Tómur strætó

Þær verða alltaf furðulegri aðferðirnar til að lokka fólk til að láta sprauta sig. Nú á að keyra tóman strætó hingað og þangað því hugmyndin er sú að fólk vilji alveg rosalega láta sprauta sig en bara kemst ekki á staðinn. Eru menn hérna vísvitandi að blekkja sjálfa sig? 

Allir Íslendingar yfir 40 ára aldri eru yfir 90% tvísprautaðir og sumir núna þrísprautaðir. Fyrir sjötuga og eldri er hlutfallið nálægt 100% í tvísprautun og sennilega mjög hátt í þrísprautun. 74% hlutfall 12-15 ára (þar af 67% tvísprautaðir) hafa látið sprauta sig (og sumir náð sér í hjartavöðvabólgu og óreglu á tíðarhringnum í leiðinni). 

Fleiri og fleiri vita að þeim stafar frekar lítil hætta af þessari veiru eins og öðrum og að sprautur geti haft í för með sér hættulegar og jafnvel banvænar aukaverkanir. Þetta fólk vill einfaldlega ekki taka áhættuna. Menn geta svo básúnað um smithættu og álag á illa reknum spítala eins og þeir vilja og auðvitað um hættuna af því að smita þetta svokallaða bólusetta fólk en þeir sem vilja ekki veðja heilsu sinni og lífi á sprautu eru ekki að fara skipta um skoðun af því tómur strætó keyrir framhjá.

En hvernig má þá fá fólk í sprautur? Jú, með gömlu góðu aðferðunum sem Þórólfur nokkur Guðnason lýsti í grein árið 2018 (áhersla mín):

Fá lyf undirgangast eins viðamiklar og strangar rannsóknir hvað öryggi og árangur varðar og bóluefni áður en þau eru tekin í almenna notkun. Áður en bóluefni eru sett á markað eru þau rannsökuð hjá mörg þúsund einstaklingum til að kanna árangur þeirra og öryggi. Þessar rannsóknir geta hins vegar misst af mjög sjaldgæfum aukaverkunum og því er einnig fylgst náið með hugsanlegum aukaverkunum bóluefna eftir að þau hafa verið tekin í almenna notkun. Með þessu móti er hægt að finna mjög sjaldæfar aukaverkanir og endurmeta notkun bóluefnanna. Niðurstöður slíkra rannsókna hafa sýnt að alvarlegar aukaverkanir bóluefna sem notuð eru hjá börnum í almennum bólusetningum eru mjög fátíðar, eða um ein aukaverkun á hverjar 500.000-1.000.000 bólusetningar. Þetta þýðir að á Íslandi má búast við einni alvarlegri aukaverkun á um 40 ára fresti. Fjöldi aukaverkana er þannig óverulegur í samanburði við þann árangur sem sést af bólusetningum.

Sem sagt: Andstæðan við að drífa nýjum tilraunalyfjum í gegnum neyðarleyfi og sprauta svo í hverja einustu lifandi sál með margfalt hærri líkum á lífshættulegum aukaverkunum en gengur og gerist í bólusetningum. Margfalt!

Vilji menn ná seinustu hræðunum inn í sprautu þá þurfa menn einfaldlega að vinna heimavinnuna sína: Prófa lyfin til fulls, sannreyna virkni þeirra og minnka líkurnar á alvarlegum aukaverkunum og andlátum í kjölfar sprautu.

Þeir sem vilja taka áhættuna í prófunarferlunum eiga auðvitað að fá að gera það (með þessi lyf eins og önnur) en stjórn samfélagsins á ekki að miðast við að sem flestir gerist tilraunarottur.

Hinn möguleikinn, sem því miður er að vaxa í vinsældum, er að merkja ósprautaða sem einhvers konar holdsveikisjúklinga, meina þeim aðgang að samfélagi manna og uppnefna þá sem álhatta og samsæriskenningasmiði. 

Megi sprautustrætóinn keyra tómur sem lengst.

Strætó notaður við bólusetningarátak

Athugasemdir

[Kristinn Bjarnason (IP-tala skráð) 17.11.2021 kl. 13:28]

Það er ekki búið að stíga regndansinn nema í nokkra daga og við erum farin að sjá árangur strax. Það væri samt mjög ánægjulegt að fá einhverja áætlun um hvernig eigi að losna út úr vítahring sóttvarna sem eru til þess fallnar að viðhalda vírusnum. Það er alveg ljóst að það gerist ekki með eitur sprautum heldur með því að láta vírusinn ganga yfir á meðan hann er ekki hættulegur. Ef sjúklingar eru meðhöndlaðir strax með lyfjum sem virka vel eins og ivermctin og hcq ásamt zinki og d og c vítamíni þá er enginn að leggjast á spítala. Hin leiðin er að aðlaga spítalann að þjóðinni og láta vírusinn ganga yfir. 

Þetta er eins og rússnesk rúlletta þessar sóttvarnir og sprautur. Er enginn með viti sem getur stöðvað þetta?

[Kristín Inga Þormar, 18.11.2021 kl. 09:11]

Ég segi það með þér, megi þessi strætó keyra tómur sem lengst. Þetta er ekkert annað en andstyggileg leið til að lokka sem flesta í eiturgjafirnar.

Manstu eftir viðtalinu við Þórólf á sínum tíma þar sem hann sagði að það þyrfti að tryggja að nýtt bóluefni ylli ekki skaða?

Hraðspólum fram til gærdagsins, þá var búið að tilkynna um 5.549 aukaverkanir, þar af 32 andlát og 199 aðrar lífsógnandi.

Þórólfur er þögull sem gröfin yfir þeim, enda aldrei krafinn svara um þau í fjölmiðlunum.

[Geir Ágústsson, 18.11.2021 kl. 10:49]

Kristinn,

Mér sýnist nú veiran vera að hegða sér með svipuðum hætti í Danmörku og á Íslandi þótt í Danmörku séu engar grímur og takmarkanir helst bundnar við að sýna vottorð um sprautu, fyrra smit eða nýlegt neikvætt próf á veitingastöðum eða þar sem fleiri en 200 manns koma saman innandyra. 

En fyrirbyggjandi meðferðir? Snemmmeðferðir? Ekki komið á kortið í Vesturlöndum því miður. Indlandi, El Salvador og fleiri ríkjum sem fá engar sprautur eða hafa ekki efni á þeim, en ekki Vesturlöndum.

Kristín,

Þessi þögn er ærandi. Ég varð t.d. fyrir svolitlum vonbrigðum með að aukaverkanir hafi ekki komið til tals í annars mjög góðu hlaðvarpi um veiruna á vegum Þjóðmála. Þar ræddu þrjár efasemdarmanneskjur um ágæti Covid-fasismans um ástandið en nefndu aldrei neikvæð áhrif af sprautunum og álagið sem þær hafa valdið heilbrigðiskerfinu og fólki.