauðliðinn Drífa Snædal. Heiðrún talaði vitaskuld fyrir því að kvenfólk eigi sjálft að fá að ráða því hvað það gerir með líkama sinn, sama hvað líður smekk og siðferðisvitund okkar hinna, og að ekki megi rugla saman ofbeldi annars vegar (mansal, misþyrmingar) og því að taka meðvitaða ákvörðun um að selja kynlíf með notkun eigin líkama.

Heimsmynd Drífu er önnur. Heimsmynd hennar er sú að setja samasemmerki á milli alls milli himins og jarðar og draga ályktanir út frá því. Í stuttu máli:

• Vændi er stundað af sumum konum.
• Sumar konur eru beittar ofbeldi.
• Sumar konur vilja hætta að stunda vændi en gera það samt ekki af einhverjum ástæðum. 
• Sumar konur eru beittar ofbeldi.

Niðurstaða: Vændi er jafngildi mansals og ofbeldis, og ber því að banna til jafns við mansal og ofbeldi.

Hvað svo ef einhver er á annarri skoðun og bendir á að mansal finnist líka í byggingaiðnaðinum og landbúnaði og ofbeldi finnist víðar en í forminu "karlmaður lemur konu"?

Svarið við slíkri ábendingu er, að því er virðist undantekningalaust: "Vændi er jafngildi mansals og ofbeldis, og ber því að banna til jafns við mansal og ofbeldi."

Hvað ef einhver bendir á að sumar konur, hvort sem það er vegna fjárskorts eða greddu eða einhvers annars, tekur meðvitaða og sjálfviljuga ákvörðun um að stunda vændi, rétt eins og aðrir kjósa að þrífa klósett eða standa við búðarkassa eða skrifa félagsfræðiskýrslur fyrir ríkisvaldið?

Svarið við slíkri ábendingu er, að því er virðist undantekningalaust: "Vændi er jafngildi mansals og ofbeldis, og ber því að banna til jafns við mansal og ofbeldi."

Hvað nú ef á það er bent að reynsla ýmissa landa sýni að konur sem stunda vændi þar sem slíkt er bannað (annaðhvort kaup eða sala þess) starfa við mun erfiðari skilyrði, minna öryggi, þurfi að sinna ógeðfelldari (og lögregluhræddum) kúnnum, og þiggja fyrir það verri laun en þar sem vændi er umborið af lögreglu eða hreinlega löglegt?

Svarið við slíkri ábendingu er, að því er virðist undantekningalaust: "Vændi er jafngildi mansals og ofbeldis, og ber því að banna til jafns við mansal og ofbeldi."

Hvað nú ef á það er bent að hver einstaklingur á sinn eigin líkama og má ráðstafa honum hvernig sem er, á meðan aðrir eru ekki beittir ofbeldi?

Svarið við slíkri ábendingu er, að því er virðist undantekningalaust: "Vændi er jafngildi mansals og ofbeldis, og ber því að banna til jafns við mansal og ofbeldi." Stundum er svo bætt við: "Þær vita ekki sjálfar hvað þær eru að gera þessar helvítis heimsku hórur - samkvæmt þykku skýrslunni sem ég hef í hendi minni veit ég að þær eru óvitar og ógeð sem eiga að hætta í vændi hið fyrsta ella siga ég lögreglunni og félagsráðagjafahernum mínum á þær!"

Umburðarlyndi finnst ekki í blóði eða beinum femínista. Femínistar eru boðberar forsjárhyggju og þvingaðrar siðvæðingar á hópi sem þær líta á sem lágkúru samfélagsins, sem og kúnna þeirra. 

Athugasemdir

[Sif Sigthors (IP-tala skráð) 12.3.2008 kl. 22:46]

Vel gert Geir, vel gert..

 Lata thessar raudsokkur hafa thad.. heyr heyr hurra..!

[Einar Jón, 14.3.2008 kl. 01:57]

Varðandi þessi mál hlusta ég venjulega á Sóleyju Tómasdóttur, og reyni að finna þá skoðun sem er lengst frá hennar.

Hún linkaði nýlega í myndband þar sem fyrsti ramminn sýnir að yfir 90% kvenna í vændi vilja hætta í því. Mig dauðlangar að spyrja hana hvaða áhrif það hefur á þær konur ef vændi er bannað.

Mig langar líka að spyrja hana hvort hún vilji ekki bjarga heilbrigðiskerfinu með því að banna krabbamein... 

[Viðar Freyr Guðmundsson, 16.3.2008 kl. 21:54]

Þetta viðtal í kastljósinu sýndi bara hvað feministar eru þraungsýnn þjóðflokkur. Ég bara vorkenni fólki sem nennir að standa í svona vonlausri baráttu á vitlausum forsendum.