Frelsishetjan og gullverðlaunin

Í gær vann serbíski tennisleikarinn Novak Djokovic gullverðlaun á Ólympíuleikunum. Þetta þótti það fréttnæmt að um það var fjallað í aðalfréttatímum dagsins, frekar en bara í íþróttahluta fréttatímanna. Djokovic er 37 ára gamall í dag og búinn að vinna allt núna. Öll mót og flest oftar en einu sinni. Goðsög í heimi íþrótta. Sá besti í heimi - geitin. 

En líka meira en það.

Á veirutímum lenti Djokovic í margvíslegu mótlæti. Honum var bannað að keppa í íþrótt sinni. Hann var stoppaður á landamærum og snúið við.

Af hverju?

Jú, af því hann hafnaði ákveðinni lyfjagjöf. Hann lét ekki sprauta sig. 

Aðspurður hvort slík þvermóðska væri mikilvægari en að vinna marga titla svaraði hann: Já, líkaminn er mitt musteri. Enginn fær að troða sér þangað inn, jafnvel þótt umheimurinn telji þar með að hann eigi ekki að fá að ferðast um og slá tennisbolta.

Ekki vantaði skítkastið á hann, og uppnefnin auðvitað.

Sjálfur vonaði hann að sprautan yrði ekki gerð að skilyrði fyrir þátttöku í tennismótum, og um tíma leit ekki þannig út, en auðvitað tókst lyfjafyrirtækjunum að selja glundrið sem nothæfa forvörn og yfirvöld tæmdu sjóði sína til að kaupa það.

Núna látum við eins og allt sé gleymt og grafið. Besti tennisleikmaður sögunnar fékk ekki að keppa á mótum af því fólk í taugaveiklun hélt að einhver sprauta væri nothæf til að sigrast á veiru. Öll metin hans hefðu orðið enn stærri ef ekki væri fyrir móðursýkina sem greip flesta. 

Þetta hafa engir fréttamenn nefnt þegar þeir segja frá Ólympíuverðlaunum Djokovic.

Frægð mannsins er mögulega stærst á tennisvellinum. En frægt er þegar yfirvöld víða, með stuðningi almennings, settu þessum magnaða íþróttamanni stólinn fyrir dyrnar af því hann lét ekki sprauta sig.

Þetta sýnir kannski að við skömmumst okkar í dag, nú þegar við vitum að sprauturnar, grímurnar og lokanirnar voru lækning verri en sjúkdómurinn. Kannski er það þess vegna að enginn ræðir tímabilið þegar sá besti í heimi fékk ekki að keppa á íþróttamótum.

Ég vona að það sé ástæðan. Gleymska er það ekki.

Athugasemdir

[Ragnhildur Kolka, 6.8.2024 kl. 09:52]

Frábær íþróttamaður og fyrirmynd. Allir sem nú eru úr leik eða dauðir vegna sprautanna hefðu betur mátt hafa snefil af kjark hans og þrautseigju.

[Geir Ágústsson, 7.8.2024 kl. 21:17]

Ragnhildur,

Snefill hefði sennilega dugað mörgum til að forðast sprauturnar og jafnvel aðrar "aðgerðir".