Ríki í ríkinu og að segja frá

Hvernig er slæmt ástand gert betra?

Hvernig verður nauðsynlegum breytingum komið á?

Hvernig á að laga gölluð kerfi?

Er það með því að útskýra í skýru máli, oft og ítrekað, hvað er að og hvað þurfi að gerast?

Er það með því að koma gagnlegum ábendingum á viðeigandi aðila?

Er það með því að mæta á marga fundi með ráðandi öflum og þrýsta á breytingar?

Það fer eftir ýmsu, svo sem því hvort einhver sé að hlusta eða hafi áhuga á breytingum og umbótum.

Þegar fyrrverandi lögreglustjóri talar um ríki í ríkinu og að ábendingar hverfi inn í svarthol þá blasir við að ekkert muni lagast í íslenskum löggæslu- og landamæramálum, sem fléttast um leið inn í innflytjendamál. 

Þegar venjulegt fólk, ennþá að jafna sig eftir hnífstungu fyrir utan gluggann hjá sér um hábjartan dag, talar um langvarandi ástand áreitis og ofsókna af hendi innfluttra siðblindingja þá veit maður að yfirvöldum er alveg skítsama. 

Yfirvöld komast auðvitað upp með margt. Kosningar á fjögurra ára fresti eru um leið tímabil þar sem er hægt að valta yfir almenning í heil fjögur ár án afskipta. Ríkin í ríkinu eru mörg, frá Tryggingastofnun til ríkislögreglustjóra, og ósnertanleg. 

Kannski þurfa bara fleiri að tjá sig og tjá sig hærra, en kannski er það tilgangslaust. Væntingar okkar til yfirvalda eru einfaldlega of litlar. Við erum fljót að æða í unglinginn við kassann í Bónus ef við sjáum rangt verð á mjólkurfernu á kvittuninni en segjum ekkert þegar innfluttir þrjótar áreita konurnar okkar, dag eftir dag. Við látum strax í okkur heyra ef samlokan á bensínstöðinni er talin óhóflega verðlögð en höldum rækilega í okkur þegar karlmannslíkamar troða sér inn í sturtuklefana með dætrum okkar.

Kannski er niðurstaðan því bara sú að við fáum nákvæmlega það sem við eigum skilið: Ríki í ríkinu, svarthol, ósnertanlega opinbera starfsmenn og stjórnmálamenn á þingi og í sveit sem raða sér í tilgangslausar nefndir til að hækka launin sín, á kostnað almennings.

#78. - Kallar eftir afsögn ríkislögreglustjóra

Athugasemdir

[Ásgrímur Hartmannsson, 24.5.2025 kl. 11:32]

Ríkið gerir ekki ekkert.  Það er að búa vandann til og auka á hann.

Endamarkið er þjóðarmorð, spurningin er bara hvaða hópur myrðir hvern.

[Vagn (IP-tala skráð) 24.5.2025 kl. 13:49]

Og hvað ber að gera þegar krafa er um tafarlausar aðgerðir, að tekið sé á máli af hörku og engin grið gefin? Ekki vegna þess að málið sé einstakt og ekki önnur samskonar eða svipuð í gangi um land allt. Enda fjöldi mála svipaðrar gerðar komið upp í marga áratugi og koma líklega upp marga næstu náratugi. Nei, nú skal taka á þessu máli af hörku. Nú er það útlendingur sem hagar sér illa. Og það sem við þolum ekki eru útlendingar og afkomendur innflytjenda sem ekki eru undirgefnir, þægir og þakklátir. Útlendinga sem hafa tekið upp okkar slæmu siði. Harkalegri aðgerðir, skjótara viðbragð og þyngri refsingar fyrir alla sem ekki eru með blá augu.

Hvað ber að gera þegar krafan er þannig? Er við stjórnvöld að sakast þegar ekki er farið að kröfu hlustenda Útvarps Sögu og lesenda Fréttarinnar? Þegar lögreglustjóri fær ekki að einbeita sér sérstaklega að því að klekkja á útlendingum með öllum ráðum og sýna Grindvíkingum ótakmarkað vald sitt yfir þeim?

