Þegar fólk er kallað nasistar þá bregðast þeir heilaþvegnu við

Þegar þú heyrir einhvern sífellt og ítrekað vera kallaðan nasista þá tekur þú væntanlega lítið mark á slíku. Ég meina, er þetta ekki bara ofnotað viðurnefni sem er kastað kæruleysislega á alla sem tjá skoðanir aðrar en þeir sem vinstrisinnaðir stjórnmála- og blaðamenn hafa?

Jú, vissulega er það svo, en sumir trúa. Sumir telja að þeir sem eru sér ósammála hljóti að vera einhvers konar fylgjendur þjóðernissósíalisma (nasismi til styttingar).

Það þarf lítið til að vera kallaður nasisti. Kannski bara að vera ósammála því að fylla samfélag sitt af nauðgurum með sveðjur, eða heilaþvo börn í grunnskólum. Jafnvel bara vilja draga úr miðstýringu hins opinbera. 

Í gær var Bandaríkjamaðurinn Charlie Kirk myrtur með byssuskoti (myndband - ekki fyrir viðkvæma) þar sem hann var að ræða við háskólanema um hvað það sem þeir vildu ræða við hann um. Tveir hljóðnemar, skoðanaskipti og samtal, og fjöldi áhorfenda. Nokkuð sem Charlie Kirk var þekktur fyrir að gera og gerði mjög mikið af, og alltaf til í að setjast með fólki sem hann var ósammála.

Margir málefnalegir andstæðingar hans hafa vottað samúð sína og fordæmt atvikið en slík yfirvegun er ekki algild. Ýmsir síðhærðir karlmenn með derhúfur og ýmsar vanstilltar konur með hring í nefinu hafa fagnað þessu morði ákaft og einlæglega. Evrópskir blaðamenn kenna auðvitað Trump um allt. En eftir stendur að maður sem hafði það starf að bjóða fólki að ræða við sig og rökræða var skotinn til bana. 

En af hverju að myrða hann?

Jú, því hann er nasisti, ekki satt?

Og nasista þarf að drepa, ekki satt? Alveg eins og í seinni heimstyrjöldinni, ekki satt?

Því trúa margir því þeir trúa því sem þeim er sagt.

Það er því ekki bara hægt að tala um krúttlega einföldun á veruleikanum að henda nasista-stimplinum í allar áttir. 

Af því það eru til einfeldningar sem trúa því að um bókstaflega nasista sé að ræða.

Sem er kannski markmiðið: Að ná einfeldningum á sitt band og senda þá eina af stað til að fórna lífi sínu til að forða öðrum frá óþægilegum rökræðum og skoðanaskiptum og jafnvel leiðinlegum kosningum þar sem sauðsvartur almúginn fær að segja sína skoðun í kjörklefanum.

Í gær var Charlie Kirk myrtur, en líka stór hluti af því sem var einu sinni vestræn menning skoðanaskipta án ofbeldis og yfirgangs. Þar sem tveir einstaklingar gátu skotið með orðum en ekki byssukúlum.

Þessu verður svarað. Ekki með ofbeldi heldur ennþá fleiri orðum. 

Arfleifð Charlie Kirk er gulltryggð og höggin í stein. Hér með.

Athugasemdir

[Ingólfur Sigurðsson, 11.9.2025 kl. 20:35]

Þegar Martin Luther King og John F. Kennedy voru drepnir á sjöunda áratugnum þá voru það íhaldsmennirnir sem voru í meirihluta og þessir menn ógnuðu þeim með miklu fylgi við málstaðinn sem síðar varð meginstraumurinn.

Það að Charlie Kirk var drepinn núna fyrir andstæð sjónarmið og tjáningu það segir einnig að þessir íhaldsmenn eins og hann ógna mjög fjölmennri valdastétt.

Þetta held ég að sýni að það er mögulegt að trumpisminn muni sigra í framtíðinni eða skynsemihyggja, eins og það var talsvert á brattann að sækja fyrir King og Kennedy þegar þeir voru drepnir.  

Ef það eina sem andstæðingarnir geta gert er að drepa viðkomandi, þá eru það algjör rökþrot. 

