Danir hætta að sprauta

Dönsk heilbrigðisyfirvöld segja eftirfarandi í tilkynningu á heimasíðu sinni:

Børn og unge bliver kun meget sjældent alvorligt syge af covid-19 med omikron-varianten. Derfor vil det fra den 1. juli 2022 ikke længere være muligt for børn og unge under 18 år at få 1. stik, og fra den 1. september 2022 vil det ikke længere være muligt at få 2. stik.
Ganske få børn med særlig øget risiko for et alvorligt forløb, vil fortsat have mulighed for vaccination, efter en individuel vurdering af en læge.

Lausleg þýðing:

Börn og unglingar veikjast sjaldan alvarlega af völdum covid-19 með omicron afbrigðinu. Þess vegna frá 1. júlí 2022 verður ekki lengur mögulegt fyrir börn og unglinga yngri en 18 ára að fá 1. sprautu, og frá 1. september 2022 verður ekki lengur hægt að fá 2. sprautu.

Enska útgáfan er aðeins öðruvísi. Þar er ekki sami boðskapur um að börn séu meira og minna í engri hættu vegna COVID-19. 

Danir eru ekki að beina neinum meðmælum að fólki um að sprautur í börn séu óþarfi. Þau eru beinlínis að loka á fleiri sprautur fyrir krakka og unglinga. Krakkar og unglingar mega ekki einu sinni fá eina sprautu ef þeir eru ósprautaðir með öllu. 

Klókur maður spurði mig hvort ég vissi af hverju. Af hverju þetta bann við sprautum í börn? Ég hef ekki tekið eftir neinni umræðu um hættuna af sprautunum í dönskum fjölmiðlum (en hún er vissulega raunveruleg þótt blaðamenn segi foreldrum lítið frá því).

Nú eru Danir vissulega hættir að sprauta sig og hafa lítið látið sjá sig í sprautur síðan í febrúar eða um það bil. 

En hvað með unglinga sem vilja núna undirbúa veturinn og láta sprauta sig? Yfirvöld segja eftirfarandi við þá:

But, we must expect that many will be infected with covid-19 during this fall and winter. Therefore, it is important that the population remembers the good infection prevention recommendations that also prevent a number of other infectious diseases.

Jahérna, persónulegar sóttvarnir! Án sprautu og takmarkana! Það mætti halda að venjuleg flensa sé á ferðinni, ekki heimsfaraldur sem færir yfirvöldum óendanleg völd!

Við létum plata okkur og núna er sýningin búin og vetur að ganga í garð. Heimsfaraldur er ekki lengur hið heimatilbúna vandamál yfirvalda heldur orkuskortur, matarskortur og verðbólga. Spurning hvort heimatilbúna vandamál yfirvalda sé verra?

Athugasemdir

[Guðjón E. Hreinberg, 11.8.2022 kl. 17:30]

Hvar eru miskabæturnar handa okkur ósprautuðu gyðingunum?

[Geir Ágústsson, 11.8.2022 kl. 20:03]

Við ósprautuðu þurfum enga umbun. Við stóðum af okkur storminn og lifum við nokkuð fyrirsjáanlegar dánarorsakir (vegna aldurs, lífsstíls, erfðasjúkdóma og hvaðeina). Þeir sem drógu miða í sprautulottóinu vita miklu minna um þeirra örlög og sennilega lítið hægt að gera nema henda örorkubótum í þá sem lifa af heilablóðföllin og hjartabilanirnar. 

Hljómar kalt, en svona er það. Og enginn verður dreginn til ábyrgðar enda ekki hægt. Íslensk yfirvöld tóku einfaldlega við minnisblöðum frá utlöndum og innleiddu og vissu ekki af hverju eða hvaða áhætta var fólgin í því.

[Theódór Norðkvist, 11.8.2022 kl. 20:39]

Það vantaði þýðingu á síðustu málsgreininni.

Tiltölulega fá börn sem eru í sérlega mikilli hættu að veikjast alvarlega, munu áfram eiga kost á bólusetningu, í kjölfar læknisrannsóknar í hverju tilviki.

Breytir kannski ekki mikið niðurstöðunni, en rétt að hafa þetta með.

[Geir Ágústsson, 11.8.2022 kl. 21:11]

Theódór,

Alveg rétt, þetta slapp í gegn í flýtinum. Hefði viljað gera meira mál úr þessu: Að barn sé ekki sprautað nema að fengnu læknisáliti sem nær til hvers og eins einstaklings þar sem áhætta af veiru er vegin upp á móti áhættu af sprautu. Engar sprautuhallir sem stíla eingöngu á aldur. Sú hugleiðing bíður kannski betri tíma.

[Guðmundur Ásgeirsson, 12.8.2022 kl. 15:04]

Íslensk stjórnvöld hljóta að endurkrefja lyfjaframleiðendur um allar bæturnar sem mun þurfa að greiða hinum sprautuðu.

Nema þau hafi í afglöpum samið frá sér þann rétt... ?