Um sprautur og loftslag

Tvær góðar aðsendar greinar birtast í Morgunblaði dagsins sem mér finnst ástæða til að deila svo sem flestir geti lesið.

Sú fyrri er eftir Danann Bjørn Lomborg, en hann berst gegn því að einblína á loftslagsbreytingar sem eina vandamál mannkyns og vill þess í stað hjálpa fátæku fólki að spjara sig betur, enda sé hægt að gera það mun betur með því að sturta ekki milljörðum á eftir aðgerðum gegn losun koltvísýrings.

Sú síðari er eftir íslenska lækninn Guðmund Karl Snæbjörnsson, betur þekktur sem Kalli Snæ, sem berst gegn því að börn séu sprautuð með stórhættulegum, gagnslausum efnum sem skaða þau margfalt á við veiruna sem sprauturnar eiga að veita vörn gegn.

Báðir þessir menn eru það sem sumir kalla efasemdarmenn og aðrir kalla afneitunarsinna (sem trúa ekki á hið eina sanna guðsspjall hins pólitíska rétttrúnaðar). Þeir benda á hluti sem fá ekki hljómgrunn hjá áróðursvélum yfirvalda eða holræsismiðlunum (e. main stream media). Þeir tilheyra litlum minnihluta. En veistu hvað, það gerðu líka ýmsir á fyrri tíð sem í dag eru hylltir sem brautryðjendur.

Og kannski hverri umræðu sé hollt að sem flestar hliðar heyrist og að menn fái að skiptast á skoðunum og gögnum út í hið óendanlega. Eða er það úrelt hugsun á tímum þar sem við afritum í sífellt meiri mæli stjórnarhætti kínverskra kommúnista?

Athugasemdir

[Helgi Viðar Hilmarsson, 12.9.2022 kl. 16:33]

"að sturta milljörðum" snýst um mjólka þá sem bera kostnaðinn.

[Geir Ágústsson, 12.9.2022 kl. 17:14]

Helgi,

Bara alls ekki nei. 

[Guðmundur Ásgeirsson, 12.9.2022 kl. 19:37]

Talandi um sprauturnar, þá var forstjóri heilsugæslunnar í viðtali á Bylgjunni síðdegis í dag og í því viðtali viðurkenndi hann berum orðum að á tímum faraldursins hefði markvisst verið beitt hræðsluáróðri til að hafa áhrif á hegðun fólks, eins og að fá það til að mæta í sprautur o.fl.

Þegar fólk sagði að stjórnvöld beittu hræðsluáróðri var það kallað samsæriskenning. Nú er það ekki lengur kenning.

Þegar fólk sagði að grímunotkun og tveggja metra regla byggðist ekki á neinum vísindum var það kallað samsæriskenning. Nú er það ekki lengur kenning.

Þegar fólk sagði að "bóluefnin" svokölluðu virkuðu ekki var það kallað samsæriskenning. Nú er það ekki lengur kenning.

Þegar fólk varaði við því að lítið prófuð tilraunaefni gætu verið hættuleg var það kallað samsæriskenning. Nú er það ekki lengur kenning.

Listinn yfir afsökunarbeiðnir sem hjörðin skuldar fólkinu sem hafði heilbrigðar efasemdir lengist með hverjum deginum sem líður.

[Geir Ágústsson, 12.9.2022 kl. 20:09]

Guðmundur,

Frábær ábending!

Er að hlusta á manninn segja, án þess að breyta um tóntegund (frá 02:13): 

"Við höfum beitt svona svolítið hræðsluáróðri til þess að svona ná til fólks þannig að við, og það hefur gengið ákaflega vel" (tengill)

Og spyrlar spyrja ekki út í þetta. Ekki orð. Alveg magnað.

[Þórhallur Pálsson, 12.9.2022 kl. 21:51]

Høttu nú þessu rugli um sprautur og bólusetningar.
Nú vita allir landsmenn að þú ert rugludallur. 
Farðu að snúa þér að einhverju öðru.

[Þorsteinn Siglaugsson, 12.9.2022 kl. 23:46]

Spyrlar spyrja ekki út í neitt. Það er eiginlega bara furðulegt að fylgjast með því hvernig blekkingarnar hrynja ein af öðrum, og sjá svo athugasemdir frá fólki eins og einhverjum Þórhalli hér að ofan. Þá áttar maður sig á því hversu vel hræðsluáróðurinn hefur heppnast. Minnir á hvernig yfirgnæfandi meirihluti Þjóðverja trúði því í raun og sannleika að það hefðu verið Pólverjar sem réðust á Þýskaland 1939 en ekki öfugt.

[Geir Ágústsson, 13.9.2022 kl. 07:00]

Þorsteinn,

Tek undir þetta. Er sennilega að ímynda mér það en mér fannst koma hik á þáttastjórnendur þegar forstjóri Heilsugæslunnar hafði lokið að segja frá hræðsluáróðri. Kannski verið að hugsa með sér að spyrja nánar út í það. Hvað er meint með orðinu "hræðsluáróður" - reyna að koma fólki í uppnám svo það láti sprauta sig? Lokka fólk í lyfjagjöf? Hvað áttu við?

En eftir hikið (sem ég þykist taka eftir) er haldið áfram. Næsta mál.

[Guðmundur Ásgeirsson, 13.9.2022 kl. 08:58]

Þórhallur bætti sér á listann yfir þau sem skulda afsökunarbeiðnir.