Niðurstöður fordæmalausra tíma eru að detta inn

Janúar 2020. Ný veira á ferð! Enginn vissi neitt! Hvað drepur hún marga? Hverja drepur hún? Hvernig á að stöðva hana og gefa vísindamönnum svigrúm til að svara lykilspurningum?

Menn vissu auðvitað svörin sama vor en það breytti engu. Veiran skipti ekki máli. Yfirvöld voru komin með stjórntæki, sérvitrir prófessorar og milljarðamæringar með stórar áætlanir sáu tækifæri til að endurræsa samfélagið og embættismenn fengu sviðljósið og framkvæmdavald ríkisins sem fyrir marga þeirra var greinilega blautur draumur að rætast.

Bandaríski blaðamaðurinn John Stossel telur nú vera kominn tími til að svara því hverjir höfðu rétt fyrir sér í geðveikinni og hverjir ekki, eins og hann útskýrir stuttlega í myndbandi:

Myndbandið er mörgu leyti gallað og ætti þar með að höfða til margra sem studdu, eða styðja, banvænar sprautur og sóttvarnaraðgerðir. John Stossel studdi á sínum tíma sprauturnar sem hafa reynst verra en ekkert og uppnefndi þá sem höfnuðu þeim. Hann telur takmarkanir hafa bjargað lífum en lítur aðeins til skemmri tíma. 

En þrátt fyrir þessa persónulegu trú hans á sprautur og lífsbjargandi töframátt þess að svipta börn menntun og fólk atvinnu þá endar hann á því að segja að fólk eigi að fá að ráða því sjálft hvar mörk öryggis og frelsis liggja.

Hann hefði mátt segja að frelsi og öryggi haldist nú bara ljómandi vel í hendur, en batnandi mönnum er best að lifa.

Ef sprautaður, ólaunaður sölumaður sprautuframleiðenda sem trúir á lífsbjargandi áhrif þess að læsa fólk inni telur að lærdómurinn frá veirutímum sé sá að sleppa þessu alræði ríkisvaldsins næst þá er kannski mögulegt að fleiri hugsi það sama, og að næsta vel kortlagða pest fái ekki að moka fé úr vösum fátækra í vasa ríkra, og vitaskuld taka líf þeirra fátæku vegna óbeinna áhrifa slíkrar tekjutilfærslu.

Kannski.

Athugasemdir

[Kristinn Bjarnason, 11.1.2023 kl. 16:46]

Lúmskasta blekkingin var að kalla þessar eitursprautur bóluefni. Efnið fær sakleysislegt yfirbragð og það er eingöngu stórskrítið fólk sem hafnar bólusetningu. Þetta efni á ekkert skylt við bóluefni. Að fólk eins og Kári,Þórólfur og Alma skuli hafa kallað þetta bóluefni er vísvitandi blekking. Hvað þarf að gerast til að fólk hætti að trúa þessu fólki og fjölmiðlum? Það dugar ekki að það sé nánast stanslaust logið að okkur. Þetta var svo þaulskipulögð aðgerð að hún hefur líkast til tekið áratugi.

[Þröstur (IP-tala skráð) 12.1.2023 kl. 00:40]

Kristinn þú talar um að þessi aðgerð hafi tekið áratug... 

Veit ekki hvort þú hefur séð þessa samantekt frá þýska rannsóknarblaðamanninum: 

Paul Schreyer: Pandemic Simulation Game er alveg must að horfa á.

https://www.youtube.com/watch?v=d3WUv5SV5Hg&t=1s

Góðar stundir.