Þú ekki gott íslenska tala, kvárið þitt

Það er verið að reyna breyta tungumálinu okkar, meðal annars. Ég er ekki að tala um litlar breytingar eins og að segja sími í staðinn fyrir telefón, eða tölva í staðinn fyrir kompjúter. Hugmyndir að orðum sem draga aðeins úr vægi tökuorða eru í sífellu í framleiðslu og sumar njóta velgengni og aðrar ekki.

Nei, núna er verið að breyta því alveg í grunninn og niðurstaðan er sú að þú ekki gott íslenska tala. Ekki frekar en markaðsfólkið hjá Ölgerðinni, sem nýlega hlaut hinseginvottun Samtakanna 78, og valdi í kjölfarið að breyta slagorði þannig að þriggja ára krakki, sem er ennþá að ná tökum á íslenskunni, gæti hafa samið það:

Það sér hver drekka Kristal

Sennilega færri í framhaldinu en áður, en látum það liggja á milli hluta.

Ölgerðin er búin að vera lengi á þeirri vegferð að afmá kynin eins og lesa má í ársskýrslu Samtakanna 78 fyrir árin 2022-2023 (þar sem Festi, Advania, Rio Tinto Alcan og Te & Kaffi eru einnig á lista). Ekki veit ég hvernig klósettaðstaðan þar á bæ lítur út, eða hvort boðið sé upp á sturtuaðstöðu fyrir starfsmenn, og hvað þá hvað sé verið að gera við þessi rými núna - kannski verið að svipta konum einkarýmum sínum eins og algengt er eða hvernig það er. En vegferðin er hafin og hún er ekki lítill biti að kyngja. Þetta er hugmyndafræði sem boðar geldingar á börnum, aðför gegn samkynhneigð, eyðileggingu tungumálsins, umburðarlyndi fyrir kynferðislegum losta til barna og skautun í samfélaginu: Við eða þið, og ekkert þar á milli.

Mörg stór og öflug fyrirtæki hafa fallið fyrir þessum málstað og það er til slagorð fyrir afkomu þeirra í kjölfarið:

Go woke, go broke

Vonandi er Ölgerðin ekki á þeirri vegferð, enda hef ég taugar til fyrirtækisins. Til vara vona ég að einhver samkeppnisaðilinn nái að endurskapa uppskriftina að Egils Appelsín og Bola (Kristallinn er sá sami hjá öllum sem setja kolsýru og bragðefni í vatn). Þá ætti skaðinn af brotthvarfi fyrirtækisins að verða nálægt núlli fyrir okkur hin.

Athugasemdir

[Helga Dögg Sverrisdóttir (IP-tala skráð) 19.1.2024 kl. 21:30]

Merkilegt að bæði trans-Samtökin 78 og Ölgerðin skuli ekki kunna íslensku. Tungumálinu er nauðgað af báðum aðilum. Börn tala ekki einu sinni svona vitlaust mál eins og trans-aðgerðasinnar og Samtökin 78 vilja að Íslendingar tala.

Verra er að meðvirkni fyrirtækja er alger. Nú ættu Kennarasamtökin að álykta, bannað að nauðga íslenskri tungu og við tökum ekki þátt í því.

[Þorsteinn Siglaugsson, 20.1.2024 kl. 10:59]

Þegar ég sá fyrirsögnina fyrst datt mér í hug að kannski væri verið að gera nýtt slagorð til að losna við fitufordómana í því gamla, sem hafa alltaf pirrað mig pínulítið. En nei, þess í stað er gerð aðför að tungumálinu, í nafni dyggðaskreytingar.

Þetta fyrirtæki hét einu sinni Ölgerðin Egill Skallagrímsson og heitir held ég enn, þótt nafni Egils sé lítið flíkað, enda fellur það kannski ekki að dyggðaflöggunarstefnunni.

Þannig orti Egill í Sonatorreki:

Mik hefr marr
miklu ræntan;
grimmt er fall
frænda at telja,
síðan er minn
á munvega
ættarskjöldr aflífi hvarf.

Ég hvet nú forstjóra og markaðsstjóra Ölgerðarinnar til að setjast niður og þýða Sonatorrek yfir á þá bjöguðu dyggðaskreytingaríslensku sem þeim er töm, og boða svo til opins fundar til að úða leirnum yfir landsmenn.

[Geir Ágústsson, 20.1.2024 kl. 13:08]

Þorsteinn,

Góður punktur að nafni Egils er lítið flaggað nema kannski á merkimiðum appelsínsins - ekki ber að rugla saman Egils Appelsín og einhverju öðru. En í yfirstjórn fyrirtækisins og í mannauðsdeildinni eru menn búnir að tapa sér. Kannski var það ástæðan fyrir því að vörustjóri fyrirtækisns seldi töluvert af hlutabréfum þegar Kristallinn varð woke?

[Bjarni (IP-tala skráð) 20.1.2024 kl. 13:24]

Mér er fyrirmunað að skilja af hverju fyrirtæki eru að sækjast eftir vottun frá samtökunum 78.  Eru þeta eitthvað merkilegri samtök en Samhjálp, SÁÁ eða KFUM?