Rússneskar kosningar

Ef einhverjir kunna að halda rússneskar kosningar þá eru það Rússar! Niðurstöður seinustu kosninga í höndum Rússa eru komnar í hús:

Final results
- In the Kherson Region, 87.05% of those who voted opted for joining Russia (497,051 people), with 12.05% (68,832) opposing the idea.

- In the Zaporozhye Region, the initiative was supported by 93.11% of voters (430,268 people).

- In the DPR, 99.23% of the electorate said they would favor uniting with Russia.

- In the LPR, 98.42% of the participants in the referendum voted for joining Russia.

Ekkert grunsamlegt á seyði hérna, eða hvað? Það mætti halda að það væri verið að veita Vigdísi Finnbogadóttur endurkjör í embætti forseta Íslands!

En jafnvel þótt menn telji hér um svik að ræða (sem virðist frekar augljóst), sýndarleik, leikrit, kosningasvindl, þá er samt nokkuð athyglisvert að skoða kort af svæðum undir stjórn Rússa og kort yfir tungumál Úkraínu, sem ég fann hérna undir fyrirsögninni "This Map Explains Why Ukraine Is So Divided Over Russia":

Berum þetta saman við svæðin þar sem svokallaðar kosningar fóru fram í, þau sem eru nafngreind á eftirfarandi korti (héðan) - Luhansk, Donetsk, Zaporizhzhia og Kherson:

Skoðum svo kort sem sýnir hvernig Úkraína var smátt og smátt stækkuð á tímum Sovétríkjanna og hinum ýmsu aðalriturum þeirra (héðan):

Einhver rauður þráður hérna, ekki satt?

Ekki að það skipti máli. Rússar eru að reyna éta stóran hluta af Úkraínu sem nær langt út fyrir átökin í austasta hluta ríkisins. Þeir eru á einhvers konar tímalínu sem heitir Úkraína fyrir tíma Leníns og Khrushchev. Auðvitað er ekkert heilagt við landamæri (margir vilja sjálfstæða Tíbet, styðja að Serbum sé haldið út úr Kosovo og hafa samúð með Kúrdum sem eru landlausir) og það má alveg skilja áhyggjur Rússa af því að Úkraína gangi í hernaðar- og árásarbandalagið NATO og ekki dugir að berjast á landamærum svo árum skiptir. En Rússar hljóta að vita að enginn tekur þessar kosningar trúanlegar.

Ég hlustaði á viðtal um daginn þar sem maður sagði að Rússar og Úkraínumenn hefðu verið ansi nálægt því að komast að einhvers konar samkomulagi (fyrir milligöngu Tyrkja) sem fæli í sér málamiðlanir af hálfu beggja en að þá hafi forsætisráðherra Bretlands skellt sér í heimsókn til Úkraínu og sagt við forsetann að samþykkja ekki friðsamlega lausn. Hvort sem það er satt eða ekki þá eru hagsmunir margra vissulega bundnir við að framlengja átök og koma í veg fyrir friðsamlegar lausnir, og slíkt kæmi mér hreinlega ekkert á óvart (minnir einfaldlega á veirutíma).

Annars vil ég í lokin benda á að skv. Wikipedia þá var innrás Bandaríkjanna og NATO í Líbíu árið 2011 ekki innrás heldur "military intervention". Þeir eru fleiri en Rússar sem kalla innrás eitthvað annað en innrás, er það ekki?

Athugasemdir

[Símon Pétur frá Hákoti (IP-tala skráð) 28.9.2022 kl. 12:08]

Sæll Geir

Þú gleymir hinni rússnesku kosningu

þegar Bjarni Benediktsson var endurkjörinn formaður Sjálfatæðisflokksins. 

Hann fékk 96,2% greiddra atkvæða.

Þeir kunna að halda rússneskar kosningar í Valhöll og Dags þétta svo byggðina þar.

[Ingólfur Sigurðsson, 28.9.2022 kl. 14:05]

Það kemur ekkert á óvart við rússneskar kosningar og þær eru bara skemmtilegar og augljósar. 

Vesturlönd nota aðra aðferð til að búa til úrslit og falsa niðurstöður, með innrætingu, heilaþvotti, með fullkominni stýringu á samfélaginu, með innrætingu barna allt frá fæðingu til grafar, Frankfurt skólinn, þar sem vísindi og tækni eru notuð sem stjórntæki elítunnar.

