Þegja eins og all­ir gera

„Og í raun­inni skrýtið að þurfa að standa í því að vera að svara fyr­ir eitt­hvað sem er í raun ekk­ert nema sann­leik­ur­inn sem all­ir þekkja. En fyr­ir þæg­inda sak­ir væri kannski betra að þegja eins og all­ir gera.“

Þetta segir vararíkissaksóknari í viðtali í kjölfar þess að hann tjáði sig á skýran og auðskiljanlegan hátt og móðgaði lítil en hávær og vel tengd samtök.

Það er rétt sem hann segir að sennilega væri betra, eða a.m.k. auðveldara, að bara þegja. Þegja eins og allir gera. 

Þegja á veirutímum þegar yfirvöld eru að stúta skóla- og félagsstarfi barna og setja fyrirtæki í þrot.

Þegja þegar yfirvöld moka vopnum í fjarlæg stríðsátök og mála skotskífu á landið.

Þegja þegar skattarnir hækka.

Þegja þegar innfluttir glæpamenn stinga, ræna og ógna.

Þegja þegar velferðarkerfið hættir að þjóna skattgreiðendum sem borga fyrir það og fer í staðinn að þjóna innfluttu fólki sem borgar ekki í það.

Þegja þegar plaströrin breytast í ónýt papparör og plastpokarnir breytast í ónýta maíspoka.

Þegja þegar ruslatunnunum fjölgar og sorphirðureikningurinn hækkar.

Þegja og þegja.

Þegja eins og allir gera, og yfirvöld og hávær samtök vita það.

Þess vegna er auðvelt að fjarlægja það sem er gott, setja í staðinn eitthvað slæmt, og senda almenningi reikninginn.

Almenningi, sem þegir.

Helgi: Áminningin „núll og nix“

Athugasemdir

[Ásgrímur Hartmannsson, 30.7.2024 kl. 20:36]

Háværi og ofbeldisfuilli minnihlutinn sigrar þegar þögli meirihlutinn þegir bara og gerir ekkert.

Það er planið.

Fólk lætur bara taka sig í þurrt rassgatið með vegkantstaur, vegna þess að þeim finnst það svo þægilegt.

[Sigurður Kristján Hjaltested, 31.7.2024 kl. 09:46]

Svo satt og rétt Geir.

Ég hins vegar beið eftir því að einhver af góða

fólkinu myndi kommenta hér með því að segja

"Æ þegiðu"...

[Ragnhildur Kolka, 31.7.2024 kl. 15:41]

Góður listi til að hafa við hendina næsta vor fyrir kosningar.

[Helga Kristjánsdóttir, 31.7.2024 kl. 15:44]

Sigurður Kristinn ,það tók sig upp gamalt bros, svona eins og þessi var góður.  Vonandi losnar um kjaftakvörn þingmanna og ætti virkilega að gerast þegar fundir hefjast. Sigmundur hefur látið í sér heyra (vonandi á fyrstu braut þegar klukkurnar gjalla).