Spunastólar

Ég brosti nánast frá eyra til eyra þegar ég las eftirfarandi texta:

Nýir stól­ar fyr­ir þing­menn og ráðherra verða tekn­ir í notk­un í þingsal Alþing­is þegar þing­setn­ing fer fram í haust. ...

Nýju stól­arn­ir eru hannaðir af Erlu Sól­veigu Óskars­dótt­ur og nefn­ist hönn­un­in Spuni.

Áður en lengra er haldið er gott að skoða nákvæmlega hvað orðabókin segir um þetta nafn hönnunarinnar:

1

það að spinna band

Dæmi: fólkið fékkst við spuna á kvöldvökunni

 

2

frjáls sjálfsprottin tjáning í leiklist, tónlist eða dansi

Hér er á ferð eitthvað af eftirfarandi:

• Ísköld kímnigáfa hönnuðar sem lítur á þingstörf sömu augum og hverja aðra sviðslist án handrits
• Ísköld kímnigáfa hönnuðar sem lítur á lagaframleiðsluna sömu augum og langt band sem safnast upp á kefli
• Ísköld kímnigáfa hönnuðar sem lítur á ræðuhöld þingsins sömu augum og samhengislaust tal einhvers upp á sviði, endalaus og sjálfsprottin tjáning frekar en eitthvað merkilegra

Nema nafnið sé bara dregið upp úr potti af handahófi. Það er líka möguleg skýring.

Hvað sem því líður er núna að opnast á stóra flóðgátt brandara um þingstörf og greyið þingmennnirnir þurfa einfaldlega að sætta sig við það.

Lagasetning: Að setjast í spunastól.

Þingstörf: Að koma sér í spuna.

Þingræður: Að stíga upp í spuna.

Atkvæðagreiðsla á þingi: Að velja já eða nei úr spuna.

Megi spuninn hefjast!

Nýir stólar framleiddir fyrir sal Alþingis

Athugasemdir

[Guðmundur Ásgeirsson, 7.8.2024 kl. 22:23]

Spunameistarar hljóta að gleðjast yfir þessu.

[Sigurður I B Guðmundsson, 7.8.2024 kl. 23:24]

Alþingismennirnir voru líklega allir komnir með pólitíkst rasssæri og vonadi fá þeir eitthvað mjúkt til að sitja á núna því ekki gerðu þeir neitt gangn á gömlu setunum en líklega þarf meira til þess!!!

[Guðmundur Ásgeirsson, 8.8.2024 kl. 00:46]

Reyndar þykist ég vita að gömlu stólarnir voru alls ekki þægilegir.

[Helga Kristjánsdóttir, 8.8.2024 kl. 01:20]

Já Geir t.d. Ennþá brennur mér í muna,
 meir en nokkurn skyldi gruna