Blórabögglar

Látum okkur sjá.

Það er búið að sprauta nánast alla Íslendinga yfir 12 ára aldri með efnum sem eiga að verja gegn COVID-19.

Flestar innlagnir á spítala eru á einstaklingum sem er búið að sprauta gegn COVID-19.

Þeir sem hafa þegið slíka sprautu geta smitast og smitað aðra.

Sprautan stöðvar ekki útbreiðslu veiru.

Hún kemur ekki í veg fyrir alvarleg veikindi þótt hún geti kannski fækkað slíkum tilfellum (eins og fæðubótarefni, vítamín og heilsusamlegur lífsstíll).

Hún dugar verr en náttúrulegt mótefni sem myndast í kjölfar smits.

Gefið allt þetta þá segir hæstvirtur fjármálaráðherra engu að síður:

„Og það eru ákveðin vonbrigði þegar við höfum náð þetta mikilli útbreiðslu bólusetninga að vandi sem að stórum hluta til leiðir af þeim fáu sem ekki hafa verið bólusettir verður til þess að allir þurfa að grípa til ráðstafana.“

Þetta má túlka á marga vegu.

Kannski er hann að hita upp fyrir sprautur í unga krakka. Nú er róið að því öllum árum að geta sprautað niður í 5 ára aldur. Í Evrópu er búist við að þetta gerist í lok árs. Gleðileg jól, eða hitt þó heldur. Og á meðan ekki má sprauta litla krakka eru þeir gerðir að blórabögglum og skólar þeirra opnaðir og lokaðir til skiptist og krökkunum haldið mátulega hræddum á meðan nálarnar eru undirbúnar.

Kannski er hann að atast í þessum tíundahluta eldri en 12 ára sem hafa ekki boðið fram handlegg sinn. Þeir eru jú að fylla örfá sjúkrarúm og setja heilbrigðiskerfið á hliðina. Að vísu ekki meira en þeir sprautuðu og jafnvel töluvert minna en allt þeim ósprautuðu að kenna.

Kannski er hann einfaldlega að bulla með rassgatinu á sér.

Dæmi hver fyrir sig.

Athugasemdir

[Guðmundur Ásgeirsson, 6.11.2021 kl. 17:52]

Bjarni veit ekkert hvað hann er að tala um.

Öll smit í þessari bylgju má rekja til sprautaðra því það er sá hópur sem flutti veiruna inn í gegnum landamærin og fór svo á djammið og dreifði henni, vegna þess að búið var að lofa þeim að þau mættu það ef þau myndu hlýða og þiggja sprauturnar. Svo kom í ljós að þær virkuðu ekki.

Ósprautaðir gátu eðli máls samkvæmt ekki flutt þessa nýju bylgu inn um landamærin þar sem sá hópur er skikkaður í sóttkví með valdboði.

Ég ætla því að leiðrétta ummæli Bjarna:

Það eru ákveðin vonbrigði þegar við höfum náð þetta mikilli útbreiðslu bólusetninga að vandi sem að öllu leyti leiðir af þeim sem hafa verið bólusettir verður til þess að allir þurfa að grípa til ráðstafana.

Sko, ég lagaði þetta fyrir hann. ;)

[Sigurður Kristján Hjaltested, 6.11.2021 kl. 18:02]

Góður Guðmundur..

[Magnús Skúlason (IP-tala skráð) 6.11.2021 kl. 18:12]

Mikið er það óskapleg heimska sem er í þessum þræði. En eihverstaðar verða vondir að vera.

[Geir Ágústsson, 6.11.2021 kl. 18:49]

Guðmundur,

Spot on!

Varðandi þá sem telja upptalningu á opinberum gögnum vera "heimsku", þeir um það.

[Grímur Kjartansson, 6.11.2021 kl. 20:14]

Eru ekki 600 starfsmenn Landspítala óbólusettir
ef bólusetning er svo ofboðslega góð forvörn og alltaf er verið að verja fjölda sjúkrarúmma þá ættu allir íslendingar ekki að þurfa líða frelsissviptingar vegna þessa 600

[Bragi Sigurðsson (IP-tala skráð) 7.11.2021 kl. 20:38]

Bjarni hugsar um aðeins eitt allan daginn: Að Elítan og Frímúrar á Íslandi verði ríkari og voldugri. Öll tækifæri til þess að koma þessu í verk verða gripin.