Tortímandinn sigraður?

Þekkja ekki allir George Soros? Manninn sem eyddi svimandi auðævum í að opna landamæri og koma í veg fyrir að glæpir yrðu stöðvaðir, meðal annarra svokallaðra afreka. Arfleifð hans er víst að skolast út með sjávarfallinu (eða skólpinu) og enginn mun sakna hennar. 

Hvaða milljarðamæringar sjá fram á sömu örlög? Milljarðamæringar sem hafa mokað svimandi fjárhæðum í að eyðileggja samfélag okkar. Bill Gates sennilega bráðum ef hann missir þróttinn (og yfirhylminguna). Davos/WEF-klíkan eins og hún leggur sig, mögulega. 

Milljarðamæringar með draumóra um eitt alheimsríki þar sem við eigum ekkert (en þeir allt, auðvitað), látum sprauta okkur stanslaust, sættum okkur við viðvarandi orkuskort af því veðrið er að breytast og af sömu ástæðu rándýrt kjöt sem enginn hefur efni á, og yfirgefum menningararf okkar og þjóðareinkenni. Og borðum pöddur í staðinn fyrir mannamat. Slík plága milljarðamæringanna er mögulega að ganga yfir og enginn mun sakna hennar. 

George Soros er að gufa upp vegna elli og vanhæfni sonar hans en þeir næstu sem gufa upp gera það af því enginn nennir að hlusta og hlýða lengur. Þeir verða jafnvel sóttir til saka fyrir glæpi og spillingu! 

Eða það má leyfa sér að vona. Svona ef lýðræði á að skipta einhverju máli og svo ekki sé talað um frjálsan markað þar sem á hillunum er í boði það sem fólk raunverulega vill.

Kannski voru veirutímar ágætt meðal til að vekja fólk. Brennt barn forðast eldinn. Núna mega fullorðnir forðast milljarðamæringa með mikilmennskubrjálæði, jafnvel þótt helstu fjölmiðlar segi okkur annað. Í bili.

Athugasemdir

[Halldór (IP-tala skráð) 13.8.2025 kl. 22:17]

Ef það væri bara svo gott að við losnuðum við skólpið, börnin hans munu taka við og þau eru svo aldeilis ekki góður pappír.

[Bjarni (IP-tala skráð) 13.8.2025 kl. 23:07]

Frábær pistill. Skora á þig að skrifa jafn upplýsandi pistil um eðlufólkið sem öllu stjórna og um barnaníðingshringinn með höfuðstöðvar á pizzastaðnum sem Hillary Clinton stýrir.

Í alvöru, svona málflutningur er þér ekki samboðinn. Heldur þú virkilega að almenningur láti auðjöfra stýra skoðunum sínum og bara yfirburða gáfaðir einstaklingar eins og þú sjái í gegnum plottið? Think again.

[Trausti (IP-tala skráð) 14.8.2025 kl. 00:00]

Vel sagt Geir .. og því miður þarf að útvarpa enda ekki allir rúvarar með Alltaf eru þetta sömu tröllin sem gjamma.. Fólk sem er svo kassalagað að best er að kalla þetta pappakassa. Einfaldar allt.

[Ingólfur Sigurðsson, 14.8.2025 kl. 02:04]

Þetta er frábær pistill. Háð Bjarna er bara skemmtilegt. Fyndið er að síðasta Silfrið var undirokað af áhyggjum af svona þróun. Enda fer RÚV sömu leið og Hringbraut með þessu áframhaldi. Fólk vill ekki láta matreiða vitleysu ofaní sig.

RÚV gæti endað göngu sína. Eða að það verði endurreist með nýrri stefnu.

[Geir Ágústsson, 14.8.2025 kl. 08:39]

Það mætti alveg segja almennt að sú samsæriskenning að milljarðamæringar stundi ekki samsæri, í sitthvoru lagi eða sameinaðir í svissneskum skíðabæjum, er röng. Það er ekki einu sinni feluleikur í gangi: Beinir styrkir til fjölmiðla, uppkaup á þeim, þeir monta sig yfir hagnaðinum frá lyfjafjárfestingunum og svona mætti lengi telja.

Það er líka undarlegt að afneita tilvist barnaníðingshringja og jafnvel frekar ógeðfellt. Þeir eru margir og öflugir og viðskiptavinirnir ríkir enda borgar sig ekki að smygla börnum til millistéttarinnar og fátæklinga. 

Það er að vísu komið babb í bátinn með tilkomu óteljandi sjálfstæðra fjölmiðla sem láta ekki kúga sig, þagga niður í sér eða trufla val þeirra á viðmælendum. Það er líka hætt við að veirutímar hafi búið til óvænta viðspyrnu gegn þvælunni, en sjáum hvað setur með það. 

[Wilhelm Emilsson, 14.8.2025 kl. 15:46]

Eðlufólkið er á bakvið ALLT: Soros, Bill Gates, Trump, COVID, RÚV, Nickelback, Taylor Swift, Geir Ágústsson, Bjarna, o.s.frv. ALLT! 

[Geir Ágústsson, 14.8.2025 kl. 17:19]

Wilhelm,

Þú ert að gefa til kynna að allir sem vilja kollvarpa lífi þínu og lífsstíl séu samstilltur hópur: Bláhærða fólkið, skriffinnarnir, góðhjörtuðu milljarðamæringarnir, græningjarnir og fleiri. Það er vafasamt stökk þótt vissulega séu snertifletir. En úr mörgum áttum streymir hatur á lífskjör vinnandi skattgreiðenda, vissulega. Þú ert vandamálið því þú notar mikið af orku, kaupir innfluttan varning og vilt skreppa í frí. 

Hversu mikið þú skynjar hatur allra þessara hópa á sjálfum þér er óvitað, en vittu til: Það hata þig margir.

[Wilhelm Emilsson, 14.8.2025 kl. 20:05]

Takk fyrir svarið, Geir. Ég var nú aðallega að spauga með móður allra sæmsæriskenninga, sem Bjarni vitnaði í, kenninguna um Eðlufólkið (The Reptilian Elite). Mér finnst hún skemmtileg.