Trump tekinn til fyrirmyndar

Margir hneykslast á samningatækni Bandaríkjaforseta, Donald Trump, sem hótar tollum hingað og þangað og býst svo við símtali þar sem honum er boðið eitthvað til að hverfa frá slíkum áformum. Með þessu móti hefur honum tekist að ná ýmsum markmiðum sínum sem menn geta vitaskuld haft skoðanir á, sem og þeim markmiðum sem hann heldur núna úti með hótunum sínum.

Þeir sem gagnrýna Trump geta auðveldlega gert það með málefnalegum rökum. Tollar eru slæmir, ekki satt? Hótanir eru ekki falleg leið til að tjá sig, ekki satt? Samningar ættu að fara fram af yfirvegun en ekki í skjóli hótana, ekki satt?

Og við Evrópumenn vitum auðvitað betur en þessir vitleysingar í bandarískum stjórnmálum, ekki satt? Varnarlausir og skuldum vafnir eins og við erum í visku okkar.

En hvað gera íslensk yfirvöld? Jú, það sama og Trump. Núna vofir yfir sjávarútvegi og sérstaklega fiskvinnslu alveg svimandi skattahækkun sem mun vissulega bitna á öllum sjávarútveginum en aðallega smærri aðilum og fyrirtækjum sem þurfa hráefni úr landvinnslu. Á meðan keyrir forsætisráðherra um og telur holur í vegum og segir að skattahækkanirnar muni renna í að laga þær. 

Vilja menn ekki laga vegina? Bæta innviðina? Styðjið þá við skattahækkanir á sjávarútveg!

Er til einhver önnur og betri skattahækkun? Bentu þá á hana því annars verða vegirnir ekki lagaðir! 

Ef Trump vissi af þessari aðferðafræði íslenskra yfirvalda myndi hann eflaust henda í hrós á samfélagsmiðlum.

Gerum betur.

Skortir greiningu á afleiðingum

Athugasemdir

[Ragnhildur Kolka, 2.4.2025 kl. 15:45]

Î ljôs hefur komið' að "The Art of the Deal" er ekkert annað en uppskrift fyrir "blackmail." Þríeykið sem stýrir landinu hefur greinilega kynnt sér bókina og tileinkað sér innihaldið. En allt sem þarf er að skera fitulagið, sinna grunn verkefnum, leggja niður stofnanir og segja upp óþarfa "sérfræðingum."

[Bjarni (IP-tala skráð) 2.4.2025 kl. 22:21]

Þú ert einkennilegur. Lifir í einhverjum draumaheimi þar sem öragútinn er að spila alla sundur og saman með ótrulegri kænsku. Þér til upplýsingar eru aðrar þjóðir ekkert að hringja í órangutann með tilboð um tilslakanir til að bna verði ríkt. Hins vegar hafa skilaboð heimsins verið einföld og afgerandi. Öllum tollum bna varður svarað með gangtollum. Auðvitað lætur órangútinn eins og unnist hafi stórkostlegrir sigrar og fávísir einfeldningar gleypa allt sem frá fíflin kemur sem heilagan sannleika.

Þetta með að Evropa geti ekki varið sig. Hefði kannski getað fært rök fyrir þessari fullyrðingu þinni ef þú hefðir haft vit til að tilgrein gegn hverjum Evrópa getur ekki varið sig. Rússum sem eru búnir að skíta upp á bak í Úkraínu? Kína sem hefur enga ástæðu til að ásælast Evrópu og stendur höllum í slíku brölti vegna fjarlægðar ef til kæmi.

Kannski kaninn, en ekki gleyma því að árangur kanans á erlendri grundu hefur hingað til ekki verið merkilegur. Skipt inna í uppbótartíma í ww1, hélt að sér hòndum í ww2 þar til ljóst vað að rauði herinn hafði sigrað nasista. Flúði með skottið á milli fótanna frá Víetnam o Afghanistan.

Svo þetta með skuldirnar, bna er skuldugast ríkja vesturvelda sé mið tekið af gdp.

[Trausti (IP-tala skráð) 3.4.2025 kl. 01:12]

EBS leiðin fyrir ESB sinna er að rústa Íslenskumn sjávarútvegi til að auðvelda ESB að kaupa þetta út með samningum! ESB vill fá sín skip til að veiða fiskinn okkar. Fiskurinn og rafmagnið okkar selt á aura tali. Ríkistjórn Íslands er skipuð af landráðsfólki.

[Geir Ágústsson, 3.4.2025 kl. 09:00]

Ragnhildur,

Ábyggilega fín aðferðafræði á byggingalóðinni með verktaka að draga lappirnar.

Bjarni,

Hérna er verið að gagnrýna Trump en Trump-geðhvarfssýki þín er orðin slík að ef maður nefnir að Trump gæti hafa sagt að himinn sé blár þá rífur þú upp eðlisfræðibækurnar og bendir á að blái liturinn stafi bara af ljósbroti og að himinn sé í raun ekki blár og Trump er brjálaður.

Trausti,

Áhugaverð kenning og betri en margar aðrar sem ég hef sé að baki ástæðum þess að flæma fiskvinnslu úr landi. Hin líklega kenningin er gamla góða Excel-hagfræði þar sem hækkun á prósentu í Excel-skjalinu leiðir til hærri skatttekna en gleymir áhrifum á hegðun fólks.

[Bjarni (IP-tala skráð) 3.4.2025 kl. 17:47]

Þú ert afskaplega lítið fyrir að svara fyrir þinn málflutnin á málefnalegan hátt. Sjálfsgt skortir þig greind til.

[Geir Ágústsson, 3.4.2025 kl. 17:59]

Bjarni,

Ég skal svara þér, en athugasemd þín átti mjög lítið skylt við minn pistil.

