Vanir leikarar

Þórólfur Guðnason fyrrverandi sóttvarnalæknir er kominn í varastjórn í framleiðslufyrirtæki fyrir afþreyingu. Það er við hæfi. Hann lék í langan tíma mann sem vissi hvað hann var að tala um og lét á engu bera þegar hann laug því upp í opið geðið á fólki að hann hafi kynnt sér rannsóknir og áhættu vegna lyfja. Rothöggið á svipaðan leikaraskap Kára Stefánssonar, sem má finna hér, nær líka til fyrrverandi sóttvarnalæknis. 

Leikarinn sem nú vermir stól sóttvarnalæknis er engu síðri leikari en að aðeins öðru leyti. Sú manneskja játar hiklaust að þekkja ekkert til nýjustu rannsókna en leikaraskapurinn felst svo í því að telja sig samt vera rétta manneskju í réttu embætti. Blaðamenn láta glepjast.

Þegar kemur að því að ákveða hver þessara leikara á skilið Eddu-verðlaunin vandast málið. Mikið af hinu leikna efni sem þessir leikarar hafa tekið þátt í virðist ekki vera aðgengilegt lengur. Hvar er leikna þáttaröðin um blaðamannafundina? Öll hjálp hérna vel þegin.

Sóttvarnalæknir í kvikmyndabransann?

Athugasemdir

[Vagn (IP-tala skráð) 9.8.2023 kl. 15:45]

Ææ, taka vísindamenn og læknar ekkert mark á læknisfræðiþekkingu grunnskólamenntaðra bloggvina þinna og lesa ekki skáldsögurnar sem þú kallar rannsóknir?

[Geir Ágústsson, 9.8.2023 kl. 16:26]

Vagn,

Þarna þekki ég þig!

Margir vísindamenn og margir læknar reyndu að vara við bólusetningarofstækinu og vildu í staðinn dreifa þekkingu sinni á vel heppnuðum leiðum til að fyrirbyggja veikindi, grípa þau snemma með öruggum lyfjum og koma í veg fyrir spítalainnlagnir. Mæli í því samhengi með bókinni The Courage to Fight Covid-19, eftir lækni og sérfræðing í hjartasjúkdómum. 

Eða meintir þú að sumir vísindamenn og sumir læknar hafi ekki tekið mark á öðrum vísindamönnum og öðrum læknum? Já, það er sennilega alveg rétt. Hjarðhegðunin sem þú ert svo hrifinn af sennilega ástæða þess að allar háværar viðvörunarbjöllur voru hunsaðar miðað við fyrri lyfjatilraunir. Hjörðin veit jú best!