Þegar heykvíslarnar fara á loft

Það er stundum erfitt að skilja mannkynssöguna.

Hvernig tókst þjóðernissósíalistum í Þýskalandi að fá almenning til styðja við málstað sinn um yfirburði hvíta kynþáttarins, útrýmingu Gyðinga og allsherjarstríð á svo gott sem allan umheiminn?

Hvernig tókst kommúnískum sósíalistum að halda á lífi svo áratugum skiptir stjórnarfyrirkomulagi sem gerði almenning fátækari og fátækari á meðan afgangur heimsins dúndraðist upp í lífskjörum?

Hvernig tókst að fá vestrænan almenning til að samþykkja grímur, sprautur, samkomubönn og lokun fyrirtækja í tvö og jafnvel þrjú ár?

Svarið er í öllum tilvikum það sama: Almenningur slekkur á gagnrýninni hugsun og heilbrigðri skynsemi, lætur óttann taka völdin, samþykkir einhvers konar frásögn (narrative) sem segir hvað er rétt og rangt og við hæfi að gera og styðja, og stekkur svo eins og læmingjahópur fram af hengibrún og niður í eigin tortímingu.

Mér datt þetta í hug í dag þegar ég labbaði framhjá tómri hleðslustöð fyrir Teslu-bíla á fjölförnum ferðamannastað í Danmörku þar sem öll önnur stæði fyrir bíla voru svo gott sem full og annars konar hleðslustöðvar á öðrum stöðum í bænum sæmilega fullar. 

Hvernig stendur á því í landi þar sem Teslan er nokkuð algeng (10% allra nýrra afhentra bíla í fyrra)? 

Jú, Teslu-eigendur þora ekki lengur að keyra bílum sínum. Því hefur verið haldið fram að slíkt sé stuðningsyfirlýsing við rasisma og fasisma. Slíkir bíleigendur eru áreittir og bogna um leið í hnjánum. Teslan, sem var einhvers konar stöðutákn fyrir góða fólkið fyrir ekki löngu síðan, er horfin af götunum, eða allt að því.

Sama fólkið og lét plata sig til að eyða morðfjár í rándýran lúxusbíl til að bjarga heiminum frá tortímingu loftslagsbreytinga hefur núna samþykkt að einhver frumkvöðull í Bandaríkjunum sé fasisti og rasisti.

Ekki aðalritari Kína, sem er helsti samkeppnisaðili sama frumkvöðuls og heldur í raun uppi útrýmingarbúðum og framkvæmir þjóðarhreinsanir, heldur frumkvöðullinn sem býr til græjur sem keyra eða fljúga, og er þessa dagana að fletta ofan af gengdarlausri sóun á fé bandarískra skattgreiðenda (launalaust). 

Þetta segir mér það að yfirvöld muni ekki eiga í neinum vandræðum með að skella samfélaginu í lás aftur, banna samkomur, loka fyrirtækjum, setja jarðarfarir í myndbandsstreymi og taka skólalífið af krökkunum. Og auðvitað að halda áfram að ryksuga vasa skattgreiðenda til að fjármagna vindmyllur (bókstaflega) og stríð.

Og kannski eru einhver áform nú þegar í bígerð. Það er því mögulega við hæfi að byrja að undirbúa sig andlega fyrir að vera skammaður í búðum fyrir grímuleysi og sektaður af lögreglu fyrir að halda partý á tímum samkomubanns. Og þér er boðið.

Athugasemdir

[Grímur Kjartansson, 15.4.2025 kl. 17:32]

Það gleymist alltof oft að fólk í Þýzkalandi svalt heilu hungri

Hitler þótti betri kostur en kommúnistarnir sem næstum náðu öllum völdum í Frakklandi og margir töldu sig geta losað sig við litla manninn í brúnu buxunum hvenær sem er ef þess þyrft

Hagfræði Hitlers var skiljanleg hverjum sem er
Við framleiðum bara brauð og byssur

Hræðslan drífur þig áfram en hunangið laðar að

Hvers vegna ætti maður að trúa vestrænum fréttamiðlum um hversu ömurlegt ástandið var í austantjalds ríkjunum?

