Plaströrið

Ég veit! Ég veit!

Ég veit að ef Donald Trump segir eitthvað þá er það dæmt úr leik sem vitleysa. Hann gæti sagt að himininn sé blár og þúsund vísindamenn sameinast í bréfi til að segja að himininn sé í raun grænn, með blöndu af gulu. 

En þegar hann tjáði sig gegn plaströrum og bannaði þvingaða notkun þeirra þá var Trump í raun að segja það sem ég hafði áður sagt, svo ég ætla að leyfa mér að vera sammála honum á þeim forsendum, meðal annarra. 

Vandamálið er samt ekki Trump eða hið augljósa að plaströr eru ekkert vandamál þótt slík rör hafi fundist í nefi skjalböku í sjó þar sem innfæddir sturta rusli beint í sjóinn. Vandamálið er að við höfum keypt þá lygasögu að plaströr eru stórt og alvarlegt umhverfisvandamál á svæðum þar sem rusli er ekki einfaldlega sturtað beint í næstu á (frekar en að brenna, urða eða endurvinna). Eða hvað er mikið af rusli að skola á strendur ríkja sem safna rusli og brenna, urða eða endurnýta? Svarið er: Ekkert.

Ofan á það vandamál er svo heilaþvotturinn. Fólk hamast við að finna upp á lausnum við því vandamáli sem fjarvera plaströrsins er. Pappírsrörið er dæmi um þetta: Ónothæft rusl sem dugar í mesta lagi til að sjúga í sig eitt vatnsglas á methraða. En hvað endist vel? Jú, stálrör, sem þarf bæði að framleiða (stálframleiðsla er orkufrek) og þrífa reglulega (sápa er líka auðlindanotkun), og kostar helling og er skelfilega orkufrek og óheilnæm lausn. Fólk að reyna græða á því að selja okkur stálrör er sent heim til sín, eðlilega, því enginn trúir því að stálrör muni fá pláss í jakkavösum og töskum (þótt enginn þori að mótmæla ofsóknunum á plaströrunum).

Hver er svo niðurstaðan hérna? Hún er sú að trúa ekki öllu, og sérstaklega ekki ef frásögnin er svo afbrigðilega aftengt heilbrigðri skynsemi að það er engin ástæða til að trúa. Svo sem:

• Að það sé hægt að þróa bóluefni á undir 10 árum sem drepur ekki ungt fólk og slátrar eldra fólki á methraða
• Að ruslið þitt, sem endar í ruslafötu og er svo afgreitt af fagmönnum, sé að drepa skjaldbökur í Kyrrahafi
• Að nautakjötið þitt sé að breyta loftslagi Jarðar
• Að grænu skattarnir hafi einhver áhrif á loftslagið
• Að lélegir jurta- og pappírspokar séu góður valkostur við trausta plastpoka
• Að orkuskortur sé umhverfisvænn
• Að rafhlöður séu umhverfisvænar, þar á meðal þessar risastóru í rafmagnsbílunum
• Að konur eigi að keppa við karlmenn í íþróttum
• Að vopnakapphlaup stuðli að friði
• Að keppni við hið opinbera um lánsfé lækki vexti og verðbólgu
• Að ritskoðun stuðli að málfrelsi

Listinn er því miður lengri og jafnvel að lengjast, en það er von, og dæmi sýna það. Það sem vantar er að þú kaupir minna af snákaolíu og meira af þorskalýsi.

Athugasemdir

[Bjarni (IP-tala skráð) 28.3.2025 kl. 22:41]

Maður er nefndur: Robert Francis Kennedy jr.,boðberi samsæriskenninga um að bólusetningar séu hættulegar heilsu fólks. Leggur til að fólk reyni að smitast af lífshættulegum sjúkdómi, mislingum, til að öðlast ævilangt ónæmi fyrir sjúkdómnum, ef það lifir hann af. Betra en hættulaus bólusetning í æsku. Órangútinn er heillaður og skipar hann heilbrigðisráðherra. Til hamingju MAGA, þið eruð alveg með þetta.

Tollar á innfluttning eru greiddir af útflytjendum, ekki af endanlegum neitendum í innfluttningsríki. Tollar gera okkur rík, MAGA er alveg með þetta.

VSK á alla neitendur er sérstaklega beint að innfluttningi frá BNA þó svo innlendar vörur beri nákvæmlega sama VSK. Til hamingju MAGA, Þið eruð alveg með þetta.

Herveldið BNA er tilbúið að bjarga lítilmagnanum frá utanaðstejandi ógn eða frá innri ógn, eina sem það kostar er að öll auðæfi þess ríkis sem verður verndarinnar aðnjótandi þarf að afsala öllum sínum auðlyndum til auðugra vina órangútans. Það er ekki gjald, heldur gjöf að fá loforð frá órangútanum um skilyrðislausa vern í dag, þó svo hann breyti um skoðun á morgun. Öll fiskimið og virkjanir, núverandi sem væntanlegar, er lítið gjald fyrir tvær Sikorski þyrlu á Reykjavíkurflugvelli til að flytja starfsfólk sendiráðr BNA í öruggt skjól þegar rússarnir koma með n-kóreanska herinn, ala Saigon og Kabul.

Þetta með pappírsrörin, skiljanlegt að órangútinn lendi í vandræðum. Þetta er auðvitað mest aðkallandi mál sem hinn frjálsi heimur stendur frammi fyrir, verra en að AP skuli ekki fallast á að kall Mexíkó-flóa Ameríku-flóa. MAGA með forgangsrö0ina á hreinu.

P.s ekki gleyma að kaupa Tesler, nú eða Cybertruck. Uhu líminu hefur verið skipt út fyrir betra lím og allar líkur á að þú komist heim úr vinnunni með annan stuðarann.

[Geir Ágústsson, 28.3.2025 kl. 23:14]

Kæri Bjarni,

Þú þjáist af "Trump derangement syndrome", þar sem allur heimurinn snýst um ákvarðanir Trumps og orð hans. Mundu að Bandaríkin eru ekki allur heimurinn og að það eru fleiri en Trump sem hata eitursprautur og pappírsrör.

[Bjarni (IP-tala skráð) 29.3.2025 kl. 17:47]

Þú segir fréttir, að heilbrigð skynsemi sé TDS. Eitt er víst að ekki þjáist þú af heilbrigðri skynsemi.

Vonandi verur þú og órangútinn áfram uppteknir af plaströrum, gerið ekkert af ykkur á meðan.

[Geir Ágústsson, 30.3.2025 kl. 15:15]

Bjarni,

Plaströrið er einfaldlega afskaplega táknrænt og auðskiljanlegt dæmi um endurheimt heilbrigðrar skynsemi í raun.

Svo það dæmi sé nefnt þá þekki ég marga sem hafa pantað sér kassa af plaströrum og taka jafnvel með sér og hafa gert lengi. Heilbrigði skynsemi var ekki tekin alveg úr sambandi heldur bæld niður og fær núna að snúa aftur.

Transgender swimmer Lia Thomas loses challenge of rules barring her from elite women’s races | CNN

[Bjarni (IP-tala skráð) 30.3.2025 kl. 18:06]

Plaströr vs. Pappírsrör. Hversu aumkunnaverður þarftu að vera til að láta það trufla daglega rútínu?

[Geir Ágústsson, 30.3.2025 kl. 20:48]

Bjarni,

Þú ert farinn að minna á gamlan vin hérna, Vagn, sem las viljandi ekki neitt sem var skrifað heldur bjó til eitthvað til að gera athugasemdir við. Að því sögðu: Góðar stundir.