Glerhjúpar að springa

Ég ætlaði varla að trúa eigin augum þegar ég las leiðara Morgunblaðsins í morgun. Hann fjallar um viðkvæmt mál sem mörgum finnst erfitt að ræða. Hættan er sú að vera kallaður fordómafullur kynþáttahatari við það eitt að lýsa málinu og án þess að fella neina dóma. 

Málið snýr að gengjum raðnauðgara af pakistönskum uppruna í Norður-Englandi sem tæla til sín hvítar stelpur niður í barnsaldur, og nauðga þeim. Fyrir þá sem vilja smáatriðin og sögu þessa máls get ég bent á þessa góðu umfjöllun The Epoch Times. 

Mál pakistönsku barnanauðgaranna er ekki nýtt og hefur raunar verið að væflast um í bresku réttarkerfi í fjöldamörg ár. Eitthvað illa hefur gengið að stöðva þá því menn óttast að vera kallaðir kynþáttahatarar með því að segja hlutina eins og þeir eru og gera svo eitthvað í því. Fjölmiðlar eins og BBC hafa talað um „asísku“ nauðgarana til að afvegaleiða lesendur sína og búa til hugrenningatengsl við Kína og Víetnam frekar en Pakistan. Leiðari Morgunblaðsins stendur ekki í slíkum feluleikjum, sem er fagnaðarefni.

Núna er þessi glerhjúpur að mölbrotna. Hlýtur þá að styttast í að menn stöðvi þessa ógeðfelldu hefð sumra karlmanna af pakistönskum uppruna í Norður-Englandi. Vonandi!

Ég velti því svo fyrir mér hvort fleiri glerhjúpar byrji ekki bráðum að springa. Af nægu er að taka. Sem dæmi má nefna Pfizer-skjölin sem sýna svart á hvítu að Pfizer vissi strax í fyrstu prófunum sínum á veirusprautunum að þær lama, skemma hjartað, valda ófrjósemi og fósturlátum, búa til blóðtappa og skemma taugakerfið, svo eitthvað sé nefnt, fyrir utan að geta verið beinlínis banvænar. Smávegis talnaleikfimi var nóg til að blekkja yfirvöld (og fjölmiðla, auðvitað) og almenningur situr eftir stórskaddaður. Má ekki skrifa fréttir upp úr því?

Hvað með kostnaðarsamar aðgerðir gegn loftslagsaðgerðum? Hérna geta menn verið sammála því eða ósammála að mannkynið sé að breyta hitastigi loftshjúpsins - spurningin er óháð því hversu miklar auðlindir eigi að brenna upp í mótvægisaðgerðum. Þarf að taka bílinn af venjulegu fólki, og kjötið? Er betra kaupa flugnanet og malaríulyf fyrir fátæka Afríkubúa en að niðurgreiða vestræna verksmiðju sem vill fanga og farga koltvísýringi sínum? Forgangsraða, með öðrum orðum. Blaðamenn mættu alveg bjóða sig í þetta mál og skapa frekari umræðugrundvöll - á stóra sviðinu. 

Hvernig væri að ræða sjálfseyðingu hins kristna, vestræna heims? Eftir einn mannsaldur verða Íslendingar orðnir að minnihluta í eigin landi. Á það að gerast? Er það að gerast viljandi eða óvart? Munu barnabörn okkar kunna íslensku eða tókst á einum mannsaldri að útrýma heilu tungumáli? Það væri alveg sjálfsagt að fá opinskáa umræðu um þetta, hvort sem menn vilja varðveita íslenska menningu og íslenska tungu eða ekki. 

Ef leiðarahöfundar þora núna loksins að taka á óþægilegum málum þá er von á góðu. Ég hlakka til! Eða er það of snemmt?

Athugasemdir

[Ragnar Kristján Gestsson, 13.1.2025 kl. 14:15]

Já Geir, ekki laust við að ég hlakki til með þér. Og ekki væri minna fjör að hleypa aftur að þeim vísindamönnum sem voru teknir út af sakramenti hjá fjölmiðlunum vegna þrýstings frá ýmsum þrýstihópum. Sat mjög áhugavert málþing Krossgatna núna á laugardag (https://krossgotur.is/vidburdur-framtid-frettamennsku/)þar sem hreyft var við ýmisum málum af þessum toga. Það var vakin athygli á fundinum á því samt hversu sorglega fáir blaðamenn létu sér fundinn varða. Sjálfsagt voru þeir uppteknir við að eyða minnisblöðum sem bendluðu þá við afvegaleiðandi hugrenningatengsl ...

[Bjarni (IP-tala skráð) 13.1.2025 kl. 16:14]

Tveir helstu vók flokkarnir voru þurkaðir út af þingi, framsókn var rassskelt eftir vókbull formannsins, samfó hefur verulega dregið úr vók-ismanum eftir forystuskipti.

Er von? Já ég held að þjóðin hafi ákveðið að láta ekki skipta sér út fyrir einhverja aðra.

[Guðmundur Ásgeirsson, 13.1.2025 kl. 21:41]

Heilbrigðisyfirvöld eru enn að auglýsa covid sprautur þó að fyrir löngu séu búið að sýna fram á gagnsleysi þeirra. Að auglýsa gagnslaus lyf er lögbrot.

[Grímur (IP-tala skráð) 13.1.2025 kl. 21:46]

Þessi nauðgunargengja mál eru flest löngu afgreidd í dómskerfinu en það hafa verið skrifaðar nokkrar skýrslur um hvernig í ósköpunum þetta hafi getað gerst. Þá beinast böndin að ómenningu meðal pakistana, ómenningu meðal lögreglumanna, fátækt, stéttafyrirlitningu o.fl. Umfangsmesta skýrslan kom út 2022 og var sjö ár í smíðum. Nú stendur styrinn um hvort það eigi að gera nýja skýrslu með tilheyrandi töfum eða framkvæma þær breytingar sem fullyrt var að væru nauðsynlegar í skýrslunni sem kom út 2022. Þingmenn skiptast á stóryrðum en verður minna úr verki.

https://www.iicsa.org.uk/reports-recommendations/publications/inquiry/final-report.html

Bretar nota einfaldlega orðið "Asian" öðru vísi en flestir aðrir. Það er óþarfi að eigna fólki illan ásetning.

https://www.quora.com/Why-does-the-word-Asian-refer-to-South-Asians-in-the-UK-when-in-every-other-country-even-in-Ireland-it-refers-to-East-Asians

[Tryggvi L. Skjaldarson, 14.1.2025 kl. 10:25]

 Róttækur breskur þingmaður Georg Galloway, sem barist hefur fyrir þá sem minna mega sín, segir 89% nauðgana á þessu tímabili hafi verið framkvæmdar af hvítum karlmönnum. Hann bendir á að lítið hafi verið fjallað um þá, hvervegna? Það er greinilegt að það er unnið að því hörðum höndum að ala á sundrung og fordómum.  Elon Musk leiðir þessa sérstöku umræðu á sínum ,,frjálsa miðli" X þar sem ,, hafa það sem sannara reynist" víkur fyrir réttinum segja hvaða bull sem og kalla það frelsi og margir falla í þessa gryfju sem hann er að grafa.

[Guðjón E. Hreinberg, 14.1.2025 kl. 16:34]

Þessi gengi eru skipulögð af Bresku leyniþjónustunni til að koma á sundrungu (Disruption) í Bretlandi - slík verkefni eru í gangi víðar á Vesturlöndum, eins konar Gladio V verkefni.

... og þetta hefur ekkert að gera með Íslam, ef menn nenna að vinna smávegis heimavinnu er það augljóst.