Kannski er það líknameðferð

Eins og blaðamaðurinn Alex Berenson greindi fyrstur frá (ekki New York Times, sem stal einfaldlega fréttinni án þess að vísa í heimildir) þá hefur læknir sem sérhæfir sig í Parkinsons-sjúkdómum heimsótt Hvíta húsið nokkrum sinnum seinustu misseri. Það kemur ekki á óvart. Lygar talsmanna Hvíta hússins breyta þar engu. Nema Hvíta húsið sé ekki að ljúga. Þá er Biden í líknameðferð. Það þarf að losna við hann að mati þeirra sem óska Demókrataflokknum velgengni. 

En það eru ekki lygar Hvíta hússins í nákvæmlega þessu máli sem eru áhugaverðar, heldur að Hvíta húsið haldi áfram að halda úti lygi sem allir sjá svo augljóslega í gegnum. Þetta er mögulega nýtt. Á veirutímum var a.m.k. reynt að gefa lygunum einhvern trúverðugleika - einhverjir rykfallnir prófessorar og menn í læknasloppum dregnir fram til að segja ákveðna hluti. Núna er eins og yfirvöldum sé skítsama um slíkan trúverðugleika - að það sé ennþá nóg að segja eitthvað úr ræðupúlti Hvíta hússins til að allir trúi. 

Það eru sem betur fer breyttir tímar. Traustið er á undanhaldi. Þetta hefur margar afleiðingar. Við hættum að trúa á hlýnun Jarðar af mannavöldum. Við hættum að trúa á ágæti þess að flokka í fimm ruslafötur. Við viljum áfram að landbúnaður sé stundaður. Við látum ekki bjóða okkur pöddur í matinn. Við hættum að styðja við þau stríð sem falla að utanríkisstefnu Bandaríkjanna. 

Þetta tekur tíma en dropinn holar steininn, og holan fer ört stækkandi.

Snörp orðaskipti: Biden ekki í parkinsonsmeðferð

Athugasemdir

[Vagn (IP-tala skráð) 9.7.2024 kl. 18:57]

Misserin eru víst orðin nokkuð mörg. En þessji læknir, ásamt fleirum, hóf vinnu sína í Hvíta Húsinu í stjórnartíð Obama. Og hefur því sennilega hitt Trump oftar en Biden.

[Geir Ágústsson, 9.7.2024 kl. 19:11]

Já, vissulega, og fréttin kannski helst sú að New York Times er að gera að sínum fréttir annarra án þess að geta heimilda.

Þessi læknir virðist líka vera hluti af afneituninni frekar en lækningunni eftir að hafa nýlega gefið Biden grænt ljós. 

[Pétur Örn Björnsson (IP-tala skráð) 9.7.2024 kl. 21:52]

Vel mælt, Geir.

[Ómar Geirsson, 11.7.2024 kl. 16:38]

Blessaður Geir.

Þetta er svo augljós villufrétt úr ranni blekkingarsmiða sem kenna sig við almannatengla. 

Læknir sem hefur ekkert með að gera með núverandi ástand Bidens, er boðaður í Hvíta húsið, hefur líklegast fengið samloku og kók, svo fer að stað dularfullt ferli, þar sem hápunkturinn er að blekkingarsmiður Hvíta hússins kannast ekkert við manninn, enda hefur hún líklegast aldrei sörverað samloku og kók handa tilfallandi gestum.

Og þú gleypir þetta hrátt Geir, og fabúlerar út frá Ekki frétt.

Lifandi fólk fær Parkinson, þar með er útilokað að Biden sé með þann sjúkdóm.

En máttur öldrunarlækna er hins vegar mikill, í dag slá þeir út doktor Frankenstein.  Biden er lifandi dæmi þar um.

Glöggir sjá samt mótsögnina í fullyrðingunni hér að ofan.

Sem betur fer fyrir brúðustjórnendur Bidens eru Glöggir ekki mjög á ferðinni þessa dagana.  Sbr. að það þurfti afhjúpun á takmörkunum nútíma öldrunarvísinda til að menn vestra færu að tala um meint hæfni Bidens, ofboðslega mega menn vera heimskir ef þeir þurftu afhjúpun kappæða til að sjá að Biden er ekki lengur meðal vor.

Hins vegar er óskiljanlegt að sú heimska skuli vera lapin upp í fréttum borgaralegra fjölmiðla, hvar hefur þetta fólk verið síðustu 6 ár eða svo??

Bara spyr.

Kveðja að austan.