Þriðjudagur, 28. maí 2024
Orkusetur og orkuvetur
Orkusetur Orkustofnunar boðar orkuvetur og lausnir sem líta ekki einu sinni vel út á blaði. Þetta setur ætti að setja ofan í skúffu og hætta að fjármagna það. Þaðan kemur ekkert nothæft, jafnvel ekki að mati manns sem hefur gaman af allskyns talnaupplýsingum og -yfirlitum. Á yfirborðinu er þetta einhvers konar fræðslustofnun en eins og kemur fram í máli talsmanna hennar er í raun um að ræða róttæk samtök sem berjast opinskátt og á bak við tjöldin gegn orkuframleiðslu.
Allt sem hér hefur verið ritað um Orkusetur á einnig við um Landvernd. Þar kalla menn sig málsvara náttúrunnar en eru í raun að einblína á að stöðva eins og unnt er allar áætlanir um að afla orku fyrir fólk.
Það er ekki skrýtið að nú þegar sé skollinn á orkuskortur á Íslandi. Rafmagnsreikningarnir klifra upp, arðgreiðslur orkufyrirtækjanna vaxa og eru sognar ofan í opinberar hirslur, fyrirtæki missa af tugum milljarða í gjaldeyristekjum, fiskvinnslan hefur þurft að skipta frá notkun rafmagns yfir í notkun á olíu og flöskuhálsar í dreifikerfinu (sem má heldur ekki efla) leiða til ómældrar sóunar á orku.
Hvaða mannfjandsamlegu öfl eru að stuðla að þessu ástandi?
Eru íslenskar strengjabrúður að taka við áróðri, og fé, frá einhverjum útlendingum? Eða er þetta heimatilbúin uppfinning?
En á meðan Íslendingar fá ekki að afla sér sjálfbærrar og vistvænnar orku er talið hið besta mál að stuðla að innflutningi og kaupum á rafmagnsbílum sem hafa svo slæmt vistspor að menn neita að ræða það, frá opnum námum mönnuð börnum í þrælavinnu til heilu stöðuvatnanna fullum af eiturefnum.
Skiptir kannski ekki máli ef sóðaskapurinn er skilinn eftir í Asíu og Afríku. Það sem sést ekki er ekki til.
Því miður hafa Íslendingar komið sér uppi sérstöku ráðuneyti til að hvetja vitleysuna áfram. Heilu ráðstefnurnar eru haldnar. Fjöldi manns vinnur á kostnað annarra við að skerða lífskjör almennings.
Sem betur fer segir almenningur nei, í verki. Hann hikar við að kaupa rafmagnsbílana sem seljast ekki nema á hrakvirði að nokkrum árum liðnum, gefið að þeir hafi ekki kveikt í sér, kyrrstæðir í bílastæðum sínum.
Efnameira fólk sem hefur efni á dýrum leikföngum er að gera nákvæmlega það: Kaupa sér dýr leikföng. Ekki til að bjarga loftslaginu. Ekki til að minnka álagið á vatnsaflsvirkjanirnar. Ekki til að auka öryggi sitt. Nei, til að leika sér í dýrum leikföngum.
Það sem vantar er að yfirvöld hætti að fjármagna áróðurinn og að almenningur skelli endanlega, frekar en að hluta til, skollaeyrum við þessari vegferð.
Þá er von, en varla fyrr.
![]() |
Tökum erfiðar ákvarðanir þó að einhverjir verði brjálaðir |
Tilkynna um óviðeigandi tengingu við frétt |
Flokkur: Stjórnmál og samfélag | Breytt s.d. kl. 18:25 | Facebook
Athugasemdir
Við erum bara ekki að díla við venjulegt fólk, heldur útsendara hreinnar illsku: kommúnista.
Þeim er alveg sama þó peningarnir klárist, aðal-atriðið er að valda þjáningum og dauða. Með öllum ráðum.
Ásgrímur Hartmannsson, 28.5.2024 kl. 19:11
Ásgrímur,
Það er a.m.k. enginn munur í framkvæmd á fólki sem þannig hugsar og því sem hefur hæst á Íslandi og kastar sér í vegi fyrir öllum góðum verkum.
Geir Ágústsson, 28.5.2024 kl. 19:41
Þessar fullyrðingar hjá Orkusetrinu
minna mann á netsvindl
Ef það væri í raun svona ofboðslega hagkvæmt fyrir alla að vera á rafmagnsbíl
þá væru engir aðrir bílar fluttir inn
Grímur Kjartansson, 28.5.2024 kl. 20:28
Blessaður Geir.
Ég ætlaði aðeins að kíkja við til að vera jákvæður, er í þeim hamnum fram að kosningum, eða þannig, og vildi ítreka þess spurningu þín; "Eru íslenskar strengjabrúður að taka við áróðri, og fé, frá einhverjum útlendingum? Eða er þetta heimatilbúin uppfinning? ".
Því mér finnst bæði svörin koma til greina.
Svo datt mér í hug að lesa fréttina sem þú tengdir pistil þinn við, og þá blasir svarið við.
Það er ekki hægt að kaupa eða fjárfesta í svona vitleysu, hún er algjörlega heimatilbúin.
Sú sem mælir er kona, og því ljóst að varlega þarf að stíga til jarðar, því eins og þú veist mætavel Geir, þá eru konur ekki heimskar, þær hafa aldrei rangt við og eru hafnar yfir leikreglur réttarríkisins sbr. að ásökun konu er sama og sönnuð sekt.
Hefði hins vegar einhver karlpungur verið að mæla þessi orð, svona algjörlega veruleikafirrtur á íslenskar aðstæður, þá hefði maður bara einfaldlega sagt.
Óttalega er maðurinn heimskur eða kannski spurt, þekkið þið dæmi um meiri heimsku á þessari öld, sem gæti vissulega vakið upp spurningar, því margt heimskulegt hefur tröllriðið umræðu rétttrúnaðarins, en ekki hvarflað að nokkrum manni að slík heimska hefði fengið opinbert embætti á síðustu öld, jafnvel undir lok hennar var lífsbarátta fátækrar þjóðar sem hóf sig uppúr engu í gnótt, ekki gleymd.
Já, ég held að þetta sé heimatilbúið.
Kveðja að austan.
Ómar Geirsson, 28.5.2024 kl. 20:40
Nú veit ég ekki hversu mikið sendibílum er ekið daglega alla jafna en mig grunar að sendibílaeigendur viti það.
Einfalt dæmi Orkuseturs á að sýna að rafbíllinn borgi sig á 3 árum.
Eflaust vantar inn í jöfnuna kostnaðinn sem hlýst af því að bíða með sendingar á meðan bíllinn hleður sig.
Skegglaus (IP-tala skráð) 28.5.2024 kl. 23:45
Ég held að ofurríkir vinstri menn stýri meira og minna öllum vesturlöndum. Þeir eru búnir að koma sínu fólki fyrir í flestum valdastöðum í hverju landi fyrir sig. Lítið dæmi: Skoðanakannanir stýra forsetakosningabaráttu á Íslandi þannig að valið hjá heilaþvegnum almenningi stendur einungis á milli 3ja Davos kvenna. Það er ekkert eðlilegt við það hvað íslenskt yfirvald berst hart gegn Íslenskum almenningi.
En hvað veit ég, ég er samsæriskenningamaður?
Kristinn Bjarnason, 29.5.2024 kl. 09:21
Feitt like. Bæði Orkusetur og Landvernd eru til óþurftar.
Höfundur ókunnur, 29.5.2024 kl. 22:51
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.