 

Niðurstöður í kosningum á Vesturlöndum eru nær alltaf rangar og ekki í samræmi við raunverulegan vilja fólks, þegar fólk VEIT EKKI HVAÐ ÞAÐ VILL OG GETUR EKKI TJÁÐ SIG, er fangi í eigin huga og eigin líkama.

 

Einu skiptin þegar vilji fólks fær að ráða í kosningum er eins og á Ítalíu nýlega eða í Svíþjóð nýlega, þegar fólk vaknar af vímunni sem falsmiðlarnir bjóða uppá og kommúníska skólakerfið, menningarmafían vinstrisinnaða. 

[Einar S. Hálfdánarson (IP-tala skráð) 28.9.2022 kl. 15:01]

Það hefur alltaf verið svo í Úkraínu og Suður-Rússlandi að fólk á sér ekki sameiginlegt tungumál. Heldur úkraínsku, rússnesku og blendingsmálýskur. Þetta breyttist talsvert rússnesku í vil eftir hreinsanir Stalíns. Tyrkneska(á Krím eftir 1945) og gríska hvarf að miklu leyti í hreinsunum. Úkraínumenn sem tala rússnesku greinast ekkert frá öðrum í skoðunum nema aðfluttir Rússar austast í landinu.

Landakort allrar Evrópu er gerbreytt, ekki síst eftir tvær heimsstyrjaldir. Kína er ekki búið að átta sig á stöðunni og krefjast Mansjúríu aftur frá Rússum.

[Hörður Þormar (IP-tala skráð) 28.9.2022 kl. 16:26]

Kínverjar eru vel minnugir. Þeir eru ábyggilega ekki búnir að gleyma því að Rússar hirtu Ytri Mansjúríu, með Vladivostok, af þeim um miðja 19. öld. En þeim liggur ekkert á, þeir bíða bara hentugs tíma til þess að endurheimta þessi lönd, kannski með "góðum vöxtum".

[Geir Ágústsson, 29.9.2022 kl. 14:50]

Einar,

Eitthvað finnst mér nú samt vera mismunur á því almennt hvernig Úkraínumenn hafa kosið eftir því hversu austar- eða vestarlega þeir eru.

Dæmi:

Héðan.

[Hörður Þormar (IP-tala skráð) 29.9.2022 kl. 18:42]

Það mun hafa verið árið 1994 að Úkraínumenn sömdu við Rússa um að afhenda þeim öll kjarnavopn sín og leyfa þeim að halda flotastöð í Sevastópól á Krím, gegn því að  Rússar ábyrgðust sjálfstæði og landamæri Úkraínu. Þetta samkomulag brutu Rússar með grófum hætti árið 2014, því miður óátalið að mestu. 

[Geir Ágústsson, 29.9.2022 kl. 20:57]

Hörður Þormar,

Er þetta skriflegt? Eða munnlegt eins og vilyrði Vesturveldanna um að NATO færi ekki feti lengra i austur en Þýskaland ef Rússland mótmæli ekki sameiningu Austur- og Vestur-Þýskalands?

https://www.theguardian.com/world/2022/jan/12/russias-belief-in-nato-betrayal-and-why-it-matters-today

[Þorsteinn Sch Thorsteinsson (IP-tala skráð) 29.9.2022 kl. 21:29]

Hörður Þormar, 

"Þetta samkomulag brutu Rússar með grófum hætti árið 2014, því miður óátalið að mestu. "

Það voru stjórnvöld í Úkraínu sem brutu allt þetta samkomulag, svo og brutu stjórnvöld í Úkraínu einnig Minsk 1 og Minsk 2- friðarsamkomulagið varðandi Heimastjórn fyrir Doneskt og Luhansk (Donbass), nú og auk þess settu þessi ákvæði varðandi Heimastjórn aldrei einu sinni inn í stjórnaskrá landsins,þú?  Þrátt fyrir öll þessi líka mörgu loforð, heldur hófu hvert stríðið á fætur öðru gegn Donbass, og gegn bæði Minsk 1 og Minsk 2 friðarsamkomulaginu, og hvar hefur þú (Hörður Þormar) verið frá 2014 ???  

