Gott neyðarástand fær aldrei að fara í súginn

Ég er hjartanlega sammála þessum orðum:

Self-proclaimed liberal democracies already showed their true colors during the covid-19 pandemic, when they treated their citizens like mere cattle to be poked and prodded by whimsical technocrats. Now, as the Russo-Ukrainian War rages on, they’re further manifesting their pent-up tyrannical desires.

Fyrir rúmlega 2 árum hefði engum dottið í hug að yfirvöld í vestrænum lýðræðisríkjum gætu eða myndu loka fyrirtækjum og skólum, beita gríðarlegum þrýstingi til að láta almenning taka lítið prófuð og nánast gagnslaus lyf, banna ferðalög og hrópa að þeim sem voga sér að gagnrýna brjálæðið með ásökunum um upplýsingaóreiðu og að boða samsæriskenningar. 

Í nafni baráttunnar gegn staðbundnum átökum á ystu nöf Evrópu er svo enn bætt í og þeir sem einfaldlega benda á svolítið hlutverk Vesturlanda í röð atburða seinustu ára kallaðir stuðningsmenn einhvers útlends forseta sem allir vita að hefur ógeðfellt orðspor. 

Maður spyr sig hreinlega: Hvað næst? 

Veirutímar voru kallaðir fordæmislausir en eru nú orðnir að fordæmi. Það fer að verða svolítið vafasamt að telja vestræn samfélög vera vernduð fyrir ágangi yfirvalda með stjórnarskrám, þrískiptingu ríkisvalds og allskyns sáttmálum um hin og þessi réttindi. Þvert á móti er tilhneigingin víðast hvar að þenja hið opinbera út, skattleggja meira og meira í nafni velferðarkerfis, umhverfis og neyðaraðstoðar, skerða atvinnu- og tjáningarfrelsi, rekja ferðir almennra borgara og kannski á endanum gefa þeim einkunnir fyrir borgaralega hlýðni sem ákvarða hvaða tækifæri standa viðkomandi til boða. 

Hljómar raunar mjög líklega miðað við hvað á undan hefur gengið og hversu auðvelt var fyrir yfirvöld svokallaðra lýðræðisríkja að hirða frelsi, lifibrauð, félagslíf og sparifé þegna sinna, nánast andspyrnulaust.

Og á meðan hefur örlítill hópur vellauðugra manna malað gull og gerir enn í verðbólgunni sem var búin til fyrir þá.

Fer ekki að vera kominn tími til að ranka við sér?

Athugasemdir

[Þórdís Björk Sigurþórsdóttir, 15.5.2022 kl. 20:30]

næst er WHO pandemic treaty þar sem WHO fær að stjórna öllum aðildarríkjum, hvaða aðgerðum verði beitt osfrv. End of democracy segja sumir.

[Þórhallur Pálsson, 15.5.2022 kl. 20:40]

Ég held að þú sért búinn að bulla nóg um þetta !

[Geir Ágústsson, 15.5.2022 kl. 20:47]

Þórhallur,

Ég er rétt að byrja. Við búum í menningarheimi í hnignun og ég hef meðal annarra áhuga á því og hagsmuni því tengdu að verja þann menningarheim. Mig langar ekki í einkunnakerfi Kínverjanna, rússnesku einokunina á hvaða skoðanir mega heyrast, bandaríska woke-ismanum og trúarbrögðum Afríku og Miðausturlanda. Nema auðvitað ef einstaklingar kjósa þetta og hitt, persónulega, án þess að löggjafinn og framkvæmdavaldið séu að skipta sér af. 

[Theódór Norðkvist, 15.5.2022 kl. 22:22]

...trúarbrögðum Afríku og Miðausturlanda.

Trúarbrögð Miðausturlanda er einmitt það sem getur bjargað okkur frá þessum óværum sem þú telur upp.

Svo það sé skýrt þá á ég auðvitað við trú á Jesú Krist, þá trú sem á sinn uppruna þar og breiddist þaðan til Vesturlanda.

Það var áður en myrkur Íslams lagðist yfir þann heimshluta og er að gera innrás í okkar heimshluta með allt of góðum (réttara sagt slæmum) árangri.

Enda logar allt í illdeilum og styrjöldum þar sem Íslam nær að skjóta rótum og mannréttindi eru fótum troðin, réttara sagt ekki til staðar. Fátækt, hungur og drepsóttir bætast svo við.

[Kristinn (IP-tala skráð) 16.5.2022 kl. 11:19]

Þessi heilaþvegni unthinking mass er ekki að fara að ranka við sér heldur mun hann verja stöðuna með öllum tiltækum ráðum og kjósa það sama.