Þetta verður eiginlega að kalla á endurskoðun. Það er að segja líka demókratar og aðrir vinstrimenn þurfa að tóna niður sitt hatur á þeim sem hafa aðrar skoðanir.

[Helga Dögg Sverrisdóttir (IP-tala skráð) 11.9.2025 kl. 22:09]

Það er ótrúlegt að menn fagni aftöku manns, skiptir þá engu hver hann er eða hvar aftaka fór fram. Minnir á háttarlag hryðjuverkamanna.

Þessi unga kona segir frá hvernig kúgun í háskólasamfélaginu var og er kannski enn. Vonandi fer þessum heilaþvotti að ljúka.

https://youtu.be/jwdOic5aCoY

[Bjarni (IP-tala skráð) 12.9.2025 kl. 00:35]

Stundum má satt kjurt liggja en stundum þarf að segja satt frá.

Kirk var stuðningsmaður þjóðarmorða idf á Gaza hann tók undir með blaðri óragútans um no gun free zone, sagði að nokkrar skotárásir á skólabörn réttlættu ekki strangari byssulöggjöf. Sama hvernig á málflutning hans er litið þá er ljóst að þetta var drullusokkur. En stuðningmenn hans geta kæst yfir því að það sem hann boðaði, það fékk hann.

Hasta la vista motherfucker.

[Grímur Kjartansson, 12.9.2025 kl. 07:47]

Einhvern tíman voru birtar myndir af ISIS keyrandi um
þar sem þeir og viðstaddir fögnuðu ákaflega

líkinu sem þeir drógu á eftir sér um götur borgarinnar

[Vagn (IP-tala skráð) 12.9.2025 kl. 08:50]

Málfrelsið virðist virka eins hjá vinstri og hægri nú þegar vinstrisinnar taka upp svipaða skrímslavæðingu og einkennt hefur orðræðu hægrimanna. Vopnvæðing málfrelsisins er ekki lengur aðeins á hægri vængnum.

[Geir Ágústsson, 12.9.2025 kl. 16:14]

Það er vissara að taka fram að ef einhver sem heimsækir þennan þráð finnst Bjarni vera drullusokkur með rangar skoðanir, og túlkar jafnvel þær skoðanir sem einhvers konar stuðning við þjóðarmorð, þá er EKKI ÞAR MEÐ SAGT AÐ BJARNI SÉ RÉTTDRÆPUR!

Núna hefur morðingi Charlie Kirk verið handtekinn. Antifa og pro-trans. Gat verið.

[Geir Ágústsson, 12.9.2025 kl. 17:48]

Vagn,

Maður var myrtur vegna skoðanna sinna. Ekki sagt upp. Ekki skammaður á samfélagsmiðlum. Ekki hrækt á úti á götu. Nei, drepinn. 

Samlíking þín er einfaldlega alveg út í hött og ég vona að þú sért ekki klappstýra morðingja, en get ekki útilokað það.

[Vagn (IP-tala skráð) 12.9.2025 kl. 18:38]

Það virðist aðeins angra þig að núna var hægrimaður myrtur vegna skoðana sinna. Þú sagðir ekkert þegar Melissa Hortman var myrt í sumar og ekkert um lista morðingjans yfir demokrata sem áttu að vera næstir. Á þá að álykta sem svo að þú sért klappstýra morðingja ef sá myrti er ekki á þinni pólitísku línu? Getum við útilokað það og ekki tekið þögn þína í sumar sem samþykki? Eða eigum við að láta rökhugsun ráða? Hver er raunveruleg sannfæring manns sem aðeins fyllist réttlætiskennd þegar hægrimaður er myrtur? Hvað er mikið að marka almenna fordæmingu hans á morðum þegar sum virðast honum þóknanleg?

[Geir Ágústsson, 12.9.2025 kl. 19:40]

Vagn,

Vissi ekki af morðinu á Hortman og, ef ég skil þig rétt, að hún hafi verið drepin fyrir að að halda úti skoðunum sem hentuðu ekki öllum. Sé það ástandið þá ber að fordæma það á nákvæmlega sama hátt og morð á öðrum sem eru drepnir fyrir að tjá skoðanir sínar. 

