Engar sannanir og líklegasta skýringin

Maður spyr sig stundum að því hvort skrifstofa Landlæknis sé pappírslaus með öllu og að fólk nenni ekki að lesa bækur og langar vísindagreinar á skjá. Niðurstaðan er sú að engin ný vitneskja ratar þarna inn nema stuttar fyrirsagnir frá BBC og CNN.

Þetta fékk ég oft á tilfinninguna á veirutímum. Þar var örsjaldan vísað í nokkurn skapaðan hlut. Þegar Íslendingum var sagt að það væri óhætt að fá í sig sprautur frá mismunandi framleiðendum þá lágu engar rannsóknir þar að baki. Tveggja metra reglan í Evrópu var sex feta reglan í Bandaríkjunum, sem er styttri vegalengd, en líka bara þægileg tala. 

Höfum eitt á hreinu: Sóttvarnartakmarkanir voru lækning verri en sjúkdómurinn. Það blasir við, og gerði nánast frá upphafi.

Svo er það uppruni veirunnar. Sóttvarnarlæknir rígheldur hérna í gömlu útgáfuna um að veiran hafi fyrst orðið til í dýrum og smitast yfir í menn. Segir að engar „óyggjandi“ sannanir séu fyrir öðru og að þar með sé það líklegasta skýringin.

Hérna afhjúpar embættismaðurinn auðvitað þetta andrúmsloft á vinnustað sínum þar sem ekkert er lesið nema fyrirsagnir.

Hinar „óyggjandi“ sannanir munu aldrei fást því þær liggja læstar í kínverskum skúffum undir stjórn kínverskra yfirvalda. Þar eru rannsóknargögnin sem sýna hvernig menn tóku náttúrulega veiru - mögulega SARS-CoV (númer eitt) - og erfðabreyttu henni. Upprunalega SARS-CoV veiran var ekkert sérstaklega góð í að smita menn enda tekur veirur tíma að stökkbreyta sér til að gera það auðveldlega, og uppruna hennar voru menn enga stund að afhjúpa í dýraríkinu.

Hin nýja veira, SARS-CoV-2, var tilbúin frá upphafi til að binda sig við frumur manna og eftir mörg þúsund prófanir á dýrum hefur enginn náttúrulegur uppruni verið afhjúpaður. Fyrstu smitin voru í bakgarði rannsóknarstofu sem rannsakar veiru og fyrstu hópsmitin í almenningssamgöngum til og frá þeim vinnustað. 

Ekki „óyggjandi“ sannanir en gera samt rannsóknarstofuna að miklu líklegri upprunakenningu en leðurblökuna eða þvottabjörninn. Náttúrulegi uppruninn er raunar nánast afsannaður með öllu - þó ekki „óyggjandi“ því ekki er hægt að prófa hverja einustu lífveru í Kína.

Eftir stendur spurningin:

Af hverju leggur sóttvarnarlæknir á sig þessa flóknu og vafasömu krókaleið? Af hverju ekki bara að lýsa yfir algjöru afstöðuleysi? Af hverju að kalla ólíklegu kenninguna þá líklegustu?

Ekki veit ég það en þetta segir mér að embættið hefur ekkert lært, ekkert lesið og ekkert kynnt sér, jafnvel eftir mestu lýðheilsumistök í manna minnum og þótt lengra sé leitað.

Sparnaðarráð fyrir ríkisstjórnina að fæðast?

Upphaf Covid–19 líklega tengt leðurblöku

Athugasemdir

[Grímur Kjartansson, 22.1.2025 kl. 15:54]

Þetta minnir mann á gamla  Xfiles þætti sem höfðu sem móttó
the truth is out there

en þið munið aldrei fá að vita hver sannleikurinn er og til að tryggja það

BE IT KNOWN, THAT THIS DAY, I, JOSEPH R. BIDEN, JR., PRESIDENT OF THE UNITED STATES, PURSUANT TO MY POWERS UNDER ARTICLE II, SECTION 2, CLAUSE 1, OF THE CONSTITUTION, HAVE GRANTED UNTO

DR. ANTHONY S. FAUCI A FULL AND UNCONDITIONAL PARDON

[Geir Ágústsson, 22.1.2025 kl. 16:03]

Grímur,

Nákvæmlega, sem ná til allra mögulegra glæpa eða þátttöku í glæpum frá 2014. Geri aðrir betur, líka þeir sem hafa, eins og Biden, lýst því fyrir að "fyrirbyggjandi" náðanir verði ekki veittar.

Þessi náðun varð mér tilefni til að rita nokkur orð á öðrum stað:

Þeir saklausu eru náðaðir - Krossgötur