"Þú ert einkennilegur. Lifir í einhverjum draumaheimi þar sem öragútinn er að spila alla sundur og saman með ótrulegri kænsku."

Benti á að sumt hefur heppnast, en segi ekki að aðferðafræði hans sé mér að skapi, og jafnvel þvert á móti.

"Þér til upplýsingar eru aðrar þjóðir ekkert að hringja í órangutann með tilboð um tilslakanir til að bna verði ríkt."

Aðrar þjóðir eru hreinlega að míga í buxurnar yfir tollum á innflutning til Bandaríkjanna. Á yfirborðinu er gagntollum hótað en í framkvæmd er víða örvænting. Þar með er ekki sagt að Bandaríkin græði á slíku og líklega þvert á móti: Verðhækkanir á frönsk vín munu bitna á neytendum franskra vína, svo dæmi sé nefnt.

"Hins vegar hafa skilaboð heimsins verið einföld og afgerandi. Öllum tollum bna varður svarað með gangtollum."

Það er einmitt hluti af aðferðafræði Trump og allir hoppa á hana.

"Auðvitað lætur órangútinn eins og unnist hafi stórkostlegrir sigrar og fávísir einfeldningar gleypa allt sem frá fíflin kemur sem heilagan sannleika."

Mexíkó ver nú landamæri sín og Venesúela tekur við þegnum sínum. Það er eitthvað. Hvað gerist í framhaldinu kemur í ljós.

"Þetta með að Evropa geti ekki varið sig. Hefði kannski getað fært rök fyrir þessari fullyrðingu þinni ef þú hefðir haft vit til að tilgrein gegn hverjum Evrópa getur ekki varið sig."

Öll ríki Evrópu eru núna beint eða óbeint að búa sig undir tilveru án bandaríska hersins að sjá um alla vinnuna. Þýska ríkið ætlar að kæfa sig í skuldum til að geta það, svo dæmi sé tekið. Gegn hverju? Hverju sem er. Kaupir þú kaskótryggingu af því þú veist hvað kemur fyrir bílinn þinn eða af því þú veist það ekki?

"Rússum sem eru búnir að skíta upp á bak í Úkraínu?"

Þú segir fréttir ef Rússland er ekki lengur ógn við öryggi Evrópu. Get svo sem tekið undir það að einhverju leyti en af öðrum ástæðum.

"Kína sem hefur enga ástæðu til að ásælast Evrópu og stendur höllum í slíku brölti vegna fjarlægðar ef til kæmi."

Það er til bein ógn og óbein, og svo eru til hakkarar og iðnaðarnjósnarar, en óttinn við Kína er kannski orðum aukinn.

"Kannski kaninn, en ekki gleyma því að árangur kanans á erlendri grundu hefur hingað til ekki verið merkilegur. Skipt inna í uppbótartíma í ww1, hélt að sér hòndum í ww2 þar til ljóst vað að rauði herinn hafði sigrað nasista."

Sammála því að BNA hefðu aldrei átt að blanda sér í evrópsk stríð, en menn eins og Roosevelt og Churchill lögðu mikið á sig til að draga BNA í WW2, svo dæmi sé tekið. Það var ekki bandarískur almenningur sem vildi senda ungu mennina sína í dauðann. Evrópa betlaði og biðlaði, og gerir jafnvel enn.

"Flúði með skottið á milli fótanna frá Víetnam o Afghanistan."

Svo sannarlega. Og víðar. Líbýa er ennþá í rúst eftir að Íslendingar neituðu að beita neitunarvaldi sínu gegn þeirri vegferð.

"Svo þetta með skuldirnar, bna er skuldugast ríkja vesturvelda sé mið tekið af gdp."

Ekki alveg, en skuldug samt.

[Bjarni (IP-tala skráð) 4.4.2025 kl. 17:41]

Ég ætlaði svosem ekki fara með þetta lengra en tel rétt að benda þér á að 45% innflutnings til bna er innflutningur fyrirtækja í bna á íhlutum til framleiðslu þeirra eigin afurða í bna.

Apple, Ford, GM, Tesla, Nike o.s.frv eru stórir innflutningaðilar frá útlandinu á íhlutum sem þau þurfa til að fullvinna sína vöru í bna. Það eru þessi fyrirtæki sem sjá fram á stóraukinn framleiðslukostnað sinna afurða.

Tollar eru skattar á kaupendur lokaafurðar sem að endingu eru greiddir af neitendum.  Þá leiðir hækkandi framleiðslukostnaður til hækkandi vöruverðs, minni útflutnings, minni eftirspurnar, aukinnar verðbólgu, aukins atvinnuleysis, almenns samdráttar í efnahagslífinu.

Það eru langt í frá eingöngu útlendingar sem óttast heimskustefnu órangútans, það eru ekki síður fyrirtæki og almenningur í bna, þeir þeirra sem eitthvað vit hafa í hausnum, sem óttast þessa fávisku órangútans,

[Bjarni (IP-tala skráð) 4.4.2025 kl. 18:24]

Og svo í beinu frahmhaldi þá ætla ég að hlífa þér við því að gúggla tolla á vörur frá bna í kína. Hérna eru útreikningar hagfæðinga órangútans:

Útflutningur kína til bna er $438,9 B, innflutningu kína á vörum frá bna er $143,5 B. Viðskiptahallin er því $295,4 B.

Og svona reiknar órangútinn tolla á innflutning til kína frá bna:

Viðskiptahalli/innflutningi bna frá kína = x ×100 = %tolla kína á bna.

295,4 / 438,9 x 100 = 67,3 % tollar kína vörur frá bna.

Hávísindalegt ekki satt?