Þegar Múhammeð verður vinsælasta nafnið á Íslandi

Í áhugaverðum pistli spyr höfundur beittrar spurningar og bætir við umhugsunarverðri athugasemd:

Með núverandi innflytjendahlutfall á Íslandi stendur þjóðin frammi fyrir þeirri hættu að verða minnihluti í eigin landi innan fárra áratuga.

Hvers vegna er þetta ekki opinská og siðleg umræða? Hvers vegna er öllum umræðum um þetta tilvistarlega mál bæld?

Nýafstaðnar kosningar skutu þessu algjörlega undan og fjölmiðlar þegja þunnu hljóði.

Síðar bætir hann við:

Hugleiðið Bretland, þar sem nafnið Muhammad er nú vinsælasta drengjanafnið.

Ef fer sem horfir er ekki spurning um það hvort vinsælasta drengjanafnið á Íslandi verði nafn sem við köllum í dag erlent, heldur hvenær. Eins og höfundur rekur í grein sinni þá þarf fjölgun útlendinga bara að vera 2-3 prósentustigum meiri en fjölgun Íslendinga til að Íslendingar verði orðnir að minnihluta íbúa á Íslandi innan mannsaldurs. 

Það þarf ekkert að eyða púðri í staðreyndirnar - þær eru eins og þær eru og segja okkur að verið er að skipta um þjóð á Íslandi. Það sem ber að eyða púðri í er að ræða hvort þetta sé viljandi verk eða óviljandi - gert af ásetningi eða óvart af einhvers konar manngæsku. 

Víða í Evrópu eru innfæddir að vakna upp við vondan draum. Heilu hverfin orðin að framandi samfélögum með eigin löggjöf og eigin dómstóla. Í Danmörku, þar sem ég bý, er byrjað að spyrna hressilega við fótum (jafnaðarmanna). Nýlegar kosningar víða benda til þess að almenningur sé búinn að fá nóg af útþynningu eigin menningar og tungumáls. Stjórnmálamenn hafa ekki hlustað og fjölmiðlar eru ennþá frekar rænulausir. En raunverulegar breytingar byrja aldrei hjá yfirvöldum. Þær byrja í huga okkar borgaranna. 

Hvað finnst þér um að verið sé að skipta um þjóð á Íslandi? Hlynntur eða andsnúinn? Þetta er fyrsta spurningin sem allir þurfa að spyrja sig að. Síðan má hefja umræðuna um kosti og galla. 

Athugasemdir

[Óskar Helgi Helgason (IP-tala skráð) 29.12.2024 kl. 13:44]

Sæll Geir æfinlega; og beztu þakkir fyrir þessa ísköldu en raunsæju lýsingu !

Þið Rajan Parrikar; skuluð hafa hina mestu sæmd, af ykkar viðvörunarorðum: beggja.

Það er með eindæmum; hversu langlundargeð Íslendinga gagnvart uppivöðzlu og frekju Múhameðskra inn í okkar þjóðlíf, hvað fær að smeygja sjer inn til okkar samfjelags er takmarkalaust:: því bábiljan frá Mekku er á svona viðlíka heimtufrekjubraut og hinn skaðlegi Gyðingdómur, sem er að leggja Mið- Austurlönd að velli, í krafti eingyðishyggju ósýnilegra Guða sinna, hvar þeir Allih og Jhehóvah eru lykilstjórnendur heimskupara og eyðileggingar.

Spyrja má; hversu vinstrimenn og femínistar hjerlendir, ásamt alls lags úrkynjunarliði öðru geti kokgleypt við frekari mosku uppsetningum hjer á landi:: á sama tíma og kirkjubyggingar eru forboðnar í Saúdí- Arabíu, t.d. ?

Ítreka; hinar beztu þakkir, til ykkar Rajan´s.

Með kveðjum sem oftar; af Suðurlandi /

[Arnar Þór Jónsson, 29.12.2024 kl. 14:39]

Sæll Geir. Samkvæmt minni eigin reynslu - og ég hef talað við óteljandi Íslendinga á árinu sem er að líða - þá vilja landsmenn ekki hugsa svona óþægilegar hugsanir um það sem mun líklegast gerast í framtíðinni vegna sinnuleysis okkar sjálfra. Kenning mín er sú að flestir kjósendur vilji vita hvað Ísland ætli að gera fyrir þá (hækkun lífeyrisgreiðslna / bóta o.s.frv.) en vilji ekki hugsa um það hvað þeir geti gert fyrir Ísland.

[Bjarni (IP-tala skráð) 29.12.2024 kl. 15:49]

Þegar þjóðfáni Palestínu eru tífalt fleiri en sá íslenski við hátíðarhöldin á Austurvelli 17. Júni, þegar forsetaframbjóðandi flaggar regnbogafánanum af minnsta tilefni en aldrei þeim íslenska. Þá vitum við hvert við erum komin.

Það er tvennt óskylt, skömm og stolt.  Á það að lýðast að vók-fíflin steli landinu og færa það öðrum að gjöf?

[Vagn (IP-tala skráð) 29.12.2024 kl. 16:33]

"Síðar bætir hann við:  Hugleiðið Bretland, þar sem nafnið Muhammad er nú vinsælasta drengjanafnið."

Hugleiðið Bretland, þar sem nafnið Muhammad er nú í 1. sæti yfir vinsælustu drengjanöfnin ef aðeins er talið England og Wales. Hugleiðið hvers vegna mikil ónákvæmni, ýkjur og rangfærslur eru einkenni blogga hjá sumum sem skrifa um innflytjendur og aðrar þjóðir.

Hugleiðið hvers vegna Íslendingur sem flytur til Danmerkur til að lifa og starfa, ala upp sín börn, skapa Dönum verðmæti og efla Evrópusambandið kvarti yfir að í skarð hans, konu og barna, á Íslandi flytji útlendingar.

Hugleiðið hvort sé alvarlegra vandamál útstreymi Íslendinga eða innstreymi útlendinga.

[Geir Ágústsson, 29.12.2024 kl. 16:59]

Vagn,

Þú meinar að Skotarnir hafi náð að hægja aðeins á múslímainnflæðinu? Gott hjá þeim! Ekki það að svolítill múslímskur minnihluti geri mikið af sér. Það er ekki fyrr en þeir eru orðnir að meirihluta svæðis að þeir taka upp innflutta löggjöf. Spurðu bara hvern sem er í nágrenni Luton Town. 

Þetta er minniháttar aðfinnsla hjá þér en sjálfsagt að halda til haga, sem hrós til Skotanna.

Hvað varðar allt hitt þá kemur það efninu ekkert við nema jú að ég er hér eins gesturinn í pistlinum sem kem úr húsi þar sem er nýbúið að bjarga húsgrunninnum frá hruni og vil vara aðra við að láta ekki slíkt gerast hjá sér. Verði ykkur að góðu! 

[Bjarni (IP-tala skráð) 29.12.2024 kl. 17:13]

Ef bara er horft til Dunfermlin þá er Douglas algenasta drengjanafnið.

Hversu mikið fìfl er hægt að vera? England og Wales er 80% af íbúum Bretlands.

[Kristinn Bjarnason, 29.12.2024 kl. 21:19]

Ég er algjörlega andsnúin því að það sé verið að skipta um þjóð á Íslandi.