Faraldur umframdauðsfalla ríkir núna

Í dag eru þrjú liðin frá því að Alþjóðaheilbrigðismálastofnunin (WHO) lýsti yfir hæsta mögulega neyðarstigi á alþjóðavísu vegna Covid-19 heimsfaraldursins. Þar á bæ eru menn ennþá á því að mikil hætta stafi af mannkyninu vegna veirunnar.

Það er auðvitað ekki rétt þótt stofnun í peningaleit segi það. Hins vegar er mögulega annar faraldur í gangi: Faraldur umframdauðsfalla.

Fjölmiðlum er að sjálfsögðu ekki treystandi til að segja okkur frá því frekar en lífshættulegum aukaverkunum í ýmsum líffærum í kjölfar sprautu. Slíkt á ekki að koma á óvart. Það gefur þeim sem vilja láta hið opinbera draga sig eins vagna í gegnum lífið möguleika á að segja: Ekkert að sjá hér! 

En svona aðferðafræði dugir ekki lengur. Fjölmiðlar hafa verið afhjúpaðir sem ólaunaðir blaðamannafulltrúar hins opinbera og stórfyrirtækja. Þeir þora ekki að kafa undir yfirborðið af ótta við að vera uppnefndir og sætta sig við allskyns yfirklór úr kjafti embættismanna. Hugsjón blaðamennskunnar er horfin. Núna vilja blaðamenn allir enda í þægilegri innivinnu sem blaðamannafulltrúar stórra fyrirtækja, ráðuneyta og opinberra stofnana. Þá dugir ekki að vera með einhvern stimpil á sér, er það? 

Þessa dagana er fólk að láta sprauta sig enn einu sinni gegn veiru sem er orðin landlæg og búin að stökkbreyta sér til að veikja minna og smitast meira. Ég óttast að umframdauðsföll fari af stað í kjölfarið en vona auðvitað að mér skjátlist. En hvað sem því líður þá ríkir nú víða í hinum vestræna heimi faraldur umframdauðsfalla, og það er fréttnæmt en ekki í fréttum.

WHO: Alþjóðlegt neyðarástand ríkir enn

Athugasemdir

[Guðjón E. Hreinberg, 30.1.2023 kl. 17:26]

Lauflétt ábending, veit ekki hvort þetta sé fljótfærni eða svartur húmor: "... mikil hætta stafi af mannkyninu vegna veirunnar."

Beztu kveðjur.

[Ómar Geirsson, 30.1.2023 kl. 18:01]

Blessaður Geir.

Þetta er örugglega þörf umræða, en þú skýtur þig algjörlega í fótinn með að vitna í Fréttina.is.

Það vekur alltaf grunsemdir um hinar heimildir þínar.

Hins vegar get ég sagt þér það, svona út frá reynslu míns nærumhverfis, á bæði aldraða móður á lífi á íbúðum aldraða, sem og aldraða tengdamóður á hjúkrunarheimili, að fólk tók uppá því að hætta að steindrepast, nema þá úr leiðindum, þegar faraldurinn gekk yfir og engin barnabörn með umgangspestir fengju að viðhalda eðlilegu jafnvægi milli lífs og dauða.

Og þetta ójafnvægi er að ganga til baka, sem betur fer, því það var greinilega að myndast stífla á lokaáfangastöðum eldra fólks.

Veit ekki Geir, en þegar maður er með fyrirfram ákveðna niðurstöðu í kollinum, þá hættir manni til að loka á margbreytileik lífsins, samspil þess eða annað.

Alveg eins og með skoðanir, þú veist það jafnvel og ég, að við nálgumst út frá mismunandi sjónarmiðum, en deilum samt um margt svipuðum lífsskoðunum, og eigum því margan snertiflötinn.

Sem við sæjum aldrei ef við værum fyrirfram ákveðnir að fordæma skoðanir hins.

Sem er ekki og því segi ég nú sem oft áður, Keep on running.

En passaðu þig samt á heimildum þínum.

Kveðja að austan.

[Ásgrímur Hartmannsson, 30.1.2023 kl. 18:21]

Ég þessum töluðum orðum er þetta merka mRNA "lyf" búið að draga til dauða 1% allra yfir 65 ára... aukalega.

4. sprautan er að vriak núna, og enhverjir eru að fá þá 5. sem mun ganga frá 80-100% allra sem hana þykkja á innan við 2 árum. (Gefur nýleg kínversk rannsókn til kynna)

Byggt á gögnum Hagstofunnar aðallega, og framreiknað.

Þetta mun halda áfram að vera svona í einhver ár.

[Geir Ágústsson, 30.1.2023 kl. 20:44]

Guðjón,

Stundum veit ég ekki hvort ég er fljótfær, alvarlegur eða kaldhæðinn. Ég þarf stundm að passa mig þegar ég kynnist nýju fólki til að valda ekki uppnámi.

Ómar,

Það er enginn vandi að smella sig til upprunalegra heimilda. Ég dæmi brauðið af bragðinu, ekki húðlit bakarans. En það er bara ég. Takk fyrir hvatninguna og innlitið.

Ásgrímur,

Svona lagað þarf auðvitað að skjalfesta rækilega og helst að sækja gögnin og taka skjáskot. Það virðist vera mögulegt að fara með strokleður yfir internetið, ef eitthvað er að angra strengjabrúðumeistarana. 

[Vagn (IP-tala skráð) 30.1.2023 kl. 21:03]

Það er illa komið fyrr þessari fornu söguþjóð þegar fréttamenn skrifa ekki fréttir byggðar á skáldskap. Því hafa sprottið upp miðlar, til dæmis fréttin.is, þar sem skáldskap er gert hærra undir höfði en þurrum tölum og flóknum gögnum. Þar er oft leitað í smiðju erlendra miðla þar sem skáldskap er gert hátt undir höfði og blogg, podköst og video einstaklinga sem ræktað hafa með sér skáldskapargáfuna. Þar má jafnvel fræðast um hinar ýmsu hættur bóluefna, sætuefna og farsíma ásamt heilsufarslegum ávinningi þess að ganga með stóra gulrót í rassinum, sofa í hlandblautum náttfötum og drekka klór. Og allt stutt með krassandi sögum og vitnisburðum.

[Geir Ágústsson, 30.1.2023 kl. 21:42]

Vagn,

Þú byrjaðir vel en endaðir illa í þessari athugasemd, en það var viðbúið. Takk fyrir innlitið.

[Helgi (IP-tala skráð) 31.1.2023 kl. 03:06]

Þú ert augljóslega ekki búinn að fatta plottið. Vinstri elítan (lesist sósjalísk öfl) sem eru ríkjandi í stjórnmálum heimsins fannst auðvitað kjörið að taka bóluefnum fagnandi án þess að þau hafi verið prófuð. Síðan fer allt af stað (dauðsföll og veikindi) með tilheyrandi reiði fólksins. En hverjum beinist reiðin gegn ? Jú gegn lyfjafyrirtækjum og reynt að tengja þau við alls konar embættismenn og hátt sett fólk . Það er einmitt það sem vinstri elítan ætlaði sér því hún þolir auðvitað ekki stórkapítal eins og stór lyfjafyrirtæki og ætlunin var að láta þau fá höggið og þá var auðvitað heppilegt að losa sig við óþægilegt fólk með því að spreða út sögum sem samsæriskenningarsmiðir gleyptu við samstundis um alls konar tengingar hátt setts fólks við þessi fyrirtæki og dreifðu svo þvælunni eins og enginn væri morgundagurinn . ERGO ráðabrugg vinstri elítunnar heppnaðist fullkomlega .