Hreinsað út af biðlistunum

Það er ekki auðvelt að halda úti velferðarkerfi. Sérstaklega ekki þegar þúsundum innflytjenda er mokað inn í það eins og á færibandi. Biðlistar myndast og lengjast. Sjúklingum er mokað út af spítölum við fyrsta tækifæri, án endurþjálfunar eða eftirfylgni. Aldrað fólk hleðst upp á göngum spítala því engin eru hjúkrunarheimilin. Þeir sem komast inn á hjúkrunarheimili stoppa stutt - rétt svo nógu lengi til að ganga frá erfðaskránni. Venjulegt launafólk, sem borgar svimandi skatta sem eiga að nafninu til að fela í sér sjúkratryggingu, þarf að reiða fram stórar fjárhæðir í liðskipti til að enda ekki hreinlega sem öryrkjar á vinnualdri. 

Hvað er til ráða?

Kannski að hreinsa vel út?

Í Kanada eru menn duglegir að því og bjóða nú sífellt fleiri hópum upp á að láta lækna ríkisins drepa sig. 

Í mörgum vestrænum ríkjum er ennþá verið að sprauta erfðaefni í fólk í nafni baráttunnar gegn kvefpest. Af þessu hlýst gríðarleg aukning dauðsfalla. Eitthvað hlýtur það að bæta stöðu biðlistanna.

Ekki kostar það ríkisvaldið mikið að láta heimilislaust fólk deyja í hjólhýsi. Götin í velferðarkerfinu eru orðin svo stór að þau grípa ekki nokkurn mann.

Baráttan er hafin fyrir því að taka af okkur kjötið. Hverfur þar með ein besta leiðin til að tryggja líkamanum nauðsynleg hráefni til að byggja upp og viðhalda vöðvum og öðrum líffærum. Hvort að í staðinn komi pöddurnar eða einhverjar efnablöndur úr tilraunastofu er erfitt að segja. Eftir áratugi af misheppnuðum ráðleggingum yfirvalda um heppilegt mataræði er eins og að sjálfstraust þeirra hafi frekar aukist en hitt.

Yfirvöld þurfa samt aðeins að passa sig þegar þau eru að hreinsa út. Þau gætu mögulega verið að hreinsa út úr hópi skattgreiðenda og minnka þar með tekjurnar líka. Niðurstaðan verður þá fækkun í hópi Íslendinga og fjölgun í hópi erlendra bótaþega, og sparnaðurinn þar með fokinn út um gluggann og jafnvel orðinn að reikningi.

Við vonum það besta.

Bólusetningar gegn Covid-19 hafnar

Athugasemdir

[Ragnhildur Kolka, 15.10.2023 kl. 12:28]

Góð grein sem ætti að vekja til umhugsunar.

[Geir Ágústsson, 15.10.2023 kl. 13:55]

Ég slæ auðvitað frekar myrkan kaldhæðnistón en það hentar vonandi tilefninu.

[Runar Valsson (IP-tala skráð) 15.10.2023 kl. 14:37]

Ég er sammála öllu því sem í grein þinni kemur fram.

[Bjarni (IP-tala skráð) 15.10.2023 kl. 17:46]

Á hverju ári er allur skattborgari á Íslandi, 16 ára og eldri, látnir borga "gjald í framkvædasjóð aldraðra". Á síðasta ári voru þetta rúmar kr. 13.000 á haus.  Það gerir alls tæpa 4 milljarða á ári.  Með slíka fjármuni til ráðstöfunar mætti ætla að hér væri engin skortur á hjúkrunarheimili fyrir ellibelgina, jafnvel offramboð ef eitthvað væri. En þó fjármagnið skorti ekki þá er ljóst að viljin er eekki til staðar,

[Geir Ágústsson, 15.10.2023 kl. 17:59]

Bjarni,

Eyrnamerkt skattheimta er brandari. Peningurinn rennur í hítina og þaðan í gæluverkefnin. Með sömu rökum mætti ætla að vegakerfið sé að eflast til muna og að viðhald sé í góðum málum vegna allra eldsneytis- og bílaskattanna, jafnvel þótt aukið slit og skortur á skatttekjum vegna rafmagnsbíla sé tekið með í reikninginn.

[Ásgrímur Hartmannsson, 15.10.2023 kl. 18:21]

Skattfé er hiklaust stolið eða bara sóað í vitleysu, sbr "þróunaraðstoð," "styrkur til/úkraníu/palestínu/whatever," og öll þessi ráðuneyti, sem fer bara fjölgandi á meðan nöfnin á þeim lengjast.

Planið er að leggja allt í rúst og drottna yfir rústunum.  Augljóslega.