Hræðsluáróður eða er verið að brugga eitthvað?

Víða í Evrópu er almenningur nú hvattur til að búa sig undir að lifa af í þrjá daga án vatns, rafmagns og netsambands. Í Danmörku hafa a.m.k. tvenn átaksverkefni hvatt almennings til þessa (að mestu leyti án árangurs). En hvers vegna, og hvers vegna núna? Er þetta hræðsluáróður að hætti veirutíma eða eru yfirvöld að standa í slíku hættuspili að almenningi verði ógnað?

Auðvitað er skynsamlegt að eiga einhverjar birgðir af einhverju. Detti til dæmis dóttur minni í hug að bjóða þremur vinkonum óvænt í kvöldmat þá þarf að eiga nagga í frystinum. En til hvers að eiga vatn og rafhlöður til þriggja daga? Er það nóg ef yfirvöldum tekst að koma á þriðju heimsstyrjöldinni með ógnandi utanríkisstefnu? Ólíklega. Ef eldgos er ógnin þá flýr fólk einfaldlega. 

Að því sögðu þá er ég alveg ljómandi birgur af ýmsu, en það er til að forðast að þurfa stökkva af stað í búðina ef eitthvað leikfangið verður rafmagnslaust. Ég á rafhlöður, hleðslubanka, eitthvað af drykkjarvörum og einhvern dósamat, og nóg af andabringum til að borða ekki annað í viku.

En það er ekki til að takast á við flugskeytið sem yfirvöld lokkuðu til mín, því ef það er markmiðið þá erum við dauðans matur, með eða án þriggja daga af vatnsbirgðum í geymslunni.

Eftir stendur hræðsluáróðurinn og þá má rifja upp veirutíma sem voru varla annað.

Landsmenn hvattir til að búa sig undir neyðarástand

Athugasemdir

[Sigurður Kristján Hjaltested, 31.3.2025 kl. 15:46]

Hugsaði nákvæmlega þetta sama.

Ekkert annað en hræðsluáróður.

[Geir Ágústsson, 31.3.2025 kl. 15:52]

Sigurður,

Það, eða að yfirvöld eru að máta okkur á skotskífuna til að reyna lokka á hana flugskeyti. Svolítið eins og Bandaríkin höfðu það á sínum tíma að óformlegri stefnu sinni að gera allt til að fá Japani til að gera árás fyrst svo innreið í seinni heimsstyrjöldina gæti verið þrýst ofan í kokið á bandarískum almenningi.

Ekkert að óttast, eða við erum dauðans matur sama hvað við eigum mikið af dósamat.

[Ingólfur Sigurðsson, 31.3.2025 kl. 16:26]

Ef Nató ætlar að gera árás á Rússland mun Rússland svara eða önnur BRICS ríki kannski. Sumir segja að WW3 sé hafin nú þegar.

Eins og ég hef margsinnis skrifað um og fólk fattar margt, að Vesturlönd eru fallin innanfrá vegna rotinnar stefnu, fólki fækkar, fæðingum fækkar. Rússland koma þar hvergi við sögu.

En Úkraína er smotterí og hvort Rússar hafa þar meiri eða minni völd á næstu áratugum, skiptir ekki önnur Vesturlönd máli. Rússar eru þó ekki svo heimskir að ráðast á Finnland eða Svíþjóð, í mesta lagi fyrrum Sovét-ríki sín.

Þessi áróður um að Evrópa falli ef Rússar ná allri Úkraínu er 100% bull. Evrópa er fallin innanfrá, menningin er hrunin svo ég vitni í meistara.

En Vesturlönd lifa eftir sinni helstefnu. Ekkert við því að gera?

[Ásgrímur Hartmannsson, 31.3.2025 kl. 17:37]

Það er verið að hlaða í sæopp, covid-style.

[Bjarni (IP-tala skráð) 31.3.2025 kl. 23:47]

Birgðir af andabringum sem duga vikum saman, kjúkklinganaggar í frystinum ef heimilið fyllist af hungruðum stelpuskjátum. Matvöruverslun á næsta götuhorni með allt sem hugurinn girnist. Hleðslubanki sem gengur fyrir, ja hverju? Rafmagni? Svona eins og frystikista, rafmagn sem verslanir þurfa til að geta haft opið og boðið ferska vöru, rafmagn sem þarf til að knýja útvarpið þegar nettenging er ekki til staðar?  Bömmer.

En órangútinn bjargar okkur öllum ef allt fer til fjandans. Skellir sér í supermann-búninginn í næsta símaklefa og flögrar um loftin blá. Gallinn er að það eru ekki lengur til neinir símaklefar og hætt við að órangútinn endi sem kafteinn ofurbrók.

[Grímur Kjartansson, 1.4.2025 kl. 10:46]

Held frekar að þetta sé hluti af áróðrinum sem miðar að því að þagga niður í þeim sem eru mótfallnir auknum ríkisframlögum til stríðsrekstrar

En keimlíkt er þetta grímuskyldunni í Kóvíd

[Geir Ágústsson, 1.4.2025 kl. 18:10]

Bjarni,

Það er hægt að halda lífi í frostvöru svo dögum skiptir með einfaldri kælitösku. Prófaðu að fara í íslenska útilegu með ekkert nema slíkan útbúnað og þú sveltur ekki.

Annars er Trump-geðhvarfssýkin þín orðin nokkuð alvarleg sýnist mér. Trump er nefndur þótt efnið sé eitthvað allt annað. Það er varla honum að kenna að Evrópuríki búa sig undir kjarnorkuvetur, og ekki endilega honum að þakka að slíkur vetur er ekki skollinn á - bara þessi hefðbundni þar sem efnalítið fólk sem hefur ekki efni á að kynda deyr í bílförum í boði kjörinna leiðtoga sinna.