[Geir Ágústsson, 24.5.2025 kl. 15:30]

Vagn,

Hvað þurfa að líða mörg ár frá því að einhver bendir á alvarlegt vandamál og þar til það er leyst?

Eða umorðað: Hvað færir viðbrögð við vandamáli frá "tafarlaust" í "tímabært"?

[Vagn (IP-tala skráð) 24.5.2025 kl. 17:18]

Geir, það mætti eins spyrja hvers vegna margt fólk þegir yfir vandamálinu í fjölda ára en rís svo upp með hávaða og látum loksins þegar útlendingur á í hlut. Varð vandamálið ekki að vandamáli fyrr en fólk með erlendan bakgrunn blandaðist í hóp vandræðafólks?

Er einhver annarleg ástæða fyrir því að sérstök athygli er vakin á vandamálum þegar þeir sem eru til vandræða eru ekki afkomendur skyldmenna úr Skagafirði í marga ættliði? Er e.t.v. meiri áhugi hjá pistlahöfundum fyrir því að ala á útlendingaandúð en að leysa vandamálin?

[Bjarni (IP-tala skráð) 24.5.2025 kl. 17:29]

OK, enn eitt helvítis fíflið að slá sjálfan sig til riddara með því að hallmæla eigin þjóð.

Kerruræksni, ef þú heldur að þú sért að afla skoðunum þínum stuðning með þessari þvælu ertu nákvæmleg jafn heimskur og þú hljómar.

[Geir Ágústsson, 24.5.2025 kl. 19:00]

Bjarni,

Vertu kurteis, a.m.k. við aðra gesti hérna.

Vagn,

Ég ólst upp í sömu götu og einn af stærstu glæpamönnum Íslands, oft kallaður "athafnamaður" í fjölmiðlum. Alíslenskur og innfæddur. Þegar nafn hans kemur upp í fjölmiðlum þá hugga ég mig að lögreglan viti af honum þótt hún viti ekki alveg hvernig á að loka hann inni. Ég bið bara um að innfluttir glæpamenn fái sömu athygli en kannski að auki að landamærin fjarlægi boðskort sitt á að bæta við fleirum sem taka athygli lögreglu frá því sem venjulegt fólk þarf á að halda.

[Vagn (IP-tala skráð) 24.5.2025 kl. 19:57]

Gallinn við innflutta glæpamenn er að ekki sést neinn munur á þeim og öðrum ferðamönnum. Kúbein standa ekki upp úr handfarangrinum og starfið er ekki gefið upp í vegabréfi. Þannig að vegabréfaeftirlit hefði ekkert að segja. Alger lokun landamæra væri eina leiðin til að stöðva komur glæpamanna. Alger þýðir náttúrulega að Íslenskum glæpamönnum sem starfa erlendis væri meinað að koma til landsins eins og öllum öðrum. Og þú þyrftir að ákveða þig hvoru megin landamæranna þú vildir vera, því yfir þau færir þú ekki aftur.

"Athafnamaðurinn" þinn, einn af stærstu glæpamönnum Íslands, var heppinn að vera ekki af erlendu bergi brotinn. Þá hefði viss lögreglustjóri, og jafnvel fleiri en einn, ekki átt í neinum vandræðum með að koma honum bak við lás og slá. Enda ganga bláeygir menn lausir sem grunaðir eru um sömu brot og menn í varðhaldi sem ekki eru með blá augu, í hans boði.

[Bjarni (IP-tala skráð) 24.5.2025 kl. 21:12]

Ég hef engan heyrt halda því fram að innlendir glæponar séu ekki til. Þeir eru til og þeim verður ekki úthýst, hvorki með brottvikningu né komubanni.

Það er hinsvegar hægt að úthýsa erlendum glæpamönnum, með bæði brottvikningu og komubanni.

Það fellst enginn heimóttuskapur í því að meina erlendum glæponum aðkomu. Það er heilbrigð skynsemi sem augljóslega er ekki öllum gefin.