Og þetta gildir almennt: Að vera drepinn fyrir að hafa skoðanir er algjör andstæða við hugtakið "málfrelsi" sem við vorum svo stolt af en kannski ekki lengur.

[Geir Ágústsson, 12.9.2025 kl. 19:43]

Vagn,

Sem bein spurning: Finnst þér í lagi að drepa fólk vegna skoðana þeirra?

[Vagn (IP-tala skráð) 13.9.2025 kl. 00:40]

Nei það er ekki í lagi. En það er heldur ekkert nýtt. Hægrimaðurinn Brevik drap ekki unga jafnaðarmenn vegna þess að bros þeirra fóru í taugarnar á honum. Og þeir eru margir baráttumenn fyrir réttindum minnihlutahópa sem hafa fallið fyrir hendi hægrimanna í USA. Er dauði eins hægrimanns kornið sem loksins fyllti mælinn eða verður þetta bara gömul frétt eftir nokkra daga sem sést í síðasta sinn sem stutt upprifjun í fréttaannál næstu áramóta?

[Ásgrímur Hartmannsson, 13.9.2025 kl. 10:25]

Var Breivik hægri-maður? Hvað hefurðu fyrir þér í því?

Að hann drap fleiri fasista (samkvæmt orðabókarskilgreiningu) en nokkur annar síðan WW2?

[Geir Ágústsson, 13.9.2025 kl. 12:55]

Vagn,

Drápið á Charlie Kirk er vissulega korn sem fyllir mælinn, já. Hann var áhrifamikill leiðtogi fjöldahreyfingar og vaxandi samtaka, og hann skipulagði fjölmenna viðburði þar sem hann talaði beint við hvern sem er um hvað sem er. Já, hann var nokkuð sérstakur satt að segja. Ég get sagt þér meira frá honum og hvers vegna það er ef þú vilt fræðast meira um það sem fær litla umfjöllun í fréttatímunum sem þú sækir í.

[Vagn (IP-tala skráð) 13.9.2025 kl. 13:59]

Charlie Kirk var frekar ómerkilegur karakter sem byggði rökræður sínar á því að valta yfir viðmælendur með frammígripum, ósönnum fullyrðingum, útúrsnúningum og bulli. Nú hefur komið í ljós að morðingi hans kemur úr mikilli hægrifjölskyldu og að hann taldi Kirk ekki nægilega hægrisinnaðan. Þetta virðist sem sagt vera innanbúðarmál hægrimanna...og kemur ekki á óvart.

[Geir Ágústsson, 13.9.2025 kl. 15:11]

Vagn,

Meira að segja BBC veit meira um skotmanninn en þú, og það er að beita frekar lágum þröskuldi.

"Meanwhile, other casings could be interpreted as sympathetic to Antifa, or the anti-fascist movement, a loose collection of far-left activists who have been active in the US over the last decade and often demonstrate against Trump policies and far-right groups."
Who is Tyler Robinson, the suspect in custody for shooting Charlie Kirk?

Álit þitt á Charlie Kirk er þitt einkamál. Eftir stendur að þú hefur ekki vikið einu orði að því að það sé vandamál að fólk sé myrt vegna skoðanna sinna, á skólalóð af öllum stöðum. 

[Vagn (IP-tala skráð) 13.9.2025 kl. 16:06]

Svo virðist nú sem skrifin á skotin hafi frekar verið skotmörk en stuðningsyfirlýsingar. Samanber þegar hermenn segja einhverstaðar kúlu með nafni sínu vera til og flugmenn sem máluðu "Hitler" á sprengjur áður en flogið var til árása á Þýskaland.

Morð á skólalóðum þótti Kirk ekki vera ástæða til neinna breytinga. Og þú hefur ekki verið hávær þegar aðrir, sem ekki voru hægrimenn, voru myrtir vegna skoðana sinna.

[Geir Ágústsson, 13.9.2025 kl. 16:48]

Vagn,

Takk fyrir þessa athugasemd. Hún segir miklu meira, og raunar allt annað, en orðin í henni.