Ekkert-að-marka stéttirnar

Það er ánægjulegt að sjá allskyns stjórnmálamenn, ýmis yfirvöld og opinberar stofnanir og jafnvel leyniþjónustur smátt og smátt viðurkenna að aðgerðir gegn veiru voru sóun á tíma og fé, orsökuðu fleiri vandamál en þær leystu, skildu eftir sig sviðna jörð sem tekur mörg ár að gróa og komu ekki í veg fyrir neitt slæmt á meðan margt gott var sett í ruslatunnuna.

En hverjir eru það sem tjá sig nú þegar sönnunargögnin hrannast upp? Jú, þeir sem klöppuðu fyrir aðgerðunum á sínum tíma, eða framfylgdu þeim, eða þögðu bara.

Er eitthvað að marka þetta fólk? Nei.

Er þetta fólkið sem er hægt að treysta á til að greina atburði líðandi stundar í dag? Nei.

Það lá fyrir, í rækilega ritrýndum vísindarannsóknum, vorið 2020, að þessi veira væri ekki meiri ógn við mannkynið en skæð flensa, og jafnvel vægari en það fyrir flesta aldurs- og sjúklingahópa.

Vorið 2020.

Næstu tvö ár fóru samt í að loka og læsa, banna, ritskoða og eyðileggja alla gjaldmiðla með peningaprentun og mokstri á auði úr vösum skattgreiðendum í vasa hluthafa hjá stórum lyfjafyrirtækjum og skjólstæðinga þeirra.

Það er fínt að vera vitur eftir á, og neyðast til að segja satt án þess að biðjast afsökunar og sýna fram á betri dómgreind í dag. En það er engin dyggð. 

Sérfræðingarnir, fjölmiðlarnir og stjórnmálamennirnir brugðust í slíkum mæli að traust á þessum talandi stéttum er hvað mig varðar horfið, með örfáum undantekningum.

Samsæriskenningar og raddir þeirra ritskoðuðu höfða frekar til mín, a.m.k. til að hjálpa mér að móta afstöðu.

Ekkert-að-marka stéttirnar eru bara það: Stéttir sem er ekkert að marka. 

Daði: Vafasamt met Íslands með covid-aðgerðum

Athugasemdir

[Ómar Geirsson, 14.3.2025 kl. 09:44]

Blessaður Geir.

Þú veist að þessi fullyrðing þín er röng; "Það lá fyrir, í rækilega ritrýndum vísindarannsóknum, vorið 2020, að þessi veira væri ekki meiri ógn við mannkynið en skæð flensa, og jafnvel vægari en það fyrir flesta aldurs- og sjúklingahópa."

Svo spurningin er; Af hverju lýgur þú þessu?

Er það hugmynd þín um frjálsa umræðu, að fólk ljúgi í þágu skoðana sinna, í trausti spekinnar um margendurtekna lygi??, eða að lygar fleyti umræðunni áfram því einhver annar telji sig knúinn til að verja staðreyndir, og svo koll af kolli??

Veit það ekki Geir, svara þú.

Kveðja að austan.

[Geir Ágústsson, 14.3.2025 kl. 14:43]

Ómar,

Þetta er engin lygi. Fyrir unga manneskju að falla fyrir COVID-19 hefðu þurft að vera fyrir allskonar önnur mein og vandræði. Slíka einstaklinga átti vitaskuld að verja. 

Lönd skráðu þetta svo á allskonar hátt: Dauði með COVID-19 stundum skráð sem dauði vegna COVID-19.

Þegar Lýsi sagðist geta hjálpað fólki þá var það skammað. Þegar fólk reyndi að varðveita heilsu sína með heilsurækt og útloftun var því sagt að það virkaði ekki.

En úr því þú biður um gögn þá fann ég í fljótu bragði þessa grein frá júlí 2020 (sjá töflu 1):

The confounded crude case-fatality rates (CFR) for COVID-19 hide more than they reveal—a comparison of age-specific and age-adjusted CFRs between seven countries

Strax þarna var byrjað að gagnrýna hvernig menn fjölluðu um dauðsföllin og birtu misvísandi gögn.

En í stað þess að leggja áherslu á að verja þá sem eru veikir fyrir hvers kyns veirum var öllu samfélaginu skellt í lás og látið eins og það hafi haft eitthvað að segja.

