Köttur í kvöldmatinn

Um daginn tókust á Kamala Harris, varaforseti Bandaríkjanna, og Donald Trump, fyrrverandi forseti Bandaríkjanna, í kappræðum í aðdraganda forsetakosninga í Bandaríkjunum. Skoðanir eru skiptar um hvort stóð sig betur, þótt flestir hallist að Harris, en sérstaklega því hvaða áhrif þessar kappræður muna hafa á viðhorf kjósenda. Óháð því, skotin sem flugu á milli voru stór og oft vafasöm í sannleiksgildi. Slík er umræðuhefðin, því miður.

Blaðamenn sátu vitaskuld sveittir við að leiðrétta rangfærslur. Þá aðallega þær úr munni Trump sem var oftar en ekki að rökræða við fundarstjóra frekar en andstæðing sinn. Ein svokölluð rangfærsla Trump var sú að í Ohio væru flóttamenn frá Haíti að éta gæludýr íbúanna. Rangt, ekki satt? Uppspuni, ekki satt? Slíkur var úrskurðurinn. Rangt, segir AP. Rangt, segir NBC. Rangt, segir Politifact. Rangt, segir CNN. Rangt, segir Forbes. Rangt, segir BBC. Listinn er endalaus.

Vandamálið er bara að það sem Trump sagði í þessu tilviki er ekki endilega rangt og hefur alls ekki verið afsannað. Íbúar Springfield, Ohio, svo dæmi sé tekið, hafa kvartað yfir þessu, bæði á samfélagsmiðlum og íbúafundum, og svo mörgu öðru líka eftir að 20 þúsund innflytjendum frá Haíti var troðið inn í bæjarfélag með 50-60 þúsund íbúum. Gæsirnar eru að hverfa úr almenningsgörðum, kettir og hundar eru eltir uppi og étnir eða hengdir upp fyrir trúarlegar athafnir eins og siðir margra innflytjendanna boða, og innflytjendurnir koma sér fyrir í görðum fólks og ógna eigendum þeirra. 

Vandamálið, innflytjendastraumur úr gjörólíkum menningarheimi, er raunverulegt þótt það sé þaggað niður, og það er þöggunin sem er svo einkennileg. Af hverju á að þagga niður í augljósu vandamáli? Hvernig er það hægt? Og hvers vegna taka stærstu fjölmiðlasamsteypur heims þátt í því? Vissulega var það Donald Trump sem benti á hluta vandamálsins - dýraránin - fyrir framan milljónir manna, og vitaskuld er allt rangt sem hann segir jafnvel þótt hann bendi upp í loftið, á bláan himinn, og segi að himininn sé blár. En er mikilvægara að „sannreyna“ orð Trump en að hlusta á venjulegt fólk lýsa yfir hörmungarástandi í samfélagi sínu?

Málefni innflytjenda, hælisleitenda og flóttamanna eru vitaskuld viðkvæm og skammt á milli fordóma og föðurlandsástar. En það er stundum bara til eitthvað sem heitir heimskuleg ákvörðun sem hefur hræðilegar afleiðingar. Hvort sem Trump bendir á það eða einhver annar á ekki að breyta neinu í slíkri greiningu. Sameinaður her fjölmiðla á ekki að gera það að forgangsverkefni sínu að þagga niður í þjáningu heils bæjarfélags til að koma höggi á andstæðing sinn. Að gera staðreyndir að „staðreyndum“ í þeim eina tilgangi er einfaldlega rangt.

En við lærum vonandi af þessu. Þegar sama fyrirsögn birtist á öllum helstu fjölmiðlum á sama tíma af sama tilefni með svipuðu orðalagi, og allar ósannar en til vara hálfsannleikur, þá eru teikn á lofti. Það er eitthvað sem við eigum ekki að vita. Eitthvað sem er mögulega satt og rétt, en kom úr röngum kjafti. Málfrelsið á betra skilið.

Athugasemdir

[Ásgrímur Hartmannsson, 14.9.2024 kl. 18:34]

Mér sýnist að almenningur sé smám saman að læra af þssu, á meðan fjölmiðlamenn eru ekki að læra neitt.

Þannig hefur það verið ansi lengi núna.

Lokaniðusrstaðan veruð að engi nema all-vitlausustu mennirnir (og gamalmenni sem hafa ekkert intenet, bara FB) hlusta á MSM, á meðan allir aðrir fá sína réttir annarrsstaðar frá.

[Grímur Kjartansson, 14.9.2024 kl. 20:36]

Það varð smá uppistand í Svíþjóð þegar ég bjó þar því einhverjir fönguðu broddgelti og borðu þá
Svo er alþekkt að í Kína eru hundar borðaðir með bestu lyst
Meira segja til bíómynd sem heitir "I Kina käkar dom hundar"

[Bragi (IP-tala skráð) 15.9.2024 kl. 10:18]

Margt sem Trump segir kemur kjánalega út, en er svo ekki þegar betur er að gáð.

20 þúsund flóttamenn frá Haiti í 50 til 60 þúsunda manna samfélag mun gjörbreyta það samfélag. Aðkomnir flytja með sér sína menningu og einnig ómenningu/ósiði. Haitimenn iðka Vúdú trú þar sem dýrafórn er rík hefð. Dýrin eru oft borðuð lifandi í þeim tilgangi að öðlast eiginleika þeirra. Íbúar Springfield Ohio hafa verið að kvarta yfir yfirgang þessara innflytjenda eins og að innbrot og að setjast að á einkalóðum. Einnig hafa gæludæyr verið að hverfa og myndskeið eru til þar sem fólk sést leggja sér til munns heimilisketti. Ótrúlegt en satt.