Athugasemd um Almannavarnir

Rakst á þessa litlu athugasemd í lengri færslu eftir mikinn meistara (lítillega lagfærð):

Almannavarnir loka allri auðveldri aðkomu að saklausu túristagosi og þvinga fólk í 20 km göngu bara til að sjá það. En þegar möguleg stórskaðagos verða undir byggð og raunveruleg hætta stafar að lífi fólks vegna goss, þá er bara gengið út frá því að allt reddist.

Magnað, ef rétt er. Kæmi raunar heldur ekkert á óvart. Það er eins og hin og þessi yfirvöld gleymi sér alltaf í aukaatriðum. Á veirutímum sáum við þetta óteljandi sinnum. Í dag eru þau ennþá að boða sprautur og hunsa umframdauðsföll. 

Annars má kannski sýna sérfræðingunum svolitla samúð í þetta skipti. Það ríkir alltaf mikil óvissa í aðdraganda eldgosa og kannski óþarfi að steypa hinu opinbera í enn meiri skuldir til að borga skaðabætur til ríkra einkafyrirtækja. En það er alveg sjálfsagt að vara gesti baðvatnsins í eldfjallasprungunni við ástandinu. 

Landris heldur áfram

Athugasemdir

[Guðmundur Ásgeirsson, 5.11.2023 kl. 21:42]

Setja skilti við lónið með áletruninni: Magma 4km ↓

[Vagn (IP-tala skráð) 6.11.2023 kl. 19:18]

Auðvitað átti að leyfa fólki að fara stystu leið, á móti kokteil gasgolu eitraðra lofttegunda, og þramma bratta lausamöls slóða sem ekki voru aðgengilegir nema með þyrlu ef einhver hefði runnið til og brotnað. Og Bláa Lónið á náttúrulega að rýma strax, það er ekkert víst að þær sex eða tólf klukkustundir, sem gætu orðið stysti aðdragandi, nægi til að koma fólki uppúr leðjunni, í sturtu, að þurrka sig klæða og skella í sig bjór á pöbb í miðbænum. Stjórnlaust panikk og fávísi eru jú einkenni álitsgjafa og bloggara og svo miklu skemmtilegri en yfirvegun, þekking og skynsemi sérfræðinganna.

[Guðmundur Ásgeirsson, 6.11.2023 kl. 19:27]

"Stjórnlaust panikk og fávísi eru jú einkenni álitsgjafa og bloggara..."

- Segir álitsgjafi og bloggari.

[Geir Ágústsson, 6.11.2023 kl. 21:37]

Guðmundur,

Kannski að bæta við skilti: Very hot experience!

Vagn,

Höskuldavellir (í samstarfi við landeigendur) og öflugar rútur og málið leyst. En mig minnir að yfirvöld hafi lokað einkavegi, sem er sérstakt. Rökin fyrir 8 klst fjallgöngunni eru engin.