[Ómar Geirsson, 14.3.2025 kl. 15:51]

Geir, ég þekki alveg skoðanir þínar á samfélagslokunum, deili sumum með þér.  Og flott með lýsið, það er allra meina bót, mamma tekur það ennþá inn komin á 93. aldursár.

Það er bara ekki það sem þú sagðir hér að ofan, og er rangt að öllu leiti og þú veist það.

Fáfrótt fólk áttar sig kannski ekki á því að það er útilokað að vísindin hafi getað haft ritrýnda rannsókn á kóvid veirunni vorið 2020, hugsanlega Kínverjar, aðrir ekki.  Greinin sem þú vitnar í, þú hefðir átt að gera sjálfum þér þann greiða að lesa hana áður, meginniðurstaða hennar sem er örugglega alveg rétt, kemur fullyrðingu þinni ekkert við.

"... Crude COVID-19 CFRs have no real use for between country comparisons and should be avoided. In general, for comparisons between groups and countries, age-adjusted CFRs can be used, but age-specific COVID-19 CFRs are generally far more meaningful.".

Svona fullyrðingar eru aðallega settar fram til að fóðra vitleysingahjörðina, aðallega í Bandaríkjunum, megnið af hjörðinni þar trúir líka að jörðin sé flöt, og að heimurinn sé ekki mikið stærri en Bandaríkin, þess vegna miðast allt hið falska fóður sem hún er fóðruð á út frá bandarískum raunveruleik og bandarískum persónum.  Fauci, Bill Gates og svo framvegis.

Í vitleysingahjörðinni hefur enginn vitsmuni til að fatta að það er eitthvað mikið í gangi þegar kínverski kommúnistaflokkurinn leggur undir bæði völd og efnahag, og það eitthvað er ekki væg flensa.

Þú veist þetta Geir, og ef þú settir þetta fram á þann hátt sem þú gerðir Geir, fyrir einhver mistök, þá leiðréttir þau mistök.

Nú annars ertu bara að ljúga blákaldur og það vekur aftur upp spurningar mínar og væntingu um svör.

Kveðja að austan.

[Kristinn Bjarnason, 14.3.2025 kl. 17:20]

Það lá alveg ljóst fyrir áður en byrjað var að sprauta að þessi vírus var ekki hættulegur. Engin varnaðarorð frá opinberum starfsmönnum um að bóluefnin væru hrein tilraunastarfsemi. Fólk ekki einu sinni látið vita að Bill Gates væri innsti koppur í búri í öllum bóluefnunum sem hefur sérstakan áhuga á að fækka fólki. Það þurfti engar ritrýndar vísindagreinar til að komast að þessu.

[Geir Ágústsson, 14.3.2025 kl. 20:06]

Ómar,

Ég hef ekki séð þig rökstyðja á neinn hátt að SARS-CoV-2 hafi verið sjúkdómur verri en hver önnur veira, þar sem sérhver veira er með ákveðna áhættuhópa sem eru mismunandi í aldri, genum, holdafari og ástandi almennt. 

Kristinn,

Umframdauðsföllin sáust í tölfræðinni um leið og fyrstu stóru sprautuherferðirnar voru afstaðnar, svo sem í Ísrael. Bækur finnast í dag sem byggja á leyniskjölum Pfizer sem voru þvinguð fram á sjónarsviðið. Þetta var allt einn stór blekkingarleikur.

[Ómar Geirsson, 15.3.2025 kl. 12:08]

Geir.

Þú rökstyður ekki staðreyndir.  Og það er sá sem hafnar þeim sem færir rök fyrir sínu máli, eða fer rangt með ella.

Það er hægt að slá fram hverju sem er, til dæmis að Svarti dauði eða kílapestin hafi verið tilbúningur, áróðursbragð kirkjunnar til að ná auknu valdi yfir sálum fólks og samfélögum.  Og tína svo ýmislegt til um vinnubrögð kirkjunnar, og hvernig til dæmis auður hennar stórjókst með gjöfum til klaustra og kirkna á meðan hin meinta plága gekk yfir.

