Nýi gátlistinn fyrir Menningarnótt

Tímarnir breytast og mennirnir með, eða öllu heldur samsetning mannanna. Það er því við hæfi að uppfæra ýmsa ferla og gátlista þegar haldið er á mannamót eins og Menningarnótt. Svo sem með eftirfarandi atriðum:

• Það gæti verið gott ráð að verða sér úti um stunguvesti ef ske kynni að einhver stingi þig með hníf eða jafnvel sveðju, sem gæti gerst hvenær sem er sólarhrings, svo sem í dagsbirtu á fjölförnum svæðum.
• Athugaðu alltaf startgjaldið áður en þú sest upp í leigubíl. 
• Ekki leyfa dætrum ykkar að fara einar heim til sín í strætó og ekki einu sinni labba einar frá strætóskýlinu. Það er aldrei að vita hver rennur á lyktina.
• Okkur er sagt að við getum skilgreint okkur sem hvað sem er - karlmenn geta kallað sig konur, og konur kallað sig karlmenn. Á þessu er þó veigamikil undantekning sem ber að forðast: Þú mátt ekki kalla þig ekki hinsegin ef þú vilt forðast atlögur að þér. Gott að vita, sérstaklega á mannamótum í miðbænum.
• Forðastu líka að ganga um miðbæinn í klæðnaði skreyttum hefðbundnum trúartáknum kristinna manna í gegnum óteljandi aldir. Það gæti virkjað sérsveit lögreglunnar, hvorki meira né minna. 

Með þessi gátatriði á hreinu ætti Menningarnótt að geta orðið hin prýðilegasta skemmtun, og megi svo vera.

Ókeypis skutlþjónusta á Menningarnótt

Athugasemdir

[Vagn (IP-tala skráð) 21.8.2025 kl. 17:44]

Og hver er breytingin? Þú nefnir ekkert sem ekki var full ástæða til að passa upp á fyrir 50 árum síðan. Nema þetta með trúartáknið, þegar nýnasistar hafa notað tákn í nokkra áratugi til að einkenna sig þá er það frekar máttlaust að segja það bara hefðbundið trúartákn því einhver trúarregla notaði það fyrir 500 árum síðan.

Jú, eitt hefur breyst. Leigubílstjórar eru ekki lengur þeir sem leitað er til þegar þarf að verða sér úti um eitthvað ólöglegt eða okurlán. Leigubílstjórar eru ekki lengur lykillinn að undirheimum þjóðfélagsins þó enn séu konur ekki öruggar einar í leigubíl.

[Ásgrímur Hartmannsson, 21.8.2025 kl. 19:35]

Amazon reddar þessu stundum: https://www.amazon.com/Medieval-Chain-Mail-Shirt-Armor/dp/B00AMQPY5I/

[Guðmundur Ásgeirsson, 21.8.2025 kl. 20:55]

Vagn.

"því einhver trúarregla notaði það fyrir 500 árum síðan"

Langholtskirkja. Frímúrarareglan. Fyrir 500 árum síðan? Nei í dag.

"Leigubílstjórar eru ekki lengur lykillinn að undirheimum þjóðfélagsins"

Kanntu annan betri? Svörtu sauðirnir eru hluti af undirheimunum.

Ég þekki samt líka slatta af strangheiðarlegum leigubílstjórum.

[Helga Dögg Sverrisdóttir (IP-tala skráð) 22.8.2025 kl. 07:59]

Reglurnar margar.

Eitt þarf að passa líka, ekki segja að þú sért samkynhneigður í hópi hinsegin-fólks. Gæti farið illa eins og gerðist í Gleðigöngunni. 

Svo má spyrja sig af hverju ætti fólk að tilkynna kynhneigð sína eða tilfinningar um hvað það upplifir sig. Verið að búa til áróður frá trans Samtökunum 78 til að fá athygli, að sjálfsögðu. 

Tímarnir hafa breyst á sorglegan hátt. 

[Geir Ágústsson, 22.8.2025 kl. 17:15]

Það er ánægjulegt að sjá að sumir hafi ekki upplifað neitt nema framfarir á hvorki meira né minna en 50 ára tímabili. Megi sú upplifun ná til sem flestra, og helst byggð á sönnum tilfinningum en ekki leiðindum eins og afbrotatölfræði og blæðandi svöðusárum á velferðarkerfinu.

[Bjarni (IP-tala skráð) 22.8.2025 kl. 17:20]

Það á ekki að líðast að ævaforn trúartákn breytist í eitthvert haturstákn fyrir gerðir einhverra ribbalda fyrir einni öld síðan.

Hakakrossinn er ævafornt trúartákn í bhuddisma. Þeir hafa ekki lagt hann af þó nasistar hafi nýtt hann með smá halla.