Hægri og vinstri samsæriskenningar

Hvað eigum við að kalla það þegar fjölmiðlar, yfirvöld, læknar og prófessorar héldu því fram að sprauturnar gegn COVID-19 væru öruggar og virkuðu, þvert á margar vísbendingar frá upphafi spraututíma og jafnvel fyrr?

Lygar?

Barnslega trú?

Áróður?

Samsæriskenningu?

Ekki var það sannleikurinn og þaðan af síður sannanleg og vísindalega rökstudd afstaða.

Eigum við að kalla það vinstri samsæriskenningu? Vinstri, því hún snérist um að fá alla til að taka sömu ákvörðun. Vinstri, af því þetta var eitthvað sem yfirvöld töldu vera best fyrir alla? Vinstri, af því ríkisvaldinu var beitt eins og kylfu á heilbrigðistengdar ákvarðanir einstaklinga rétt eins og skattkerfið lemur á launatekjum fólks?

Kannski gagnast það ekki neinum að búa til einhvern stimpil á ákveðnar skoðanir. Að kalla eitthvað samsæriskenningu sem sagan sýnir svo að er alveg hárrétt afstaða sem sönnunargögnin halda áfram að hlaða undir svo árum skiptir.

En kannski er það einföldun sem fólk skilur. Ég tala nú ekki um að nota hugtökin „hægri samsæriskenning“, þar sem efast er um að sprautur af ýmsu tagi séu hollt meðal, og „vinstri samsæriskenning“, þar sem þeirri samsæriskenningu er haldið á lofti að yfirvöld stundi engin samsæri.

Athugasemdir

[Rúnar Már Bragason, 19.4.2025 kl. 19:18]

Svona skrif kallast ekki samsæriskenningar en ber samt allan vott af því:

https://www.dv.is/eyjan/2025/4/19/sigmundur-ernir-skrifar-mesta-lydraedisogn-okkar-tima/

[Geir Ágústsson, 19.4.2025 kl. 20:48]

Ég held stundum að pistlar Sigmundar Ernis séu skrifaðir af gervigreind sem fær fyrirmælin: Steyptu öllum klisjunum saman með aukasetningum inn á milli.

[Ragnhildur Kolka, 20.4.2025 kl. 08:24]

Verstur var þó undirlægjuháttur lækna sem héldu áfram að boða fleiri sprautur, þegar allir með meira en grips vit höfðu áttað sig á blekkingunni.

[Grímur Kjartansson, 20.4.2025 kl. 08:25]

Það er nú mörgum kenningum hent fram núna um fiskinn í sjónum umhverfis Ísland.  Ansi margar byggjast í grunninn á „ég á þetta ég ætti að mega þetta“
Andstæðingar kvótakerfisins vilja frjálsar veiðar og segja jafnvel að ef fiskurinn er ekki veiddur af miklu kappi þá éti hann bara undan sér enda hafa sjómenn alltaf haldið því fram síðan ég man eftir mér að það væri nægur fiskur til „Fjörðurinn er fullur af fiski“.
Hinir sem yfirleitt eru nefndir sægreifar eru að reyna reka fyrirtæki við misjafnar ytri aðstæður og inngrip misvitra ráðamanna.

Hægri kenningarsmiðirnir eru þeir sem eru að reyna reka fyrirtækin
vinstri kenningarsmiðirnir eru allir hinir
en allir virðast vilja borða kökuna sem litla gula hænan bakar

[Kristinn Bjarnason, 20.4.2025 kl. 15:19]

Þeir sem mæltu með covid sprautum eða reyndu að sannfæra óupplýstan almenning um að þau væru örugg án þess að geta haft hugmynd um það eru glæpalýður af verstu gerð.