Unga fólkið

Þegar ung manneskja deyr, lamast, fær hjartaáfall eða álíka þá er það stórfrétt í raun. Slíkt ætli að fá fullt af fólki til að velta við öllum steinum og komast að því hvað veldur. Stundum blasir ástæðan við en þá er það niðurstaðan. Stundum ekki, og þá þarf að fara í gegnum öll gögn og skoða athafnir, lyfjagjöf, lífsstíl, erfðir og fleira.

Þetta er augljóslega ekki raunin í dag og augljóslega er ástæðan sú að afhjúpa ekki stórkostlega skaðleg áhrif þess að sprauta þorra uppkominna einstaklinga með tilraunalyfjum í óðagoti.

Man einhver eftir ungu stelpunni sem lamaðist fyrir neðan mitti sumarið 2021 og skrifaði það á sprautur? Af henni er ekkert að frétta nema orðrómar um endurhæfingu.

Þessu unga fólki hefur verið sópað undir teppið. Það blasir eiginlega við. Lyfjafyrirtækin eru ekki hætt. Í Bandaríkjunum er ennþá verið að krefjast nánast ófáanlegra bólusetninga til að fá aðgang í skóla og á vinnustaði, jafnvel í fjarvinnu! Til vara má fá eitthvað nýtt glundur. Sem betur fer hefur lítið borið á þessum nýja heimsfaraldri (ekki faraldri í raun, heldur áróðri) í Evrópu en það gæti breyst hratt.

Mér er þannig séð alveg sama ef fullorðið fólk sprautar sig með einhverju. Verra er að unga fólkinu sé smalað í sprautur undir hótunum um að missa ferðafrelsið, áhugamál sín og lífsviðurværið ef það hoppar ekki á bátinn. Þegar það hrynur niður eins og flugur í kjölfarið er öllum alveg nákvæmlega skítsama. 

Sérstaklega þeir sem tala hæst um að vilja verja það. 

Athugasemdir

[Ingólfur Sigurðsson, 11.8.2023 kl. 23:42]

Ég þekki nokkur dæmi hvað varðar Covid-19 bólusetningar. Vinur minn segir að margir kórfélagar sínir hafi fengið blóðtappa og aðrar aukaverkanir eftir sprauturnar, hann meðal þeirra, en slík bylgja aukaverkana var ekki þekkt fyrir sprauturnar. Þar fyrir utan óútskýrðar jarðarfarir (dauðsföll) - skilgreindar sem eðlilegar. Síðan var það ungur maður 32 ára sem varð bráðkvaddur, en hafði verið fílhraustur, og það var hjartaáfall. Vandinn er sá að í báðum tilfellum vilja hvorki þeir sem lentu í þessu né neinir aðstandendur kannast við að sprautunum sé um að kenna og maður mætir kuldalegu viðmóti ef maður ýjar að því. Þöggunin er algjör, afneitunin er algjör. Maður er annars flokks rugludallur ef maður er haldinn slíkum ranghugmyndum.

Já, ég viðurkenni að þetta er allt mjög óljóst. En ég spyr mig, hversvegna gerðist þetta allt eftir sprauturnar, á síðastliðnum tveimur árum? Sumir af þessum mönnum fengu varla flensu eða kvef í áraraðir. Síðan er þessu bara afneitað.

Opinberar tölur segja sína sögu en hvernig fólk túlkar þær er allt annað mál. 

Tilviljun? Það veit það kannski enginn. Þetta er allt getgátur. 

Meirihlutinn vill ekki viðurkenna að fáeinir sérvitringar hafi rétt fyrir sér. Þannig er það bara. 

En ef satt er, þá er þetta hin fullkomna þjóðernishreinsun, ekkert hægt að sanna, eða hvað?

Eins og ég segi, getgátur, ekkert annað.

[Geir Ágústsson, 12.8.2023 kl. 07:39]

Ingólfur,

Þetta er sorglegt ástand. Lokið fer að hoppa af þessum suðupotti sem enginn virðist vilja ræða um.

[Ásgrímur Hartmannsson, 12.8.2023 kl. 16:22]

"Meirihlutinn vill ekki viðurkenna að fáeinir sérvitringar hafi rétt fyrir sér. Þannig er það bara."

Þarna hittir þú naglann á höfuðið.  En það er verra: fólk sér að það hefur gert mistök lífs síns, og gert þau með miklum látum og sannfæringarkrafti, svo það að viðurkenna þau núna er hreinlega niðurlægjandi. 

"En ef satt er, þá er þetta hin fullkomna þjóðernishreinsun, ekkert hægt að sanna, eða hvað?"

Allt sannanlegt, og það frá upphafi.

Af þeim sem ég þekki sem fengu sprautu, fengu lang-flestir (allir nema 2 eða 3) Kína vefið *á eftir.*

Eins og það hafi smitast af sprautunni.  (En það er ADE...)