Styttist í 50%

Það er auðvitað athyglisvert að á Íslandi mælist stærstur sá stjórnmálaflokkur sem mun í raun viðhalda núverandi stjórnarháttum: Hallarekstri, verðbólgu og innflutningi fólks sem kostar vinnandi Íslendinga lífsviðurværið, og jafnvel öryggið á götunum. Ég fer nánar út í það hér á eftir.

En það sem er athyglisverðara, mögulega, er að flokkar sem gætu mögulega haft hagsmuni hins venjulega Íslendings að leiðarljósi eru að nálgast meirihluta, lagðir saman í fylgi. 

Sjálfstæðisflokkur + Miðflokkur + Flokkur fólksins + Framsókn = 45%

Undir forystu Miðflokksins, eða Sigmundar Davíðs Gunnlaugssonar nánar tiltekið, er kannski möguleiki á að mynda stjórn flokka sem eru ekki með það efst á stefnuskrá sinni að eltast við nýjasta handrit erlendra og andlitslausra alþjóðastofnana.

En nú eru þetta auðvitað bara vangaveltur.

Sjálfstæðisflokkurinn hefur á að skipa mörgu frambærilegu fólki, en velur stjórnarsamstarf sem gerir þá hæfileika að engu.

Framsókn er bara það, fái hún sína ráðherrastóla þá fylgir hún línunni.

Flokkur fólksins er með besta slagorð í heimi - fólkið fyrst, svo allt hitt - og það lofar góðu.

Miðflokkurinn er í dag lítill á þingi og þarf að manna sig upp, og eins og Íslendingar eru skrúfaðir saman þá þora þeir ekki alveg að tengja sig við hann opinberlega þótt þeir svari í símann þegar skoðanakannanir eru framkvæmdar. Það hlýtur að lagast.

Svo kannski það sé ljós í myrkrinu. 

Eitt er víst að eitthvað þarf að breytast og gerast. Ætla landsmenn allir að láta toga sig í svartholið eins og kjósendur Reykjavíkur?

Þá það. Það er jú lýðræði. Kjósendur geta alveg borað gat á skipið ef þeir vilja.

Eða vilja þeir eitthvað annað?

Sjáum hvað setur.

En aðeins í lokin: Það er alveg útilokað að almennir flokksmenn Samfylkingarinnar séu sammála formanni sínum í ýmsum málum, svo sem innflytjendamálum. Þeir þegja á meðan formaðurinn laðar að sér atkvæði en þegar atkvæðin eru talin þá stökkva þeir úr holum sínum og keyra á hefðbundna vinstripólitík. Formaðurinn veit það jafnvel. En pólitík snýst um völd, ekki stefnu, og því fer sem er. 

Þar þarf ekkert að spá í spilin og sjá hvað setur. Þetta blasir við.

Miðflokkurinn tekur fram úr Sjálfstæðisflokknum

Athugasemdir

[Óskar Helgi Helgason (IP-tala skráð) 28.8.2024 kl. 20:50]

Sæll Geir; æfinlega !

Tek undir með þjer; í flestu.

Samfylkingin; er álíka meinvarp, og núverandi valdaflokkar, í landinu.

Þjer að segja; treysti jeg ekki Kristrúnu Frostadóttur fyrir næsta 

húshorn hvað þá:: hið þar næsta.

Viðlíka er háttað; með Evrópusambands flokkana Viðreisn og Pírata gerpin, ekki síður.

Hitt er annað mál; að það er með öllu ósæmandi, að vísa hjeðan fólki frá, sem margt hvert, hefur dvalið hjer í áraraðir, viljað gera hjer gagn og standa sína plikt, þá finnst mjer siðferðileg skylda landsmanna, að standa þjett við bak drengsins Yazan hins Palestínska og fjölskyldu hans, sem er að berjast gegn ómennzku ráðuneytis Guðrúnar nokkurrar Hafsteinsdóttur, hver undirförul er mjög í sínum starfsháttum og slæg, sbr. fáránleikann í máli Helga Magnúsar Gunnarssonar vararíkissaksóknara þessa dagana, þar sem blýanta nagara hirð Guðrúnar og ráðuneytis hennar auk annarra undirstofnana hennar hafa orðið sjer til margfaldrar skammar.

Allt um það; frekara útlendinga flæði verður að stöðva, eigi ekki að fara á þá leið, að heimamenn hjer (innfæddir Íslendingar) verði að minnihluta í landinu, áður en langt um líður.

