Heilbrigði er að vera háður lyfjum

Við lærðum það á veirutímum að til að geta talist heilbrigður er nauðsynlegt að láta sprauta efnum inn í líkama sinn til að tækla veiru sem er fyrir flesta engu verri en hin árlega flensa eða jafnvel kvefpest. 

Við lærum að mörg börn þurfi að fá lyf til að geta talist heilbrigð og lifað af staðnað umhverfi skólastofunnar. Þau geta mögulega verið heilbrigð án lyfja á sumrin, þegar þau fá að vera úti að læra á lífið á eigin forsendum, en verða svo veik á haustin og þurfa lyf.

Við lærum að það er ekki hægt að breyta mataræði, umhverfi og venjum til að komast hjá lyfjagjöf. Heilbrigði fæst bara í pilluglasinu. Nema um sé að ræða fæðubótarefni, þau eru gagnslaus, sérstaklega í heimsfaraldri.

Þarf ekki aðeins að spyrna við fótum hérna? Eða eru allir bara hamingjusamir að vera í áskrift hjá fyrirtækjum sem vilja gera okkur veik svo þau geti læknað okkur?

Missti sköpunargleðina á geðlyfjunum

Athugasemdir

[Ómar Geirsson, 13.7.2024 kl. 14:41]

Blessaður Geir.

Það þarf að spyrna við fótum.

Orð í tíma töluð.

Kveðja að austan.

PS. Biden er ekki með Parkinson.

[Kristinn Bjarnason, 14.7.2024 kl. 10:35]

Þrátt fyrir að flestir viti nú orðið að yfirvöld nýttu sér gamla frægð bóluefna til að eitra fyrir fólki þá gerist ekki neitt, bara eins og ekkert sérstakt hafi gerst. Það er augljóst að það eru lyfjatrúarbrögð í gangi hjá þjóðinni sem ekki er auðvelt að breyta frekar en öðrum trúarbröðum.

Eru Íslendingar ekki orðin veikasta þjóð í heimi ef tekið er mið af lyfjaáti. Heilbrigðiskerfið virkar ekki. Það virðist vera borin von að þjóðin vakni.

[Geir Ágústsson, 14.7.2024 kl. 11:47]

Ómar,

Hvað er Biden þá með? Bara gamaldags elliglöp? Mögulega ýkt vegna sprautuskaða?

Er forsetinn bóluefnaskaðaður? - Frettin.is

Kristinn,

Neysla á lyfjum og aukin veikindi virðist haldast ágætlega í hendur, frekar en að hið fyrra dragi úr því síðara. Pilla til sofa, pilla til að vakna. Pilla til að grennast, pilla til að fá næringu. Pilla gegn háþrýstingi, pilla til að styrkja hjartað. 

Ég vona að mér takist sem lengst að vera algjörlega án lyfja. Hef í mesta lagi tekið hálfa ofnæmistöflu í útilegum. Treysti þeim mun meira á lýsið.

[Ómar Geirsson, 14.7.2024 kl. 13:20]

Blessaður Geir.

Hann bregst ekki húmorinn á Fréttinni en Elli kelling er ekki sjúkdómur sem slíkur, og vitglöp er oft leiðinda fylginautur hennar.

Það sem ég velti hins vegar fyrir mér er hvort kallinn sé yfir höfuð lifandi, það er að segja hvort skýringanna sé að leita til læknavísindanna að hann sé ennþá meðal vor.  Burt séð frá öllu sem veltur út úr honum þá er ekkert eðlilegt hvað kallinn er stjarfur að sjá, eins og vélmenni sem stungið er í samband.

Svo þykjast menn vera voðalega hissa yfir einhverju sem hefur blasað við í 4 ár, karlinn hefur enga færni til að gegna embætti sínu svo spurningin er; hverjir eru skuggastjórnendurnir.

Kannski veit Fréttin það?? 

En gangi þér vel með lýsið.

Kveðja að austan.

[Kristinn Bjarnason, 14.7.2024 kl. 13:31]

Geir, lýsið hefur reynst vel, það mættu fleiri hugsa svona því ég er sannfærður um að það eru nánast alltaf til náttúrulegar aðferðir við öllum veikindum. Ég fer ekki til læknis nema í ýtrustu neyð enda er ég lyfjalaus og hef alltaf verið með einstökum undantekningum og er 67 ára gamall. Það tekur oftast lengri tíma að laga hlutina eftir rangt mataræði eða hreyfingarleysi heldur en að fá lyf. En munurinn er varanlegur. Fólk þarf að taka meiri ábyrgð á sjálfum sér.