Eru kennarar sameinaðir í að steikja hausinn á börnunum?

Um daginn tókst hópi félagsmanna í Bandalagi kennara á Norðausturlandi, BKNE, að losa sig við formann sinn. Í heiðarlegri frétt DV er réttilega komið auga á að ástæðan eru skrif og afstaða formannsins fráfarandi til heilaþvottar á börnum, í boði kennara. Ekkert um vanrækslu, nema síður sé:

„Helga Dögg gerði margt gott í sínu starfi fyrir BKNE en ...“

Lögfræðiálit gengu á milli en að lokum úrskurðað að allskyns lagatækni eins og fyrirvarar og fundarsköp skipti minni máli en að rétta manneskjan sé formaður á hverjum tíma. Og vissara að stytta kjörtímabilið úr tveimur árum í eitt til að tryggja að rétt manneskja sé formaður á hverjum tíma, að mati háværasta þrýstihópsins.

Hughreystandi væntanlega fyrir félagsstarfið í framtíðinni.

Foreldrar ættu líka að vera alsælir. Þeir sjá nú minnkandi varnir gegn því að kennarar geti hreinlega rústað tilfinningalífi barnanna í þeirra umsjón. Kennarar sem láta sér ekki duga að hunsa klámfræðslu ríkisvaldsins og byrja hreinlega að tjá sig opinberlega mega von á miklum vandræðum. Hlutverk kennara er jú ekki að kenna gagnrýna hugsun, að vega og meta, rannsaka og leita sannleikans. Nei, þeirra hlutverk er að mata, heilaþvo og hræða til hlýðni.

Engin lögfræðiálit eða aðrar lagatæknilegar flækjur geta stöðvað þessa flóðbylgju. Ef sonur þinn kemur heim úr skólanum á morgun og vill kalla sig Guðrúnu og fá hormóna til að handtaka kynþroska sinn þá skaltu gjöra svo vel og dansa í takt. Ef þú mætir unglingi þínum eða náfrænda af andstæðu kyni í sundklefa almenningslaugarinnar þá skaltu bara þegja og láta eins og ekkert sé. Eða flýja, með handklæðið í hraði vafið yfir kynfæri þín.

Ég er ekki að segja að við séum komin á háskabraut. Ég segi að skaðinn er nú þegar skeður og að verkefni framtíðarinnar verður að reyna lagfæra hann ef það er þá mögulegt úr þessu.

Þér er kannski alveg sama hvað eitthvað kennarasamband gerir til að þagga niður í kennurum, en vertu viss um að á þeim þunna ís drukkna fleiri en bara þú þegar hann brotnar.

Athugasemdir

[Snorri Óskarsson (IP-tala skráð) 30.10.2023 kl. 14:44]

Akureyrarbær þarf ekki lengur að áminna kennara. Kennararnir sjá um það sjálfir, svipta sjálfa sig málfrelsi og siðferðilegu áliti. Þeir bæta engum skaðann sem þeir valda og halda að skoðanalaus kennari með engin siðferðisviðmið sé mikilvægur starfskraftur til að leiðbeina dýrmætu barninu í frumskógi skólans.

Snorri í Betel

[Sigurður Kristján Hjaltested, 30.10.2023 kl. 18:45]

Birta nöfn á þeim kennurum sem styðja þetta trans-bull svo

foreldrar geti ákveðið hvort þeir vilja að viðkomandi kennari

sjái um að vera leiðbeinandi fyrir þeirra börn.

Hræddur um að ansi margir kennarar yrðu hissa á því þegar

bekkir þeirra yrðu meira og minna tómir vegna þessa rugls

sem þeir eru tilbúinir að styðja fram yfir vísindi og staðreyndir.

Wúdu á ekkkert heima í skólum. Þeir sem það vilja stunda gera

það annars staðar.

[Helga Dögg Sverrisdóttir, 30.10.2023 kl. 19:24]

Sigurður ég held að kennarar þori ekki að taka slaginn. Stjórnarkonur BKNE sem hafa unnið með mér í nokkur ár og vita að lög, reglur og kjarasamningar á að virða stungu mig í bakið. Við höfum aldrei rætt málaflokkinn nokkurs staðar. Þær hafa ekki einu sinni innt mig eftir skoðunum mínum og ég leyfi mér að efast að þær hafi lesið alla pistlana.

Það er svo auðvelt að hoppa á fordæmingarvagninn og fylgja hjarðhegðuninni. Eftir því sem ég heyri þá gerði formaður Félags grunnskólakennara það þegar hún slóst í hóp stjórnarkvenna og undirbjó þetta.