Má til; að endurbirta hjer áskorun mína, sem jeg sendi Flokki fólksins og Miðflokknum, fyrr í dag :

''Um; ÖLL slit samskipta Íslands, við Ísrael !

 

 

 

 

Óskar Helgi Helgason <[e-mail]>

 

13:00 (fyrir 7 klukkustundum)

til flokkurfolksins, midflokkurinn

 

 

                              

                                               Hveragerði 28. VIII. 2024

 

Komið þið sæl; Fólksins flokksmenn, sem og Miðflokksins.

 

Í ljósi þeirrar stigmögnunar hryllings; sem Gyðingarnir (Zíonistar) í

Mið- Austurlöndum bjóða Palestínumönnum - Líbönum og Sýrlendingum

upp á hvern einasta dag, vil jeg skora á ykkur - sem fyrir þessum flokkum

farið, að þið beitið ykkur fyrir því að Ísland slíti ÖLLUM tengzlum við glæpa- 

ríkið Ísrael, nú þegar.

 

Þið; mynduð brjóta blað í Íslandssögunni með því, og skera ykkur úr

þeim hópi Alþingismanna - sem sívaxandi hluti landsamanna hefur

ímuguzt á, í ljósi stjórnleysins, sem hjerlendis ríkir, á flestum sviðum.

 

 

Mbkv. /

 

Óskar Helgi Helgason

Efra- Ölfusi (Hveragerði)

 

Sölumaður sjerhæfðra verkfæra; fyrir Málmiðnað, til sjávar og sveita.&#39;&#39;

Læt nú staðar numið; um hríð.

Mbkv. /

 

[Sigurjón Vilhjálmsson (IP-tala skráð) 28.8.2024 kl. 22:40]

Hvernig í ósköpunum dettur þér í hug að halda því fram að innflutningur fólks kosti venjulega Íslendinga lífsviðurværið?! Atvinnuleysi er í dag 2,6%. Þetta er u.þ.b. það lægsta á byggðu bóli í heiminum. Það taka varla margir mark á svona málflutningi.

[Geir Ágústsson, 29.8.2024 kl. 07:12]

Sigurjón,

Ég er hissa á því að atvinnuleysið sé ekki neikvætt, þ.e. fólk er að vinna alltof langa vinnudaga, jafnvel mörg störf, til að hafa efni á lífinu eftir að skattarnir og verðbólgan hafa tekið sinn skerf.

[Indriði Þröstur Gunnlaugsson, 29.8.2024 kl. 13:55]

Ég er alveg sammála því sem kemur fram í greininni að áframhaldandi vinstri stjórn mun ekki leiða til þeirra breytinga sem Ísland þarf á að halda. Núverandi stjórn hefur ekki tekist að bregðast við þeim brýnu verkefnum sem bíða okkar á komandi árum, og það er tími til kominn að skoða aðra möguleika.

Við þurfum stjórnmálaflokka, hvort sem þeir eru núverandi eða nýir, sem eru tilbúnir að taka afdráttarlausar ákvarðanir og skila raunverulegum árangri. Það er kominn tími til að hætta við það sama gamla sem ekki hefur bætt lífsgæði almennings og í staðinn leita að lausnum sem tryggja framtíðaröryggi og velferð.

Við getum litið til nýja forsetans í Argentínu, Javier Milei, sem hefur þegar hafið róttækar aðgerðir til að snúa við slæmri þróun þar í landi. Argentína hefur lengi glímt við efnahagsleg vandamál, svo sem háa verðbólgu, skuldasöfnun og stjórnleysi. En með nýrri forystu Milei hefur landið byrjað að taka stór skref í átt að betri framtíð. Hann hefur sett fram skýra stefnu um að draga úr ríkisútgjöldum, einfalda skattkerfið og stuðla að sjálfbærri nýtingu auðlinda. Þetta hefur þegar haft jákvæð áhrif á efnahagslíf Argentínu, þar sem traust til hagkerfisins eykst og stöðugleiki er að nást.

Þetta dæmi sýnir að með réttri forystu og hugrekki til að framkvæma nauðsynlegar breytingar er hægt að snúa þróuninni við, jafnvel þegar aðstæður virðast óyfirstíganlegar. 

Við getum lært af því sem er að gerast í Argentínu og beitt sama hugrekki og staðfestu til að bæta lífsgæði okkar og tryggja að Ísland sé tilbúið fyrir framtíðina. Það er tími til að kjósendur taki afstöðu til þess hvaða framtíð þeir vilja fyrir Ísland og styðji þá flokka sem eru tilbúnir að skila raunverulegum árangri.