Á fundi hjá Chevron-olíufyrirtækinu þá opinberaði Viktoría Nuland, aðstoðarutanríkismálaráðherra Bandaríkjanna, að stjórnvöld í Bandaríkjunum hefðu eytt 5 milljörðum dollara í að koma stjórnvöldum í Úkraínu frá völdum. Þessi ræða Viktoríu er reyndar til í heild sinni, svo og frægt samtal Viktoríu við Geoffrey Pyatt þar sem þau bæði skipulögðu og settu saman svona líka strengjabrúðu fyrirkomulag.

Það er hins vegar ekkert nýtt að stjórnvöld í Bandaríkjunum standi fyrir því að koma á litabyltingum með því að greiða mótmælendum, þú? Þá höfum við dæmi um aðrar litabyltingar er stjórnvöld í Bandaríkjunum hafa staðið fyrir eins og t.d. í Serbíu, Georgíu og Kirgisistan. Það sem er kannski nýtt við þessar litabyltingar á vegum USA,  en við þessa litabyltingu þá nutu þeir aðstoðar nýnasistahópanna Right Sector og Svoboda,  er halda reyndar opinberlega uppi merkjum nasista.

Samkvæmt frásögn Urmas Paet, utanríkisráðherra Eistlands, þá skutu þessar sömu leyniskyttur á bæði lögreglumenn og mótmælendur á Maidan-torginu, og allt til þess eins að magna upp ástandið fyrir stjórnvöld í Bandaríkjunum. Nú, og eftir þessari frásögn Urmas, sem höfð var eftir lækni er skoðaði eitthvað af öllum þessum 94 fórnarlömbum, þá hafa nýskipuð stjórnvöld ekki viljað rannsaka þetta mál. Eftir að nýskipuð ríkisstjórn Úkraínu ásamt nýnasistum tók völdin og úkraínska var lýst opinbert tungumál landsins, og öll rússneska stranglega bönnuð. Mótmælin í Odessa þann 2. maí sl. eru annað dæmi um það hversu langt þessir nýnasistar eru tilbúnir að ganga, þar sem þessir nasistar smöluðu mótmælendum inn í skrifstofubyggingar og kveiktu í þeim, þannig að yfir 48 manns létu lífið. Þrátt fyrir að mörg vitni hafi lýst þessum atburðum í Odessa, þá hafa skýrslur ekki verið birtar, og líklegast á þetta mál eftir að enda í sama farvegi og öll 94 morðin á Maidan-torgi, eða þar sem skýrslur verða aldrei birtar.

Á vettvangi Sameinuðu þjóðanna og í fjölmiðlum lýstu nýskipuð stjórnvöld Úkraínu því yfir að 16 þúsund manna herlið hefði hertekið Krímskaga, þegar 16 þúsund manna herlið er og hefur verið á Krímskaga í meira en 10 ár skv. samkomulagi. En í öllum þessum lygaáróðri var ekkert minnst á þá staðreynd að heimastjórn Krímskaga hefði ákveðið að reka úkraínska herinn í burtu og hefja atkvæðagreiðslu, þar sem íbúar skagans vildu ekki þessa ríkisstjórn, og höfðu auk þess óskað eftir leiðréttingu, því að í meira en 200 ár tilheyrði Krímskagi og héruðin Donetsk og Luhansk Rússlandi, en þegar Khrústsjov tróð Krímskaga inn í Úkraínu árið 1954, þá var það gert án samþykkis íbúa Krímskaga.

Í stað þess að styðja rússneskumælandi fólk þarna til að tengjast aftur sinni eigin 200 ára sögu og menningu, þá öskra menn hér að Rússar séu að reyna að endurreisa Sovétríki.





  

[Þorsteinn Sch Thorsteinsson (IP-tala skráð) 29.9.2022 kl. 22:30]

Hörður Þormar,

Þið og stjórnvöld í Bandaríkjunum, nú og allt líka nice, nice CNN, BBC, BlackRock og New World Order- áróðursliðið líka hljótið að geta komið aftur upp svona vopna- og lífrannsóknar-tilraunarstöðum fyrir Bandaríkin, ekki satt?

     

[Hörður Þormar (IP-tala skráð) 30.9.2022 kl. 12:02]

Geir Ágústsson.

Sem svar við spurningu þinni, þá vísa ég til eftirfarandi umfjöllunar á þýsku útvarpsstöðinni SWR2. Einnig má benda á "Budapest Convention 1994" á Wikipediu og víðar:  Russland garantiert 1994 Souveränität der Ukraine - SWR.dehttps://www.swr.de › ... › Archivradio