RÚV sagði frá einhverju fréttnæmu í 5 mínútur

Hvernig lífi myndir þú lifa ef þú óttaðist það helst af öllu í lífinu að vera kallaður kynþáttahatari? Eða ásakaður um að hreinalega vilja afmá tilveru ákveðins fólks af yfirborði Jarðar? Eða ásakaður um að afneita raunveruleikanum? Eða ásakaður um að vera vond manneskja, jafnvel án mikils rökstuðnings? Ásakaður um að vilja frekar stríð en frið?

Þú myndir væntanlega lifa í miklum ótta. Forðast að ræða hluti sem lægju á hjarta þínu. Kinkar jafnvel kolli þegar einhver fjarstæða er borin á borð. 

Auðvitað er hægt að vera afstöðulaus um ákveðin málefni, eða að vera sammála um að eitthvað þurfi að gera en af öðrum ástæðum en haldið er á lofti. Þannig finnst mér sjálfsagt að skoða valkosti við jarðefnaeldsneyti en án þess að liggja svefnlaus af áhyggjum yfir loftslagsbreytingum.

Svo má auðvitað vera ósammála.

Eða hvað?

Nú virðist sem svo að atvinnusvæði leigubílstjóra við Keflavíkurflugvöll sé orðið að átakasvæði og yfirvöld, landeigandi, fjölmiðlar, stjórnmálamenn og almenningur segir ekkert. Þorir því ekki. Ertu múslímahatari? Ertu útlendingahatari?

Ertu rasisti?

Gott. Þá máttu þegja.

Sem betur fer hafa nokkrar hugrakkar sálir ekki sætt sig við þetta og tókst jafnvel að lokka fréttamann RÚV á svæðið til að skoða málin. Vitaskuld var allt sem allir sögðu staðfest og strax í kjölfarið búið að endurnýja hlutverk kaffistofu sem kaffistofu frekar en bænahúss.

Gott. Það getur alveg borgað sig að tjá sig og þótt RÚV segi bara frá einhverju fréttnæmu eða athyglisverðu í 5 mínútur á ári þá er það betra en ekkert, sem hefur hingað til verið venjan.

Annars held ég að þetta sé komið gott af því að skipta um þjóð á Íslandi, en til vara mætti skipta Íslendingum út fyrir Pólverja. Þeir vita að það er rangt að gelda börnin og þykjast vera veikur til að sleppa við vinnu. 

Isavia neitar að tjá sig um bænahald í kaffiaðstöðu

Athugasemdir

[Ragnhildur Kolka, 25.4.2025 kl. 22:42]

Þar sem múslimar koma inn fæti reyna þeir að útiloka alla aðra. Ég skil þó ekki þetta vesen með bænahúsið. Þótt þeir eigi að biðja fimm sinnum á dag, þá geta þeir safnað bænunum upp og bætt fyrir það þegar heim kemur.  Nú og svo geta þeir bara beðið úti.
Ég minnist þess að hafa séð hóp múslima slengja rassinum upp í loft á fjölförnum brautarpalli í Kairó. Þar var enginn að skaffa sérstakt bænahús og er þó Egyptaland múslímskt land.

[Geir Ágústsson, 26.4.2025 kl. 14:07]

Einmitt og svo er sennilega auðsótt að fá furstana í Miðausturlöndum til að senda smá styrk til að byggja sérstakt bænahús.

Þetta með útilokun á öðrum rímar vel við það sem breskur vörubílstjóri sagði mér. Þú ferð ekki lengur til Luton sem hvítur Breti nema hafa varann á. Enda er Ramadan þar farin að ná til allra.

https://m.luton.gov.uk/Page/Show/news/Pages/Non-Muslim-council-staff-fast-for-a-day.aspx

[Guðbjörg Snót Jónsdóttir (IP-tala skráð) 27.4.2025 kl. 10:55]

Furðulegt já. Þetta sýnir samt, að RÚV virðist ekki aðeins vinna með heldur er líka hrætt við viðbrögði Alþingis götunnar í þessum efnum, ef þeir fara að kryfja málið til mergjar. Það dettur þeim sjaldnast í hug nú á seinni tímum miðað við það, sem var á síðustu öld. En ég var að lesa það í dönskum fjölmiðlum í gær, að í könnun, sem gerð var um afbrot manna þar í landi, þá voru þeir dönsku í neðsta sæti, en af útlendingum voru múslímir allra efstir á listanum yfir gróf afbrot. Það segir sína sögu.

[Geir Ágústsson, 27.4.2025 kl. 15:14]

Guðbjörg,

Það segir sína sögu já og er ekki í neinum feluleik. Danska tölfræðin nær alveg niður í upprunaland afbrotamannanna.

Reyndar hélt ég að glæpatíðni væri lægst með innflytjenda frá Suður-Kóreu og Japan, og lægri en Dana (leiðrétt fyrir fjölda), en gæti verið að muna rangt.