Sleppa bara að minnast á ritaðar heimildir, fornleifar og annað sem styðja að kílarpest hafi gengið og stráfellt fólk.

Svo er líka bara hægt að segja þetta og ulla framan í staðreyndirnar.

Ég fullyrti að þetta væri rangt, og fullyrti að þú vissir betur.  Þó vitleysingahjörðin trúi þessu eins og nýju neti, þá ertu þú bara ekki hluti af henni.  Ég benti þér á að það væri fræðilega útilokað að ritrýnd grein um kóvidveiruna hefði verið tilbúin vorið 2020 sem segði hana eins og hverja aðra skæða flensu og jafnvel vægari en skæð flensa fyrir suma aldurshópa.  Tímaþátturinn einfaldlega leyfði það ekki.  Ég get reyndar bætt við að engin slík grein hefur verið skrifuð af vísindafólki þó einhverjar slíkar áróðursgreinar hafi verið skrifaðar og metnar mikils af samherjum, en ekki hlutlausar byggðar á staðreyndum.

Síðan benti ég þér á staðreynd sem allir sem hafa eðlilega vitsmuni skilja, að kínverski kommúnistaflokkurinn leggur ekki undir völd sín og efnahag þjóðarinnar fyrir einhverja skæða flensu.

En það er með þetta eins og annað Geir, þó þú sýnir vitleysingahjörðinni vestra, og mér skilst að einhver angi hennar hafi náð landi hér, mynd af jörðinni utan úr geimnum, þar sem hnattlögun hennar sést greinilega, þá hrópar hjörðin; falsað, falsað, Bill Gates, demókratar, bla bla.

Því þetta eru jú vitleysingar.

En þeir sem fóðra hana eru það ekki.  Og þegar þeir fara rangt með, þá vita þeir að þeir ljúga.  En það skiptir þá engu, þeir vita að vitleysingarnir fatta það ekki, og það er jú tilgangurinn.

Ég taldi þig bara ekki vera fóðrara Geir, heldur mann með skoðanir, og rök.

Tel það enn.

Kveðja að austan.

[Þorsteinn Sch. Thorsteinsson (IP-tala skráð) 15.3.2025 kl. 12:38]

Sæll Geir,

"Það er ánægjulegt að sjá allskyns stjórnmálamenn, ýmis yfirvöld og opinberar stofnanir og jafnvel leyniþjónustur smátt og smátt viðurkenna að aðgerðir gegn veiru voru sóun á tíma og fé, orsökuðu fleiri vandamál en þær leystu, skildu eftir sig sviðna jörð sem tekur mörg ár að gróa..."

Já, og þetta með að bóluefnið gegn covid-19 væri mjög öruggt, reyndust ekkert annað en lygar.  

[Þorsteinn Sch Thorsteinsson (IP-tala skráð) 15.3.2025 kl. 14:27]

Hann Peter Kotlar karlinn heldur því fram að bólusettir Slóvakarnir séu orðnir erfðabreyttir, þeas að þeir hafi fengið genameðferð. Að hans sögn er afleiðingin af þessum svokölluðu bólusetningum mögulega aukning á krabbameini og frumudauða (https://standard.sk/901733/kotlar-o-vakcinach-proti-covidu-narusili-integritu-slovenskeho-genofondu?fbclid=IwY2xjawJCXQ5leHRuA2FlbQIxMAABHcOyb_sdnZx9st4A21ArZrIDxRI6IjuUy5BJp2I8CfcbXZAzRaXxHjg9Mg_aem_BQ3i5H3JUkVJyQB8Cx704w).

 

[Þorsteinn Sch. Thorsteinsson (IP-tala skráð) 15.3.2025 kl. 20:41]

https://slaynews.com/news/germany-confirms-mrna-vaccines-killed-more-people-covid/?fbclid=IwY2xjawJCxQFleHRuA2FlbQIxMAABHelZ7UEd-ilZS85T7WUbbcPIOhvZvvFKSgutmc9asWIiMmVza_W0uZnmlg_aem_RmwS8vwkVvtxs63NNogRDQ

[Kristinn Bjarnason, 16.3.2025 kl. 08:09]

Augljós árás á mannkynið sem verður að hafa afleiðingar það er ekki hægt að halda bara áfram eins og ekkert hafi gerst.