Misheppnaðar friðarviðræður?

Fljótlega eftir að Rússar réðust inn í Úkraínu - nokkuð sem hefði aldrei átt að gerast - voru sendinefndir Úkraínu og Rússlands sestar við samningaborðið. Friðarsamningur var nánast kláraður. En þá skárust Bandaríkin og Bretland í leikinn og vildu meina að það væri betra að halda átökunum áfram. 

Þetta kalla blaðamenn í dag „misheppnaðar friðarviðræður“ og já, gott og vel, það heppnaðist misvel að slátra tugþúsundum ungra manna til að verja hagsmuni Vesturlanda í Úkraínu og því fór sem fór, og fer sem fer. En eitthvað finnst mér aðkoma Vesturlanda að átökunum í Úkraínu minna á aðkomu Vesturlanda að Miðausturlöndum þar sem önnur hliðin í sérhverjum skærum er umvafin í seðlum og vopnum í von um að hin hliðin bogni. Þótt aðferðafræðin heppnist aldrei er henni áfram haldið á lofti. 

Sé það rétt - eins og ýmislegt bendir til - að stór vestræn veldi hafi hreinlega komið í veg fyrir vopnahlé og frið í Úkraínu þá er illt í efni. Enn verra ef almenningi er haldið frá vitneskju um eitthvað slíkt. Við erum að læra það um veirutíma að yfirvöld og vinir þeirra hjá lyfjafyrirtækjunum földu óteljandi beinagrindur í skápnum. Við erum að sjá menn viðurkenna það og skrifa um það bækur að andlegri heilsu Joe Biden hafi verið haldið leyndri fyrir almenningi svo misserum skipti. Við vitum væntanlega öll að árás Bandaríkjanna og bandamanna inn í Írak á sínum tíma var rökstudd með helberum lygum. Listinn er endalaus og að lengjast, dag frá degi.

Stríð er friður.

Lyfjanotkun er heilsa.

Strengjabrúður eru forsetar.

Leyndarhyggja er gegnsæi.

Konur geta verið með typpi.

Samsæri gegn þér (og veski þínu og málfrelsi) eru góð og raunar nauðsynleg, þín vegna.

Friðarviðræður gætu hafist í kvöld

Athugasemdir

[Vagn (IP-tala skráð) 16.5.2025 kl. 08:54]

Séu menn firrtir allri gagnrýnni hugsun og lausir við að kunna að beita rökhugsun þá gengur þetta upp, eins og margt annað á þessum síðum. En Bandaríkin og Bretland höfðu ekki neitt til að þvinga Úkraínu eða Rússland til að klára ekki friðarviðræður. Og lyfjaiðnaðurinn, hundruð eða þúsundir lítilla fyrirtækja og örfá meðalstór fyrirtæki öll í innbyrðis samkeppni, hafa ekki þá samstöðu og slagkraft sem þyrfti til að þvinga stjórnvöld og fjölmiðla til undirgefni. 

Mikið af samsæriskenningum byggja á því að hægt sé að telja fólki trú um að fluga velti auðveldlega fíl.

[Geir Ágústsson, 16.5.2025 kl. 19:02]

Þessi athugasemd, dulbúin sem andmæli gegn skrifum mínum, má nánast kalla sönnunargagn fyrir því sem ég skrifa. 

[Bjarni (IP-tala skráð) 16.5.2025 kl. 20:26]

Hún er orðin verulega þreytt þessi síendurtekna lygaþvæla rússadindla um að vesturveldin hafi stöðvað einhverja friðarsamninga í Istanbul á sínum tíma.

Það sem gerðist var að það rann upp fyrir öllum að hinn geysiöflugi rússneski hér var getulaust rusl sem eftir nokkurra klukkutíma átök í Úkraínu var kafsilgdur af úkraínska hernum og hröklaðist til baka með skottið á milli lappanna.

En það er háttur rússa- og trumpdindla að hamra á lýginni þar til aðrir komast að þeirri óumflýjalegu niðurstöðu að það verði engu tauti við þessa fávita komið og þeir séu ekki svaraverðir.

Þegar svo allir eru hættir að nenna að lesa rausið í þeim eða svara lýginni lýsa þeir yfir xigri í rökræðunum - a la órangútinn.

[Geir Ágústsson, 16.5.2025 kl. 20:45]

Þessi athugasemd, dulbúin sem andmæli gegn skrifum mínum, má nánast kalla sönnunargagn fyrir því sem ég skrifa.

[Bjarni (IP-tala skráð) 16.5.2025 kl. 21:04]

Æ greið, ófær um að svara rökum með rökum og tekur til varnar með frösum sem hann lærði í barnaskóla.

Það var svosem ekki við öðru að búast, vitið er ekki meira guð gaf honum.

[Geir Ágústsson, 17.5.2025 kl. 10:33]

Bjarni,

Sú samsæriskenning að Bretar og Bandaríkjamenn hafi einfaldlega fylgst með á hliðarlínunni þegar Rússar og Úkraínumenn voru að semja um frið á upphafsdögum rússnesku innrásarinnar er að molna hratt og örugglega. Vesturlönd hafa þvert á móti ýtt öllum árum að því vonlausa verkefni að Úkraína geti sigrað Rússland í landvinningastríði. Hérna lék til dæmis þáverandi forsætisráðherra Breta lykilhlutverki í að halda Úkraínumönnum frá friðarsamningum.

Nú er auðvitað erfitt að fá menn til að vantreysta því sem BBC matreiðir ofan í okkur en kenndu veirutímar okkur ekki neitt?

Annars vil ég benda þér á að beina fúkyrðum þínum að úkraínskum fjölmiðlum ef þú heldur að það sé rangt að Vesturlönd beri í raun stóra ábyrgð á því að Úkraínustríðið sé búið að standa í 3 ár og orðið lítið eftir af ungum mönnum í Úkraínu.

Possibility of talks between Zelenskyy and Putin came to a halt after Johnson’s visit - UP sources | Ukrainska Pravda