Hetjur veirutímanna

Þegar veirutímar áranna 2020-2021 gengu yfir voru margar hetjur sóttvarna kallaðar til leiks. Ekki mikið af ungu fólki að rotna fyrir framan fjarkennsluskjáinn eða eldra fólki að deyja úr einveru, en margir þarna mitt á milli. Til dæmis leikarar í fullu starfi sem elskuðu, og elska mögulega ennþá, pinnana: 

Það væri heiður að vera sýnatökukóngur Íslands, segir leikarinn Jóhannes Haukur sem fór í sína eitt hundruðustu skimun á föstudag. Hann segist vanur sýnatökupinnanum og gæti haldið þessu áfram fram í rauðan dauðann.

Einmitt það já. Og fjarvinnan? Frábær!

Starfsmenn fundu einnig fyrir breytingum á sínu lífi með fjarvinnunni.

„Það má segja að hún hafi haft frekar jákvæð áhrif. Að vinna meira í kringum fjölskylduna og svo höfum við verið meira úti á landi í kringum stórfjölskylduna. Maður var miklu meira heima og fór miklu meira á netið og verslaði á netinu og fór svona færri ferðir en kannski stærri í innkaupum,“ segir Guðmundur Steinar Zebits.

Fólk með góða lyklaborðsvinnu kvartaði ekki. Kannski ekki ónáðað af leik- og grunnskólabörnum í kringum sig. Eða af þörfinni til að afla tekna og geta þá hangið á leikvöllum, eða við Playstation-tölvu, allan daginn.

Allt var þetta auðvitað áróður ætlaður þér til að sætta þig við svokallað nýtt norm. 

Margir bundu miklar vonir við þessa tíma. Þetta átti að vera upphafið að mikilli endurreisn, eða eins og segir á heimasíðu samtaka sem dreymir um slíkt, og er hér vitnað í mann sem nýlega fékk sína fyrstu vinnu á áttræðisaldri eftir að hafa eytt seinustu árum í að halda einkaþotu sinni virkri til að flakka á milli heimshluta til að segja almúganum að slökkva ljósin:

The current pandemic has brought unimaginable devastation to peoples lives and livelihoods and national economies. At the same time, the green recovery offers an unprecedented opportunity to rethink and reset the ways in which we live and do business.

Gott mál, ekki satt?

Nema draumur þinn sé 100 skipti af pinna í nefið þá skaltu hafa aðeins varann á þegar fjölmiðlar segja þér frá hetjum sóttvarna. Þær eru ekki þú. Fá mögulega eitthvað út úr því að vera leiddar niður þrönga ganga í sláturhúsi, með sprautu á endanum.

En mögulega ertu þar líka. Gott og vel þá.

Athugasemdir

[Guðmundur Ásgeirsson, 12.9.2022 kl. 00:05]

Hetjur veirutímanna eru þau sem létu ekki heilaþvo sig.

Þau sem höfðu heilbrigðar efasemdir um gagnsemi aðgerða.

Þau sem héldu úti heilbrigðri gagnrýni á stjórnvöld.

Þau sem létu ekki gabbast í vafasamar tilraunasprautur.

Nú þegar hefur komið í ljós að tortryggni þeirra og efasemdir áttu mun meiri rétt á sér en opinberi áróðurinn sem stjórnvöld héldu úti.

Þetta fólk á skilið stóra feita afsökunarbeiðni frá hjörðinni.

[Sigurður Kristján Hjaltested, 12.9.2022 kl. 04:10]

Tek undir með Guðmundi.

Einn mesti blekkingarleikur fyrr og síðar.

Og þjóðin sem telur sig vera svo vel lesna og

gáfaða, hagaði sér eins og heimskingjar.

[Kristinn Bjarnason (IP-tala skráð) 12.9.2022 kl. 12:01]

Núna ættu allir að vera að tala um hvernig er hægt að koma í veg fyrir að þetta gerist aftur. Allur opinberi geirinn er rúinn trausti. Ég óbreyttur Kristinn fann greinar eftir hina ýmsu doktora sem vöruðu eindregið við þessum efnum sem eiga ekkert skylt við bóluefni, en hjá okkar fólki voru þessi efni hafin yfir alla gagnrýni. Það er gífurleg ábyrgð sem fylgir því að sannfæra fólk um að láta sprauta sig með efnum sem vitað var að voru ekki í lagi. Hér hefur verið framinn stærsti glæpur gegn mannkyni og það lítur út fyrir að þetta fólk ætli að komast upp með þetta.

[Geir Ágústsson, 12.9.2022 kl. 15:02]

Ein stærsta veiruhetjan, Kalli Snæ, skrifaði grein í Moggann sem birtist í dag og ég endurbirti í nýjustu færslu. Þar er á ferðinni maður sem með yfirvegun, þekkingu og innsýn í nýjustu rannsóknir - og notkun skynsemi og rökhugsunar - hefur sennilega bjargað mörgum frá sprautunum, því að missa geðheilsuna og fá ekki að lækna sig með algengum ódýrum lyfjum.

Þetta er ekki búið. Þetta er bara rétt að byrja - aftur!