Raunveruleikinn bankar upp á

Orkukreppa er nú í Evrópu og fer versnandi. Þetta hefur komið mörg á óvart. Yfirklórið heitir að menn hafi auðvitað ekki átt að eyða miklu púðri í að undirbúa hið óvænta - slíkt sé óskynsamlegt og dýrt. Kaup á rússnesku gasi samhliða vanrækslu á eigin orkuöflun og orkuframleiðslu hafi verið sjálfsagt mál. Rússar hafi hreinlega gert hið óvænta og óumflýjanlegar viðskiptaþvinganir í kjölfarið verið nauðsynlegar en um leið erfiðar. Orkukreppan sé því í raun ekki þeim að kenna sem vanræktu orkuöflun og lögðu öll eggin í eina körfu. Nú fyrir utan að innflutt rússnesk orka skiptir ekki máli í stóra samhenginu.

Yfirklór af þessu tagi er auðvitað mjög ósannfærandi og nú hefur raunveruleikinn bankað upp á. Bretar ætla að henda sínum grænu yfirlýsingum í ruslatunnuna nú þegar nýr forsætisráðherra tekur við. Hollendingar, Þjóðverjar og Frakkar eru að gera eitthvað svipað. Nú skal gamla góða jarðefnaeldsneytið dregið upp á yfirborðið, bókstaflega. Stjórnmálamenn sem eru ekki beinlínis búnir að koma sér fyrir í hljóðeinangruðum herbergjum heyra neyðarkall almennings og atvinnulífs og bregðast við. Of seint auðvitað, en samt. 

Hvaða þvæla ætli endi næst á öskuhaugunum? Endurvinnslubrjálæðið þar sem rusl er sent yfir langar vegalengdir? Sú hugmynd að velferðakerfi geti lifað af óhamið innstreymi innflytjenda? Sú áætlun að flæma allan iðnað og alla framleiðslu til kolaorkuverslandanna til að bjarga loftslaginu? Sú trú að risavaxnar rafhlöður geti leyst af sprengjuhreyfla án þess að heilu landflæmin breytist í eitruð stöðuvötn? 

Tíminn mun leiða það í ljós. Eitt er víst: Raunveruleikinn hverfur aldrei þótt honum sé afneitað, og bankar alltaf upp á að lokum.

Truss frystir orkureikninga

Athugasemdir

[Vagn (IP-tala skráð) 8.9.2022 kl. 21:03]

 Og þú sem skynsamur maður hefur náttúrulega eytt miklu púðri í að undirbúa þig og fjölskyldu þína fyrir hið óvænta - slíkt sé skynsamlegt þó það sé dýrt.

En hvað hefur þú þá lagt mikið í að undirbúa hið óvænta? Hvað átt þú marga kassa af varahlutum í bílinn? Tunnur af bensíni? Og tonn af mat? Átt þú aðra íbúð til vara? Rafstöð? Mörg bretti af vatni á flöskum? Vopn og skotfæri? Og gull undir gólffjölunum? Það væri gaman að vita hvað öll skynsemin hefur kostað þig og hversu birgur þú ert fyrir hið óvænta.

[Geir Ágústsson, 8.9.2022 kl. 22:02]

Vagn,

Ég er undirbúinn, takk fyrir áhyggjur þínar. Meðal annars með því að halda útgjöldum vel undir tekjum, og lesa tilboðsbæklinga. En þú?

[Hörður Þormar (IP-tala skráð) 8.9.2022 kl. 22:12]

Í mínu ungdæmi þekktist ekki að hús væru kynt á næturnar og alls ekki á sumrin. En maður svaf undir hlýrri dúnsæng. Kannski var kalt á vetrarmorgnum en þá var bara ráðið að flýta sér að klæða sig í hlý föt. Ég minnist þess ekki að ég hafi liðið sérstaklega vegna húskulda.

[Vagn (IP-tala skráð) 8.9.2022 kl. 23:34]

Þekking á innihaldi tilboðsbæklinga kemur sér örugglega vel fyrir gáfumanninn ef Putin sprengir kjarnorkusprengju og joð er hvergi að finna í lyfjaskápnum. Kannski er joð í prentsvertu. Og þykk næringarrík bankabók ef hið ólíklega skeði og bankar færu á hausinn, enginn með vinnu á heimilinu og atvinnuleysisgreiðslur skertar af ríkinu.

Ég var meira að tala um að vera undirbúinn hinu óvænta frekar en að vera undirbúinn ef tómatsósa fer á tilboð eða ráða þarf iðnaðarmenn til að laga lekt þak.

Sjálfum hefur mér ekki þótt ástæða til að vera undirbúinn hinu óvænta. Ég hef til dæmis ekki sett sérstaka hlíf yfir húsið og varnarveggi til varnar loftsteinum, flugvélum og stjórnlausum bílalestum. Og ég læt mér nægja belti þó axlabönd kæmu sér vel ef hið óvænta skeði og beltið slitnaði.

[Geir Ágústsson, 9.9.2022 kl. 07:52]

Vagn,

Já það er greinilega dyggð í þínum huga að brenna akurinn sinn og treysta á góða nágranna til að selja þér gras, sem þú ferð svo í fýlu út í og vilt ekki kaupa af honum. 

[Kristinn Bjarnason (IP-tala skráð) 9.9.2022 kl. 08:26]

Það verður alltaf til fólk sem treystir öllu sem keumur frá ráðamönnum sama hversu vitlaust það er. Það er almennt mikill skortur á sjálfstæðri hugsun eins og við höfum orðið illilega varir við upp á síðkastið og ber þá hæst eitursprauturnar sem dælt var miskunnarlaust í landann, svo ég tali nú ekki um loftslagsmálin ógrátandi.

[Helga Kristjánsdóttir, 9.9.2022 kl. 16:41]

Sammála þér Kristinn hafandi fylgst með S.Þ.þegar Dag Hammerskjöld sá frómi Dani,var framkvæmdastjóri þeirra.Við sem erum talsvert eldri þekktum það óvænta frá náttúruöflunum og höfðum byrgt upp traust á fulltrúum S.Þ.-En tortryggðin byrjar ekki við fyrstu tilkynningar um Covid-veiru,heldur á almennri þekkingu á manninum,taka vitsmunir sig til og skilningarvitin að greina með forundrun arfavitlausa stjórnun,svo fölsk,svo sérviskulega ráðrík að það gat aldrei verið eðlilegt. 

[Theódór Norðkvist, 9.9.2022 kl. 19:29]

Dag Hammarskjöld var Svíi.

[Helga Kristjánsdóttir, 9.9.2022 kl. 22:11]

 Já takk fyrir .....