Bóluefnin skipta höfuðmáli

Í nýlegri frétt DV segir: 

„Það eru enn einhverjir sem hafa náð að sleppa alveg. Ef þeir eru óbólusettir eða ekki bólusettir nægjanlega vel geta þeir fengið alvarleg einkenni,“ segir Denis Nash, sérfræðingur í faraldursfræði við City University í New York.

Svona tal er sem sagt að snúa aftur. Hérna þarf að leita til bandarískra einstaklinga til að fá svona tilvitnanir. Ég held að afgangur heimsins sé kominn lengra. Sagan sýnir samt að því sé auðvelt að breyta.

Þessi svokölluðu bóluefni veittu enga vernd (í besta falli takmarkaða vernd til skamms tíma) og jafnvel öfuga vernd, og þaðan af verra. Frétt DV er annaðhvort eitthvað frávik eða fyrsti sprotinn af nýrri holskeflu þvælu um sprauturnar og virkni þeirra. Sjáum hvað setur.

Ég hef ákveðna samúð með hluthöfum sprautuframleiðenda. Þeirra viðskiptaáætlanir hafa farið í vaskinn. En þeir eiga ennþá háttsetta vini. Þeir hafa ekki gefist upp. Þeim hefur jafnvel tekist að selja fyrir marga milljarða varning sem endar svo í ruslinu. Það er skárra en að kirkjugarðar fyllist. En ég sé ástæðu til að vera aðeins á tánum.

Það er rétt í millifyrirsögn DV að nýstárleg, banvæn, óprófuð og gagnslaus mRNA bóluefnin skipti höfuðmáli: Það skiptir höfuðmáli að forðast þau.

Athugasemdir

[Sigurður Kristján Hjaltested, 12.1.2024 kl. 22:33]

Og þeir sem veikjast í dag, margbólusettir, verða margfallt

veikari en þeir sem sáu geðveikina í þessum bólusetningar áróðri.

En að sjálfsögðu er það bara algjör tilviljun.

[Haukur Árnason, 12.1.2024 kl. 23:49]

Jamm, rétt Geir, rétt að vera á tánum.

Vonandi nær þessi "Hópeflisvitfirring" ekki að magnast.

[Trausti (IP-tala skráð) 13.1.2024 kl. 05:22]

Ef þessi geðveiki fer aftur á stað í boði geðsjúklinga í WHO þá skulum við sérstaklega taka eftir þeim sem eru á Íslandi sem taka undir þennan áróður. Fyrir mér er mun þetta lið vera samansafn af landráðsfólki sem er greinilega að vinna fyrir erlend hagsmunaöfl í staðin fyrir Íslensku þjóðina. Því ber að túlka þeirra hagsmuni og ákvarðanir sem óvinveitt! Nú þegar hefur Landspítalinn tekið upp grímuskyldu sem engar rannsóknir hafa sýnt að sé að einhverju leiti sé til hagsbóta. Allt sem hefur verið gert á heimsvísu var gert líka 1920 í Bandaríkjunnum þegar þarlend stjórnvöld lýstu yfir flensufaraldri og tóku upp grímuskyldu og kvöttu fólk til að fara í bólusetningu. Mæli með áhugarverðari  sögustund frá Arnari Sverrisyni hér á blogginu sjá https://arnarsverrisson.blog.is/blog/arnarsverrisson/#entry-2298344 þó svo hann sé ekki að tala um einhvern faraldur þá er þetta mjög áhugarvert sem hann skrifar.

[Geir Ágústsson, 13.1.2024 kl. 13:52]

Trausti,

Arnar (og raunar fleiri) er hérna að ræða andrúmsloft hjarðhegðunar, múgæsings einhvers konar fjöldadáleiðslu. Við vorum ekki fyrr að ranka við okkur eftir veirutíma þegar okkur var sagt nákvæmlega hver væri góði kallinn eða vondi í Úkraínu, og í dag hver er það fyrir botni Miðjarðarhafs. Okkur er sagt að taka flókið mál, stundum með margra áratuga aðdraganda, og skipta okkur í aðra fylkinguna frekar en hina (frekar en að berjast einfaldlega fyrir mannréttindum og frelsi).

Veirutímar áttu mögulega að verða stökkpallur fyrir alþjóðlegt, stafrænt alræði. Mögulega tókst samt að breyta þeim stökkpalli í bremsuklossa.