Þegar maður gerist fjölmiðill

Pistlar Páls Vilhjálmssonar, fyrrverandi kennara og fyrrverandi blaðamanns, eru lesnir um það bil 15 þúsund sinnum á viku. Það er á pari við lestur á heimildin.is og mannlif.is skv. mælingum Gallup. Það, og sé tekið mið af efnistökum Páls (oft vönduð rannsóknarblaðamennska þar sem þræðir eru bundnir saman), og það mætti alveg eins segja að hann sé einsmannsfjölmiðill og um það bil fjórði vinsælati fjölmiðill Íslands. 

Og þegar fjölmiðill kemst of nálægt einhverjum óþægilegum sannleika, eða neitar að leyfa slíkum sannleika að hverfa í gleymsku sögunnar, þá er hann að mála á sig skotskífu sem herská hagsmunasamtök reyna að skjóta á. 

Takmark slíkra samtaka er auðvitað þöggun eins og Páll hefur rakið í pistlum sínum. Ef dómskerfið fellst á slíkt verður í raun búið að innleiða ritskoðun á Íslandi. Það verður nútímaleg útgáfa af fyrri tíma takmörkunum á tjáningu um trúarbrögð. Hin nútímalegu trúarbrögð kalla sig ekki trúarbrögð en eru það og löggjafinn dansar í takt. 

Auðvitað munu árásir hagsmunasamtaka á mann úti í bæ ekki bera neinn árangur. Pistlarnir verða áfram skrifaðir og hýstir og birtir og hljóta mikla útbreiðslu. Höfundur mun verja sig fyrir dómstólum og hafa sigur. Það liggur við að segja að hagsmunasamtökin séu að gera sig að athlægi og vekja enn meiri athygli á leyndarmálum sínum fyrir vikið. Mögulega búin að ýta á sjálfseyðingarhnappinn. 

Það má a.m.k. vona.

Og svo sannarlega segja að lítil þúfa hafi vellt þungu hlassi. 

Samtökin '78 kæra Pál Vilhjálmsson

Athugasemdir

[Helga Dögg Sverrisdóttir (IP-tala skráð) 2.11.2024 kl. 15:07]

Maður er í reynd orðlaus að lögregla og ríkissaksóknari eltist við þetta. Gerist umræðulögga um umdeild samfélagsmál. Manni dettur í hug að þetta sé leið ríkissaksóknara til að ná sér niður á Páli því hann var ómyrkur í máli þegar hún réðist að Magnúsi og varð undir.

Lögreglan átti að vísa þessu frá án frekari skoðunar.

[Ásgrímur Hartmannsson, 2.11.2024 kl. 16:30]

78 og co eru að mála sig upp sem hina verstu skúrka.

Ekkert af því sem þeir eru skrifa uppá sem einhvern heilagleik sem ekki má fjalla um er siðferðilega verjandi á nokkurn hátt, og að mínu mati ætti það í raun allt að vera refsivert.

[Sigurður Kristján Hjaltested, 2.11.2024 kl. 16:35]

Það versta er að þessi samtök skuli vera kominn á ríkisjötuna.

og fá milljónir á ári til að breyða út boðskapinn sem fólk

er búið að fá löngvu nóg af.

Vonandi sér fólk hvað í raun þessi samtök standa fyrir og

megi þau líða undir lok hið fyrsta.

[Helga Dögg Sverrisdóttir (IP-tala skráð) 2.11.2024 kl. 18:52]

Sigurður, við skulum vona að nýir þingmenn skrúfi fyrir þessi ósköp. Síðan þarf fólk að láta í sér heyra í næstu sveitarstjórnarkosningum þannig að peningaflæðið verði stöðvað frá þeim líka.

Ásgrímur, vonandi metur þú stöðuna rétt og lýðurinn sjái í reynd hvers konar samtök er um að ræða. 

[Geir Ágústsson, 3.11.2024 kl. 11:01]

Ég þakka athugasemdirnar.

Ég er að klára stórfróðlega bók þessa dagana, Cynical Theories: How Activist Scholarship Made Everything About Race, Gender, and Identity - and Why This Harms Everybody:

https://www.amazon.com/Cynical-Theories-Scholarship-Everything-Everybody/dp/B08LDSWJ9V

Þarna er rakinn uppruni þeirra kenninga sem hæst er haldið á lofti í dag og hvernig þær séu bæði troðfullar af innri mótsögnum og lítið annað en sósíalismi í dulargervi. 

Þar er líka útskýrt hvernig þessar nýju kenningar aðgreina sig frá mannréttindabaráttu (raunverulega) frjálslynds fólks sem tókst að afnema kyn- og kynþáttabundna mismunun og mismunun eftir kynhneigð. Slík réttindabarátta sé í raun andstæða þeirrar sem núna fer hæst. 

[Ásgrímur Hartmannsson, 3.11.2024 kl. 19:11]

Aðal fígúrurnar á bakvið þetta eru Kimberle Crenshaw & Robin DiAngelo.  Critical theory, er þetta kallað.
Alger steypa, ekkert nema heilaþvottur út í gegn.

[G Helga Ingadottir, 4.11.2024 kl. 11:30]

Svo sannarlega vona ég að málfrelsið beri sigur út bítum :)