Eru fjölmiðlar að vakna? Eða almenningur?

Í góðum pistli bendir lögmaðurinn Arnar Þór Jónsson okkur á vísbendingar þess efnis að fjölmiðlar, a.m.k. breskir fjölmiðlar, séu að vakna úr rotinu eftir 3 ár af samfelldum lyga- og áróðursherferðum í nafni veiruvarna. Mögulegt er að íslenskir fjölmiðlar séu líka að vakna, og má í því samhengi vísa í nýleg Reykjavíkurbréf Morgunblaðsins. 

Danskir fjölmiðlar hafa meira og minna látið eins og veirutímar séu fjarlæg fortíð en þó ber á undantekningum. Í ítarlegri frétt danska ríkisútvarpsins er fjallað um fólk sem bíður enn úrskurðar á skaðabótamálum eftir að hafa meira og minna orðið sjúklingar eftir kóvít-sprautur. Yfirvöld draga lappirnar auðvitað og á meðan þarf fólk sem í raun er orðið öryrkjar að reyna framfleyta sér á hlutastörfum og skuldsetningu. 

Það væri forvitnilegt að vita hvernig íslenskum fórnarlömbum sprautnanna vegnar að sækja sínar bætur. Séu fjölmiðlar ennþá sofandi þá hafa þeir auðvitað lítinn áhuga á málinu enda allir með á eftir sér langan slóða af áróðri sem átti að smala fólki í sprautu- og prófunarhallirnar og að öðru leyti halda því heima. En hafi þeir vaknað þá hlýtur hér að vera eitthvað til að fjalla um. Fjölmiðlar mættu jafnvel hafa samviskubit yfir að hafa magnað upp hræðslu og örvæntingu sem hrjáir enn þann dag í dag marga. Ég leyfi mér samt að vera hóflega bjartsýnn. 

Mikilvægt verkefni í dag er að koma í veg fyrir að svona hringleikahús geti farið af stað aftur (eða enn og aftur, réttara sagt). Ég er að vopna mig fyrir slíka baráttu, til dæmis með því að lesa og hlusta á bók Alex Berenson, Pandemia, sem kom út í nóvember 2021 þegar allir voru ennþá lamaðir af hræðslu þrátt fyrir vísindalega þekkingu á veirunni ógurlegu. Tengslanetið, spjallhóparnir og jafnvel nýjar vináttur verða mér sömuleiðis veganesti og stuðningsnet þeirra yfirveguðu ef menn voga sér að keyra nýjar og illa ígrundaðar tegundir „vísinda“ yfir okkur. 

Vertu með!

Athugasemdir

[Wilhelm Emilsson, 5.3.2023 kl. 20:19]

Eðlufólkið er á bak við þetta eins og allt annað. Þeir sem trúa því ekki eru annað hvort Eðlufólk sjálft, með því í liði, eða lætur blekkjast af áróðri þeirra. Það er tími til kominn að VAKNA! 

(Það er tímanna tákn að mér finnst ég þurfa að bæta því við að þetta er satíra.)

[Geir Ágústsson, 5.3.2023 kl. 20:40]

Wilhelm,

Nú veit ég ekki hvaða eðlufólk þú ert að tala um. Jú, stundum heyri ég talað um "the lizard people", en finnst skilgreining Urban Dictionary í raun eiga ágætlega við hérna:

Shorthand for people in a position of high authority (usually politics) that are so disingenuous, machiavellian, and detached from the plight of common people that it's almost like they belong to another conspiring, self-serving race entirely.
https://www.urbandictionary.com/define.php?term=lizard%20people

Sem sagt, ekki endilega einhver lokaður kjaftaklúbbur sem skipuleggur heimsyfirráð heldur miklu frekar kampavíns-kommúnistar, samfélagsverkfræðingar, milljarðamæringar með háleitar hugsanir um almúgann (sem þeir framkvæma úr einkaþotum sínum), og annað slíkt.

Eða eru Justin Trudeau, Boris Johnson og Joe Biden með puttann á púlsinum þegar kemur að lífsbaráttu hins venjulega vinnandi manns?

Er það þín afstaða?

Þá máttu gjarnan rökstyðja hana, í ljósi atburða undanfarinna missera.

[Ásgrímur Hartmannsson, 5.3.2023 kl. 21:09]

Það er einmitt eins og lokaður kjaftaklúbbur fólks sem er ekki í neinum tengzlum við venjulegt lif venjulegs fólks (eða bara raunveruleikann per se) sé að stjórna öllu.

Hef reyndar suma grunaða um að hanga mikið á Twitter.

Engin jarðtenging, allt er of miðstýrt.

Og fólk... það er upp til hópa of vitlaust til þess að geta notað lýðræðið sér í hag.

Eins og einhver kauði í auglýsinga-geiranum sagði: "people aren't stupid, they're fucking stupid."

[Wilhelm Emilsson, 6.3.2023 kl. 03:30]

Það kemur mér á óvart, Geir, að þú hafir ekki heyrt um Eðlufólkið (The Reptilian Elite.) Það er í raun svolítið grunsamlegt. Þú mátt gjarnan rökstyðja þá skoðun að þú sért ekki hluti af því samsæri.

[Geir Ágústsson, 6.3.2023 kl. 07:05]

Wilhelm,

Í svari mínu hér að ofan segi ég berum orðum að ég hafi heyrt þetta hugtak. Þetta svar svarar líka seinustu spurningu þinni.

Annars tek ég gjarnan þátt í samsærum. Þá gegn eðlufólkinu, ekki með því. Ég vona að þú sért til í að vera memm. Ekki veitir af.

[Wilhelm Emilsson, 7.3.2023 kl. 00:25]

Hæ, Geir.

Eðlu-fólkið eru geimverur ekki bara valdamikið fólk. Þetta er móðir allra samsæriskenninga . Ég hef áhuga á því hvers vegna fólk fellur fyrir samsæriskenningum og þess vegna finnst mér gaman að spjalla um þær. Ég er alltaf til í að vera með í því skilja hluti og nota gagnrýna hugsun.