Það eru ansi margar fréttir núna um hversu ömurlegt það er í dag að búa í USA

[Bjarni (IP-tala skráð) 15.4.2025 kl. 18:35]

Allt tal um að almenningur slökkvi á almennri skynsemi og gagnrýnni hugsun hljómar frekar heimskulegt komandi frá aðila sem trúir öllu sem frá órangútanum og musk kemur. Ekki fyrirferðamikil almenna skynsemin og gagnrýna hugsunin hjá þér.

Vissir þú að 2,5% af þjóðarframleiðslu kína er útflutningur til bna? Vissir þú að vegið meðaptal tolla EU á innflutning frá bna er 1%. Vissir þú að MAGA derhúfan þín er framleidd í kína?

Veistu yfirleitt eitthvað um það sem þú ert að þvaðra?

[Kristinn Bjarnason, 15.4.2025 kl. 18:59]

Tilfellið er sama hver vekur á því athygli að það er verulegt áhyggjuefni hversu auðvelt er fá almenning í allskonar vitleysu eins og t.d. að leiða fólk í stórhættulegar covid sprautur. Það var dýrkeypt vitleysa. Ég mæli með sjálfstæðri hugsun.

[Hördur Thormar (IP-tala skráð) 15.4.2025 kl. 22:16]

Var það ekki Churchill sem sagði að lýðræðið væri meingallað stjórnskipulag en  spurði svo hvor eitthvað betra væri til?

Eitt er víst, það verður aldrei hörgull á mönnum sem girnast völd og vilja stjórna, vandamálið er að velja þá. Á meðan mannskepnan er sá gallagripur að láta fremur stjórnast af tilfinningum heldur en skynsemi þá verður þetta vandamál ekki leyst.

Nema gervigreindin muni leysa það?  

[Bjarni (IP-tala skráð) 15.4.2025 kl. 22:44]

Flestir verkfræðingar hafa hingað til haft vit á því að halda sig við sitt sérsvið og láta sér gáfaðri um að fjalla um hagfræði, Flestir, ekki allir.

Það er ekki tilviljun að verkfræðingar finnast ekki í stjórnmálum eða framarlega í atvinnulífinu.

[Ingólfur Sigurðsson, 16.4.2025 kl. 11:40]

Ég á íslenzka bók frá 1935 eða svo og hún er einhver ferðabók. Höfundurinn er ekki hrifinn af pólitíkinni í Þýzkalandi sem var þar eða nazistunum og Hitler, en hann lýsir því samt að velmegunin sé meiri í Þýzkalandi en í öðrum löndum Evrópu og glæsileikinn meira áberandi. Þeir voru með flottustu bílana, mestu tæknina, og allt í blóma, lítið atvinnuleysi, velmegun og þjóðin hamingjusöm fyrir utan örfáa kommúnista sem mótmæltu, menntamenn ungir, og svo auðvitað þessa hópa sem voru ofsóttir.

Þessi bók held ég að sé nokkuð hlutlaus lýsing. Það var ekki fyrr en stríðið byrjaði 1939 sem allt fór til Fjandans. 

Þjóðernisjafnaðarstefnan virkar þegar hún fer ekki útí öfgar. Venjuleg þjóðerniskennd virkar líka.

Hitler gerði vel við ellilífeyrisþega í Þýzkalandi og það var í stefnuskránni. 

Það er varla til stærri lygi í nútímanum en að Hitler hafi verið meira skrímsli en aðrir, til dæmis Stalín. Það er algjörlega ósatt og úr takti við veruleikann.

Ef skoðað er lengra aftur í söguna, þá þóttu þjóðernishreinsanir sjálsagðar. Meðferð Rómverja á Gaulverjum telst ekkert nema þjóðernishreinsanir. Júlíus Sesar hrósaði sér af því að hafa drepið MILLJÓN Gaulverja. Þeir voru þeirra nágranna, Frakkar fortíðarinnar, (og náðu yfir stærra land reyndar).

Miðað við að Sesar drap fólk með aðstoð hermanna en ekki gasi eða hungri eða stórskotaliði var hann stórtækur. Svo má taka miklu fleiri dæmi fyrr og síðar.

Án seinni heimsstyrjaldarinnar og Hitlers hefðu mannréttindi aldrei komizt í tízku.

