Hvar værum við án þessara blessuðu háskóla?

Háskólar eru yndisleg fyrirbæri. Þar er hægt að sækja sér menntun, þjálfun og þekkingu sem býr einstaklinga undir lífið og gerir þá að verðmætaskapandi einstaklingum sem beint og óbeint láta gott af sér leiða, þökk sé góðum undirbúningi og krefjandi námsumhverfi sem um leið fjöldaframleiðir vini og kunningja fyrir hvern þann sem kastar sér í djúpa endann á háskólasamfélaginu.

En þetta er nú ekki öll sagan.

Háskólar fjöldaframleiða ekki bara lækna, lögmenn og líffræðinga. Þeir framleiða líka fólk sem að námi loknu rýkur beint á atvinnuleysisskrá, í starf sem kemur náminu ekkert við eða í hólf innan hins opinbera sem eru búin til svo gráða sem engin eftirspurn er eftir fái líka einhvern áfangastað eftir útskrift.

Þeir framleiða líka skoðanir og álit undir yfirskyni vísinda og þekkingar. Prófessorar spá heimsendi og hamförum ef skoðunum þeirra er ekki hlýtt og fá hljóðnema frá fjölmiðlum sem kynna þá sem spekinga og spámenn. 

Og ekki batnar það. Núna er ég að lesa um rannsókn sem Yale-háskólinn í Bandaríkjunum er að safna sauðum í og ber hið skemmtilega heiti: 

Persuasive Messages for COVID-19 Vaccine Uptake: a Randomized Controlled Trial, Part 1

Fallegt, ekki satt? Hérna er virtur, ríkur og þekktur háskóli að þróa aðferð til að lokka sofandi plebbana inn í sprautuhallir þar sem líkamar þeirra eru fylltir af gagnslausu glundri sem eyðileggur ónæmiskerfi þeirra og jafnvel getu til að fjölga sér.

Ákveðinn hópur hluthafa klappar og flautar af gleði.

Já, þessir yndislegu háskólar. Ég þakka fyrir tíma minn hjá slíkri stofnun sem endaði á svolitlu lokaverkefni sem aflaði mér vinnu og þannig koll af kolli. En það sleppa ekki allir jafnvel, og háskólarnir, og prófessorarnir þar, bera vissulega ákveðna ábyrgð á því.

Athugasemdir

[Þórhallur Pálsson, 22.9.2022 kl. 23:23]

Viltu nú ekki fara að láta renna af þér ?

[Sigurður Kristján Hjaltested, 23.9.2022 kl. 00:11]

Geir þar ekkert að láta renna af sér Þórhallur

því margt af þessum punktum eru sorglega sannir.

[Geir Ágústsson, 23.9.2022 kl. 05:55]

Sigurður,

Hafðu ekki áhyggjur af Þórhalli, hann hefur yfirleitt þá eini athugasemd að hafa ekkert að segja um efnið en þeim mun meira um mig. Það þýðir ekkert að spila fótbolta við menn sem sparka í manninn frekar en boltann.

[Guðjón E. Hreinberg, 23.9.2022 kl. 14:53]

Úff. Nú varstu erfiður. Það er ekki hægt að gera athugasemd við þessa fullkomnu færslu.

[Geir Ágústsson, 24.9.2022 kl. 17:52]

Takk Guðjón. Svona lagað kemur fyrir þegar manni ofbýður.