Þetta var partur af mannkynssögunni sem mest er vitnað til.

Ástandið í Bandaríkjunum núna er tilkomið vegna ónýtrar stjórnsýslu mjög lengi, skuldsetningar vegna þess að demókratar vilja gera allt fyrir alla eins og enginn sé morgundagurinn.

Donald Trump er að vinda ofanaf klikkun jafnaðarfasismans sem hefur staðið yfir MJÖG lengi, jafnvel lengur en frá lokum seinni heimsstyrjaldarinnar.

[Geir Ágústsson, 16.4.2025 kl. 16:20]

Athugasemdir Bjarna hérna eru lýsandi dæmi um geðshræringuna sem fólk lætur heltaka sig af. Fólk er flokkað eftir því hvaða merki eða fána það setur á myndina sína á samfélagsmiðlum, eða sleppir því að setja. Fólk gerist hálfvitar og illmenni við það eitt að taka ekki undir nýjustu öskrin. 

Það er mikilvægt í slíku umhverfi að bogna ekki í hnjánum til að losna við uppnefnin og ásakanirnar. Að játa ekki sekt þegar engin er til þess eins að koma öskurkórnum að næsta manni.

[Bjarni (IP-tala skráð) 16.4.2025 kl. 22:23]

Þú ert aumkunarverðu vesalingur. Ég hef sett fram stðreyndir en þú ert lepjandi upp lygaþvælu órangútans og musk. Öll rök fyrir þínu máli eru tilvitnanir í ósannar fullyrðingar annara. Mín rök eru tölulegar staðreyndir sem þú getur sannreint með því að gúggla, Hvort þig skortir vit til eða veljir frekar að veltast um í vanþekkingu af því sannleikurinn gæti valdið þér einhverjum andlegum erfiðleikum veit ég ekki, sjálfsagt er það bland beggja.

P,s ekki nota trump aðferðina á mig, ég stend þér framar í gáfum og mínar fullyrðingar byggja á sannanlegum staðreyndum á meðan þín þvæla er höfð eftir álíka fávitum og þú ert sjálfur.

[Geir Ágústsson, 17.4.2025 kl. 18:09]

Bjarni,

Þú þylur upp tölfræði (aðeins úreld gögn en nærri lagi) en gegn hvaða af mínum skrifum er þeim stefnt gegn? Ég þigg gjarnan tölfræðiupptalningu af ýmsu tagi og þá aðallega til afþreyingar, og er ekki að reyna draga úr þér - takk fyrir þessar tölur.

Kannski að gáfur þínar hafi afvegaleitt þig - slíkt hefur komið fyrir aðra gáfaða einstaklinga - frekar en að sjá það sem er skrifað á milli línanna. Orðfæri þitt minnir nú samt mest á fullan ungling, en látum það liggja á milli hluta. Passaðu þig á að sómafólkið hjá blog.is loki ekki á þig (ég geri það ekki á meðan þú beinir persónuárásum þínum að mér einum).

Annars er það rétt að verkfræðingar hafa lítið helgað sig stjórnmálum og hafa yfirleitt annað og betra að gera. Brýrnar þeirra, orkuver og stálvirki standa þrátt fyrir það.

[Bjarni (IP-tala skráð) 17.4.2025 kl. 21:39]

Við getum verið sammála um að trump hafi með réttu sparkað duglega í vókvitleysingana en þar með er það upp talið. Um annað erum við ósammála. Látum þar við sitja.

[booboo , 19.4.2025 kl. 10:21]

Væri ekki bara best fyrir Bjarna að hætta að lesa þetta blogg? Hann verður alveg snælduvitlaus þegar "fávitarinir" tjá sig (lesist: allir sem hafa ekki hans skoðanir).

Það er reyndar alltaf gott að sjá og lesa mótrök og skoðanaágreining, en algjör óþarfi að fullorðinn maður hegði sér eins og illa uppalið smábarn.

[Geir Ágústsson, 19.4.2025 kl. 22:03]

booboo,

Bjarni endaði sitt framlag á yfirvegaðan hátt. Ég vona að hann haldi áfram að kíkja hérna við og tjá sig. Og þú.